Codka Warbaahinta: Dhiig baxa shacbigu waa dhammaan dhagar u noolooyin!.　

Asc. Dhammaan ummada soomaliyeed meel aad joogtaanba. Allaah (SWT), baa mahad dhamaanteed leh Rasuulkiisa Maxamed (NNKH), baa sharaf leh. Codka Warbaahinta ayaa ah kan ka ilaaliya ummadiisa dhammaan waxyaabaha xun xun guud ahaan. Gaar ahaan, dal masiibooyin iyo dagaalo sokeeye ka dheceen sida dalkeena hooyo. Waxay horseedaan barnaamijyo, wacyigelin iyo faa’iido ummadda u leh. Waxay dood cilmiyeed ku muujiyaan qilaafaadka jira, iyagoo la kaashanaya cidda aqoonta u leh iyo kuwa leh wax ka qabadkeeda.  

Waxay ka digaan wixii wanaagga ummadda ka dhan ah, waxay qayb ka noqdaan dadaalna u galaan xasilinta iyo dejinta dalka iyagoo u maraya dariiqa ugu haboon. Waxay xushaan kuwa leh damiirka wanaagsan jecelna wanaagga. Waxay ka fogaadaan wixii dhib ummadda u keeni kara. Waxay dhiirigelin, toosin iyo tala bixin aan turxaan lahayn la garab istaagaan ummaddooda kuna abuuraan shucuur midnimo, nabad, wadaniyad iyo nidaam dawladeed. 

Hadaba kuwa maanta ku matala codka warbaahinta magaca ummadda Soomaliyeed ayaa ku caan baxay 99%, cadaawadda iyo naceybka ummadda soomaaliyeed. Noqdayna kuwa u nool kuna nool dilka, kala dirka iyo kala daadinta ummadda soomaliyeed. Kicinta, kobcinta xiisadaha colaadeed, bogaadinta; dhiiri gelinta daadashada dhiigga ummadda, damqinta iyo ku liiliijinta warmaha boogaha aan weli biskoon.  Soo dhaweynta iyo u gacan haadinta cid kasta oo ka qaawan damiir, wadaniyad iyo aqoon. 

Waxay darseen meel kasta oo ummaddu ka nugushahay. Waxay u adeegsadeen xirfadooda iyo codka warbaahinta oo ay ku matalaan magaca ummada soomaliyeed. Waxay isku dhaarsadeen in aan ummaddu degin, nabad helin oo laba ka mid ah wanaag dhexmarin. Waxaa in badani la yaaban tahay, ama is weydiinaysaa sida ay ugu sahlan tahay abuuridda dhibka ummadda soomaaliyeed oo ay ugu adag tahay ka shaqeynta wanaagga iyo waxa u diidey?  

Hadaba maxay tahay cadaawadda intaa la’eg ee warbaahintu u qabto ummadda soomaaliyeed?  Waxaan qabaa in aan jawaabtu meel fog jirin. Waayo, waxay ku dhismeen xaaraan, sharci daro iyo aqoon la’aan.  Waxay qabaan haddii sharci, maamul iyo kala dambeyn ummaddu hesho in aysan jiri doonin.  Haddaba maxaa la gudboon ummadda soomaliyeed? Waxaan qabaa mar haddii codka warbaahintu ku caan baxay caadeysteyna cadaawadda, NABADA, MIDNIMADA DADKA IYO DALKA SOOMALIYEED, in ay tahay lagama maarmaan iyo waajib lama gudbaan ah. In loo arko loona aqoonsado, kuwooda arintan ka dhigtay, dastuurka iyo in ay xaq u leeyihiin dibindaabyada ummadda iyo dariiqaas foosha xun Cadowga 1aad ee ummadda soomaaliyeed sidaasna loola xisaabtamo. 

Waxaan aqristoow halkan kuugu soo gudbinyaa tixdan gaaban oo ku wajahan warbaahinta maanta. Magaca gabayga ayaa ah DHAGAR U NOOLE. Adinkoo mahadsan mar walba aqris iyo dhegaysi wacan.

   Dhageyso gabayga Dhagar u Noole

INTUU NABAD DHAYDHAYI LAHAA SHACABKA DHIIFAYSAN

DHAWAAQ DHIILA WADA IYO COLAAD HA U DHISNAADEEN

DHAGARTIYO DHIBAATADA SHACBIGA HA U DHAGTAAGEEN

KOLKII UU WANAAG YARI DHASHABA HAW DHIGAAN QALADE

DHIDIBADA HA SIIBAAN MARKII WAX U DHAQAAQAANE

DHARKANA HA U XIREEN WIXII KA DHANA HANA KU DHAARTEENE

MAKAROOFAN HAYS DHINIC WADEEN HAYSKU DHERERSHAAN

HADBA DHIDAR DHUFEYS UGU JIRIYO KII AH DHIMIR LAAWE

DHUGLAAWE AN WANAAGU U DHADHAMIN HA U DHIGAAN MIIS

DHARKEYN IYO HASOO DHIRINDHIRSHEEN SUN IYO DHUUNKAAL

OO HAYSUGU DHAFEEN ERAYO AY KALA DHANTAALEENO

DHAMAC IYO DHIMBILO HA U SHIDAAN HANA U DHIIBAAN

DHAN WALABA HA U DHOOFSHEEN MARKUU BUUSHO DHOOMAHA

DHAMBAALADA HA WARIYEEN BULSHADA DIB U DHECEEDA AH

WIXII DHAAWACAHAYAHABA HAWADA HA U DHAQAAJAAN
　

HA KU DHIIRI GALIYEEN DHAC IYO DHIIG IN UU GALO

DHALANTEEDKA HAYSAGA DHIGEEN DHOOL GU’ OO DA’AYO

DHEXDHEXAAD HA SHEEGTEEN INTAY BALO DHARDHAARAAN

DHAKAFAAR NAFLUHU HAW DHINTIYO DHAYGAG IYO YAAB

TAARIIKHDU DHUMIMAYSO OO WAA MID AAN DHIMAN

WAXA AAD DHIGTAAN OO DHAHDAAN BAA DHITA AHAANO

DHIIG BAXA SHACBIGU WAA DHAMAAN DHAGAR U NOOLYIN

AFARTAAS DHIDBAYE BAL AN MID KALAE ARAGTIDOOW DHAAFO

DHULKAYGIYO DHACDADA MAANTA TAAL AAN KA DHAHO WEEDHAN

RABBINA U BANDHIGO TALADA TII UU DHAHAA DHIGANE
　

CALANYAHOW DHARAAR IYO HABEEN DHABANKA DUUGAYA

CIIDYAHAY LA DHALAN ROGAY HADANA DHABARKA LOO TUURAY

UMMAD YAHAY DHIB MOOYEE AN WELI DHEEFSAN CUDUDEEDA

INKASTOOYSAN DHAAYUHU ARKEYN WIXII AN DHAWRAAYEY

BOQOLKIINA DHAWR TAHAY WAX RABA INAAD DHISNATABA

OO UU DHIF IYO NAADIR YAHAY QARAN MID LOO DHIIBO

HAYEESHEE XAQAAGII DHIGMAA QEYRKA KUU DHALIYE

RABBINA WAA KUU DHEEHANAHAYAA WAA AAD DHEGAYSAYE

NASIIBKAAGA OON KALA DHINEYN KUU DHAMMAYS TIRANYEEY

AAMIIN.

　
——–
A.Y. JAMA Abdullahi Isim
abduldjamal@yahoo.com 

————

HOOS KA AKHRI AMA KA DHAGEYSO QAAR KA MID AH GABAYADII HORE EE ABWAAN CABDULAHI ISIM:
 

Gabay: Madal su’aal taala! By Cabdulahi Ismim (Akhri ama dhageyso)