Abwaan Cabdulaahi Yuusuf Jaamac (Cabdulahi Isim) oo inta badan ka gabya xaaladaha qalafsan ee ay dadka iyo dalka Soomaaliyeed mar walba ku sugan yihiin ayaa waxaa uu haddana soo saaray gabay cusub oo uu ugu magac daray “Ujeedo Xun.” 

Abwaanku waxuu horay usoo saaray Saar uu ugu magac daray “Ujeedo xun”,  iminkana adinka oo mahadsan mar walba maqal iyo aqris wacan:

    Halkaan ka dhageyso Gabayga Ujeedo xun.

Ama hoos ka akhriso:

ADDUUNYADA DURUUFAHA JIRAA  LOOGU DOWGALAYE

INAAN DAWREY LAY MOOD MARKAAN DAAHAY DHOWR BARI

BAL AN DEGO HOGAAN DOORAN JIREY DOORKAN KALE

.  WAA GABAY KA DARE IYO KU DARE AAN U DIRAYAA

WAA GABAY DAMIIR IYO DAREEN DUUL KA MARANA AH

DOOFAARKU QOON UU DAMQADAY FICIL DARANTOODA

UJEEDO XUN  INTAY TUUFSATIYO DAYDAY IYO DOOLEE

.  IN SHAYDAAN U MAANKIINA  DADAY OO KU DAXALAYSTAY

OO LAABTA DIDIB IDINKA DHIGAY AAN DIGIIGAXANIN

OO ISLAANIMADA AAD DULIN KU TAHAY WAXAW DALIILKIYA

.  SAAD MUUMIN DAARTII ALLIYO JIIFA DADABTIISA

DOOC IYO DAREEN MOOGIHIYO DIINIGA U LAYSO

DIIDMADA QAYAXAN IYO DANNIGA KUU DASTUURKA AH

.  DALKANA DAALIN NACAB DIRSADAY OO KA DIIF CULUS

DADKANA CUDURKA MAAN DOORIYAHA OO DILAAGA AH

SIDA  AAD  DARIIQYADA LA MARO MIINO UGU DUUGTO

OO AAD DUQOOW IYO WAXGARAD DUUBABKA U LAYSO

.  DABXIRKIYO DIRYAANKA IS QABSADAY SUUGA DANANAAYA

OO IDIINKU  KUUGU DAWDABAHAYAA HAWSAR DARANDOORI

OO IDIN DABAALSIINHAYAA  DAABCADIYO DAABKA

OO IDIN DARDARAYAA WARMAHA DOOSHA IYO DUUDKA

OO KAA DABCINAHAYN DARBADA BUUDKA DABADIISA

.  GAASKII DINAAHYEYN JIRIYO GUUTADII DANAB DHEH

AMAR DAWLO XOOGII DALKIYO CIIDAN DAACADA DHEH

AGOONTAAD DISHEEN ABBAHOOD OO DEREYS XIRAN DHEH

UMMADOO DANTEED GARATAY OO AAYA DOOR BIDAY DHEH

.  ARDADAAD DORAAD DUBATAY IYO UMMUL DARAADIIS DHEH

KUWAAD  LABA DIBLAHA UGU XIRTEEN DOGOBKA HOOSTIISA

OO DUUBIYADA GOOSTEEN DABA GALKEEDII DHEH

DAN GARAARADAAD NAGU DHIGTAY IYO DIB U DHACEEDII DHEH

.   DOOR IYO INDHEER GARAD WIXII DAAQAD LAGA TOOGTAY

DUMARKAAD ASAYDA U XIRTIYO DIHASHADEEDII DHEH

SHAREECADII DABAAJIGA AHAYD NUUR U DAALACAY DHEH

CALANKAAD DHAHDEEN DAADEG IYO CIIDDA OO DALA DHEH

.   SHARCIGII ISILAAMKOO DUBKIYO DUUBKA LAGU QAATAY

IBLAYSKUNA QALBIGA DOOJIYOO DAAMURKOW MARIYEY

DURDURKII FARDOOSIYO JANNADII DAGATAY WEEYAANE

JIHAADKII DIJAAL KUU DARBAY IYO DARAJADIISII DHEH

RABBI WUXUU KA DIGOO DAAYA YIRI OO LA DAAMEY DHEH

.   DIYAARADAHA DALAN DOOLAYA OO IDIN DUQAYNAYA

DABAABADAHA KEENYAANKU  WAA DALAGADBEERTEEN

DARIB IYO WAXAY KUU SIDAAN SIXIN AAD DAACDAANE

EE DARDARSADA WADAAMAHA DULMIGII BAA IDIIN DA’AYE

.  DADNIMADII UJEEDADA SI KALE LOO DIWAAN GALIYEY

DANYARTIYO HAWEENKII DAYACA DACAYGA JIIDAAYEY

FARXAD IYO DAMAASHAAD KU DARAN OO DABAAL DEGA DHEH

ABAALKAAD DADKOW DHIGATAY IYO DIINTA EEBAHAY DHEH

DAR ALLIYO DUBAHA IDINKU DHACAY DUCIYO AAMIIN DHEH

.  NINKII BELO DURBAANKA U TUMOOW WAA KU DAYATAAYE

WAA KUGU DEGTAA KULA DAGTAA KUGU DAROORTAAYE

HAKA DIDIN MARKAY KUGU DIGRIDO OO KULA DAWAARAYSAY

OO HA KU DIIMIN WAA DARARTA IYO  DUUGA KEEDA  AHE

.   DARBADAAS UJEEDO XUN HADAAN DOODA UGU MUUJO

DARBADAAS UJEEDO XUN HADAAN DOODA UGU MUUJO

DARBAD KALANA WAA DAWLADIYO TII DADWEYNAHA

.   WAA GABAY U DANA REER DUDIYO REER DAYEYSANE

WAA GABAY DULMANE IYO DAMANE LOOGU DIGAYAA

GABAY DALKAAN IYO DIRKA LEH AN U DIRAYAAYE

WAA GABAY DEGMIYO GOBOLBA DAARTA LEEYAHAY

.   DALKII UU  IBLIIS UGU DUL DEGO SIDA DAGAANKEENA

OO JIN IYO JAAN LAGU DUL FURO AAN WAXBA IS DOORIN

IYADUNA DULIGA QAADATA OO DIIDNAY ORANWAAYE

CARADII ILAAH OO DEGDEG AH LOO DALBAA AMAROO

JUNDULAAHI BAA LOO DIRAA LANA DULGEEYAAYE

.   IFKA DAARAN WAA LAGA DANSHAA OO MUGDAA DEGA

DARIIQIYO WAXAA LAGA DUWAA  DAWGA QEYRKA LEH

DULQAADKIYO WAXAA LAGA DIRAA KHEYR  DAREEMAHA

DABCIGIYO AQOONTAA DHINTA OO WAA AY DULOOBAN

.   DAAD WAXAA KU JABA DURDURA DOOXYO WAADIYA

DAB WAXAA KU BAXA AAN LA DEMIN OO MA DUUGMA AH

DALNA UMA XASILO IYO XAL AY DIB UGU AAYAANEE

DADAALKOODA WAXAA LAGA DHIGAA WEEL DALOOSHAMAY

.   RABBINA DEEQI WAA LAGA DADAA LAGA DABOOLAYE

NAXARIISTA  WAA LAGA DIRAA  DUX IYO IIMAANE

DAMBI WAXAY GALEEN IYO DULMAA LOO DHIGI  DARIN

OO INTAY DOORIYEEN BAY XUMAAN DIB UGU MIISTAANE

.   WAXAA LAGA DHIGAA QOON DALAGAN OO LAHAYN DAMAC

DABEEDADA HORAADO U NOQDA OO  DIBIYO MAALAAN

DULAANKA IYO WEERARKUU UGA DHIGAA DEEQE

DHIIGOODA DAADANAHAYAA  LOO DAMBARIYAA

.   DEYR IYO GU’ ROOB UMA DA’O  WAAW  DIRAAC KALE

DAMAL LA HARSADIYO DOOMBIR IYO DOOG MA SOO BAXO

DIYO AAN DHAMAAN IYO DEKANA LAGU DARYEELAA

DUUMIYO XANUUN WAXAA KU DEGA DAGO MA REEBA

.   DIGA HOOS KA NOOL  IYO DAB BAA  LAGU DUL SEEXSHAYE

DIRIC IYO DUQ IYO RUUX DUN LEH BAA  DIRSOOCAAYE

DUGAAG IYO  WAXAY SOO BAXAAN QAAR IS DOOXYA AH

DUURJOOG AYEY WADA NOQDAAN AMASE DAAYEER

.   DABAR AAN KA GO’IN IYO DARXUMAY DIBINTA RUUGAAN

DAMANE  IYO MID AAN DOORIN IYO DIIMANOOW KACAYE

DARKANA WAXAA U GALAA DAALIN IYO TUUG DAN GAARA LEH

HALKA DAQARKU KAGA YAAL AYUU DIB ULA EEGTAA

.   DAD IYO DUUNYO DOON WAXAY NOQDAAN LOO DAWARIYA

DIB JIR IYO DULSAAR BAA KA HARA DUUDSI QAAYIBA

DURUUS WAXAY NOQDAAN UUMIYIHU DERIS KA QAATAA

OO TAARIIKHAHA WAXAA LAGU DARAA LOO DALXIIS TAGO

.   WAXAANA GABAYGA UGA DEGAHAYAA OO DARDAARANA

ARAD WAA DAN BUU YIRI ABWAAN SHEEKO DAAH FURAY

USKAGSE WAA DAMIIN DOOQII IYO DOQON TILMAANTEED

ANNA WAXAAN KU SII DARAHAYAA DULUCDA MAAHMAADA

NAFTA MALAG DABIIBKEEDA YAHAY LAMA DAWEEYAAN

.   DIBAD IYO GUDABA LOOGA DOOD DAB IYO BAARUUDE

LA ISULA DIYAAR NOQAY DIL IYO  DAYLANOOW WARAN

DADKA MEESHII LOO DIIDI JEREY HAATAN LOO DIREYE

ISTICMAARKII LALA DIRIRI JEREY DAABAD LOO NOQOYE

INTII NABADDA DEYRKA U AHAYD LAYSU DACAREEYE

.   INTII NOLOSHA DUUGGA U LAHAYD LA ISKA DUUDUUB

NIN WELIBA DUNUUBTUU GALIYO AAYAD DIB U TUURIYE

DAABACAY KITAAB UU DEGSADAY OO DEEGTA SOO SURAY

U DALIISHAY SUU DOONAYIYO DOOQA KIISA AH

DIRQINA NOQOTAY DIINTII ALLIYO WAA KU DILAYAAYE

.   WAXAANA GABAYGA UGA DEGAHAYAA OO DARDAARANA

HADDII AAN DADAAL SAXAN LA HELIN DAACAD IYO AAMIN

OO AAN DIFAAC  IYO MIDNIMO  LAYSKU WADA DUUMIN

OO UL IYO DIIRKEED LA NOQON NIN IYO DOORKIISA

.   WAA LOO DARDAAR WARIN HAYAA DAGALKA KEENAH

DARIBTAADA BAHAL DOONAYA OO  DIILALIYO U HAYSO

ADNA AAD DAREEN MOOG U TAHAA DIIMAN KUU DIRAN

SOOMAALI WAA DOON BAD WEYN DAAKHILKA U TAAL

.   IYADOON NINKEEDII LA DIHIN  BAY DUMAAL TAHAYE

DALKOO LALA WAREEGIYO DADKOO DOORSAMAA XIGI

DIINTOO DABAQAN IYO ANAA DIIDAY BAA XIGIYE

U DIYAAR GAROOW DOOG HORLIYO DAANO KUGU BAAHDA

U DIYAAR AHOOW HIRAR DADLIQA OO KU DABARGOOYA

———-

A. Y. JAMA Abdullahi Isim
Abduldjamal@yahoo.com