Home » Faallo »

Erayada ay isticmalaan dhalinyarada ee ku soo biiray Afka Soomaaliga, ma yihiin kuwa ku fiican in la isticmaalo?

Erayada ay isticmalaan dhalinyarada ee ku soo biiray Afka Soomaaliga, ma yihiin kuwa ku fiican in la isticmaalo?  Inta badan waxaa lagu arkaa goobaha ay isku yimaadeen dhalinyarada ama Qololka Wada sheekeysiyada u gaarka ah ee internet ka ee loo yaqaano Chat rooms ka, Erayo Af-Soomaali ah oo ay isticmalyaan da’yarta Soomaaliyeed, kuwaaso dadka waa weyn, aynan si fiican u fahmi Karin, horayna ay ugu bixiyeen Af-suuqeed. 

Balse dhalinyarada qaar kamid ah, ayaaba ku faanay iney keeneen Erayo cusub oo ku haboon in lagu daro Afka Soomaaliga dadkana la wada baro maadaama Af-Soomaaligu uu yahay luuqada koreyso oo u baahan in la sii balaariyo, fikradaas waxaa qabo dhalinyarada qaarkood.  Dhanka kale Sanadihii ugu danbeyay, waxaa soo shaac baxay Erayo badan oo qaarkood ay kala fog yihiin micnaha loola jeedo dadkuna aynan wada fahmi Karin. 

Hadaba si aan wax badan ag ogaano, ayaan isku dayay inaan soo koobno qaar kamid ah erayadaas Afka Soomaaliga ku cusub ee la isticmaalaayay Sanadihii ugu danbeyay oo uu Sanadkaan ku jiro.  Erayadaas, ayaa waxey yihiin kuwa ay jiilka hada soo kacay, ay aad isku fahmaan marka ay isticmaalayaan, inkastoo ay ku adkaan karto qofka markaas ay damacsan yihiin da’yartu iney ka qariyaan sheekada ay wadaagayaan, inuu fahmo halka hadalkoodu uu u socdo.  Erayada iyo Jumladdaha Cusub ee la isku keenay oo boqolaal garaayo, ayaa waxaa kamid ah oraahyada hoos ku qoran, oo aan isku dayay bal inaan jawaabahooda ku daro.

Erayada Cusub                                      Macnaha ay ula jeedaan

1. Igu lambari–—————————-I bar qof kale.
2. Waa Baska dambe –——————Waan iska dayay.
3. Waan ka lushaa ———————–Waan jecelahay.
4. Cid kale, ay u raran tahay –——-Qof kale ayey sheeko la wadaagtaa.
5. Gaarigeyga ma’ahan –————–Noocan kama helo
6. Igu soo tuur—————————-Warka isii
7. Wuu ku yaacay–———————-Waxbuu ka xaday
8. Waa, igu jiq –—————————Lacag ma haysto ama Taleefoonkeyga gacanta waa lacag la’aan
9. Ii daadi–——————————– lacag isii
10. Waan tufay—————————-Qofkaas, waa nacay
11. Waan ku haystaa–——————-Waan daneynayaa
12. Luuq buu ku jiraa–—————–Qofkaas guriga kama soo baxo/wuu guursaday
13. Caawadii waaye–——————–Aynu kulano caawa
14 Wuu dhalaalayaa–——————-Lacag ayuu haystaa
15. Banaan kaan jogaa————— –Waan iska dhaafay wixii hore
16. Way is tuurtay–———————-Wey guursatay
17. iigooy————————————Idhaaf
18. Lugbuu aastay-–———————Wuu guursatay
19. Tacsibaa u taallo–——————-Waa lala guursaday
20. Ha igu shidin————————-Ha sheegin wixii aan sameyay
21. Hawuu soo doontay—————-Dibaduu ka yimid
22. Badu galay—————————-Bal-wad ayuu yeeshay
23. Wuu ka wataa————————Qof qurux badan, ayuu la socdaa
24. Magaalku, kuu jiraa—————Wuu dhaqan doorsoomay
25. Jeebkiisaa qoslaya–—————Waa Oday lacag haysto
26. Qofkaas xuux weeye—————Wuu dabeecada xun yahay ama Wuu fool xun yahay
27. Wuu baxsan yahay—————–Sheekadda lama uu socdo
28. Timuhuu deystay——————Wuu Waashay
29. Cirkuu galay————————-Wuu dhoofay
30. Wuu is yareynayaa—————-Odaygaan Gabdhuhuu Shukaansadaa ama Labisku jecel yahay
31. Wuu da’ayaa————————–Lacagtaa ku badan
32. Gooy———————————–Tag
33. Ehlu Beydka Waaye————–Qaraabada Weeye
34. Ducadii ma timid—————–Bilkii ma yimid
35. Nafteey dhigeen——————-Wey tahriibeen
36. Waad kacsan tahay—————Labis qurux badan ayaad wadataa
37. Jiiq aa looga dhigay————–Waa loo diiday
38. Madaxaa laga xiray—————Waa la guuriyay
39. Idhig———————————-Idaa
40. Dhiigbuu kaga keenay———-Aad buu u isticmaalay/u fiirsaday/u xirtay
41. Nalbuu ku shiday—————–Sirtiisi buu sheegay
42. Wuu ku qarxiyay—————–Wuu ku cadeeyay
43. Indhuhuu u shitay—————Wuu u hanjabay, u booteeyay
44. Aboor ayuu noqday————–Tuuganimuu bilaabay
45. Falaaraha iga daa——————Kaftanka iga daa
46. Maskaxduu furtay—————-Maandooriyuu soo isticmaalay
47. Isoo gali——————————Isoo wac
48. Qofkaas waa la isbaray———-Waa laga adkaaday
49. Jilbuhuu aastay——————-Caruurbuu dhalay, waa Aabo ama Hooyo
50. Waa loo raran yahay————-Urbaa loo leeyahay
51. Macsaraduu kabadaa————-Qamrigguu cabaa
52. Waa lala soo dersay—————Jaceyl baa ku dhacay
53. Dhiiqaduu cabay——————Wuu ceeboobay
54. Nal baad, iska soo dhigtay——Waad isi soo cadeysay
55. Afkuu furtay————————Wuu caaytamay
56. Waan ku haystaa——————Waan rabaa, waan taageeraa
57. Boor, ayey isku kicisay———-Wey is kashiftay
58. Baladkuu, ka baxay—————Lacag la’aan, ayaa ku dhacday
59. Wey shidan tahay—————–Wey qurux badan tahay
60. Biyaha dahabka iga daa–——-Beenta iga dhaaf.

Erayadaan Iyo qaar kale oo badan ayey isticmalaan dhalinyarada, Kuwaas oo ah waxa loo yaqaano hadal Suuqeed, dadku aynan wada fahmi Karin balse ay dhalinyaradu isku Af-gartaan.  Hadaba, su’aasha la iswediin karaa waxey tahay, jumladahaan ka kooban erayada la isku keenay, ma yihiin kuwo ku fiican in la isticmaalo?
 

———- 
Carsanyo Bayoow, Muqdisho/Somalia.

Allgedo News Media Network
allgedo@allgedo.com

Bookmark and Share

7 Jawaabood " Erayada ay isticmalaan dhalinyarada ee ku soo biiray Afka Soomaaliga, ma yihiin kuwa ku fiican in la isticmaalo? "

  1. zakia says:

    Qatar waye hala isticmaalo maskax duqowdey somali ma sokordhinaysa dhalinyarada hadalkoda ha socda dadki hore haday wax tarayan dagal kaynaga dayn lahayen wakuwaan kurasta isla dhacaya baarlamanka, Da,yarta hashaqayso maskaxdooda mahadsanid qoraga iyo webka Allgedo online.com

  2. S a w way kumahad sanyihin dalinta waxa ay sokordi yen waxandi hi laha sii wada!

  3. Camaar says:

    Halawado muhim waaye,
    anagu luuq ayaan kujiraa waxsaasa ma biirinkarno.wad mahad santihin lolz,..

  4. Yanan laisticmalin sababto ah waa erayo an is wafiqin waa in marka hore wax laga saxo ma ahan in waxi qof kaso yeraba layirahdo hala isticmalo balse dadki qoray luqada

  5. naruuro says:

    waan ku qoslay kkkkkkkk weli qaar aanan hada ka hor maqal baa ku jira maantaba hadii la igu leeyahay aanan garteen lkn hada si fiican baan u qaybi doonaa afka cusub in kastoon anigu jeclahay in afkeena waxba laga bedelin qurbaha ayaaba dad badan ku ilaaween mahadsanid qoraaga iyo shaqaalaha websitkaba

  6. HASHI says:

    waa ka daba dhacaysaa ———-
    waa kaga dhagtay —————
    waa ku daadatay ————-
    waa ku cabay ————
    beertuu galay———-
    lugtuu furay ——–

  7. Bashiir says:

    Hashac wa war cusub wa erayo cusub lkn waxa habon in erayadan iyo kuwa kasi dambeyaba ey ku ekato dhalinyarada n’t elders dhalinta marka ey sheko qas ama arimo kale ka hadlayan duqa ama duqdana ka ag dhaw yihin kaga daran hadana eysan ogolen in ad ka hadashan arima idin quseyo balse ey iyagu raali ka ahen u isticmala dhalinyaroy erayadan cusub dhexdina le lkn waxa fcn in erayadan la casriyeyo o kuwa tayo leh laga yelo san kuma nurayan odayashana ma fahmayan kuwan wad mahadsantihin bahda algedo.com