Asc. Dhammaan ummadda soomaliyeed meel aad joogtaanba. Allaah(SWT) ayaa mahad dhammaanteed leh. Rasuulkiisa Maxamed (SCW) ayaa sharaf leh. Waxaan halkan idiinku soo gudbinayaa maansadan hoos ku xusan. Magaca maansada ayaa ah “GAROOWE IYO GAR”.   Adinka oo mahadsan mar walba maqal iyo Aqris wacan.

Abwaan Abdulahi Yusuf Jama (Abdulahi Isim)

   Halkaan ka dhageyso Maansada Garowe iyo Gar.

GEYIGAYGA HOOYOOW

INKASTOON MAR HORE GABAY

HORAY KUUGU IRI GUUR

AMA AAN KU IRI GO’EE

GUGUMIYO ABEES IYO

GOORYAAN CALOOL IYO

GARAN GOOR IYO SHILIN

IYO GAXANDHO IYO GALE

WAXAA KUGU GADAAMANE

ILLAA GALOWDA KUGU TAXAN

ADIGAYSU GEYSTAYEE

…….

GUDGUDIYO SIDII ROOB

GARAMIYO GUFAACA LEH

OO GOOTEY GALIN DHEXE

GADHKA JOOJEY GABIYADA

OO DHIGAY GALAAL XOOR

OO GUUXA BADAHA LEH

GILGILO OO GAGABIYOO

GAMBI GUUL DARAYSTAHA

…..

GUUBAABADAYDII

IYO GANI ADAYGII

AAN KUGU NIDAR GALAY

WAA AY GO’AN TAHAY

ILAA IILKA AAN GALOO

WAASE KULA GARAMAYAA

GEYIGAYGA HOOYOOW

…………

GEYIGAYGA HOOYOOW

SU’AASHAYDAN GAABANE

AAN SOO GUDBINAYAA

WAXAY GALABTA LEEDAHAY

GARDARADA GARBA OG IYO

GAAJADA OG GURIYO

WADKA GEERIDIISA OG

MIDNA LAGAMA HELO GUUL

………

WAXA JOOGA DADAN GARAN

WIXII TAGAY KA SOO GUDUB

WAXA SOO SOCDA GABEE

WAXAAN UGA GOLEE YAHAY

GEYIGAYGA HOOYOOW

SHARCI LOO GUDBOON YAHAY

INUU GEESKA KA HIR GALO

HORTA YAY U TAHAY GUULL???

GUDBAY OO GARKAA XIRAY

……….

GEYIGAYGA HOOYOOW

MIDI WAA GAROOWSHAHA

INAY LAGU GABLAMAYAAL

ARAGTIDA GURACAN IYO

GODOBTIYO GASHIGA IYO

U NOOL GAWRACAAGIYO

GODKA KUU HORKACAYAAL

GEERIDA AN KULA SUGIN

…………….

MASKAXDOODU GARAS IYO

GUFAR IYO GUBNOOD TAHAY

OO CADOW GARWADE IYO

U YIHIIN INDHOW GARAD

AY KUU NOQDEEN GACAL

IYO NACAB KU GAASIRA

…………..

GARDADUUB LAGU XIRAY

OO SHARAF LAGUU GALIN

OO GUUD HALDHAALEY

WELI WIIL GAYAAN U AH

GOBAAD SAARIN GAADADA

OO LAMA GALAAN IYO

GURMA GO’AN LAGAA DHIGAY

GUDBAY OO GARKAA XIRAY

……

GEYIGAYGA HOOYOOW

MIDINA WAA ADOON GARAN

ADDUUNYADA GANDOODAA

WAD LAYSAGA GUNTAHAYAA

OO NINWALIBA GENKIISIYO

HALKA UU KA GAARUU

GODOLKEEDA MAALAA

…………..

GEYGAYGA HOOYOOW

WAXAAN UGA GOLEEYAHAY

ILAA MAALINTII GUREY

WAXAAN GOOBAYAA JIREY

SHANTAA MEEL ISUGU GEE

GUMEYSTUHU U KALA RARAY

HA ISAGA NOQDEEN GARAB

SIDII UU U KALA GADAY

…………

LABO WAA GABNOOWDO

WELI WAA XORNIMO GUUL

SADEXDII LA YIRI GUUL

LABADII KA GAMASHIDAY

INUU GURIDAMBAYSKAY

DHIIGIYO U GORORSHEEN

WAXAY GUUYO HAYSTEEN

MAANTA GUUD CADII YURUB

GALBEED UGU GORGORO TAGAY

OO UU KA GANACSADO

GUDBAY GARTAA XIRAY

…………………

GEYGAYGA HOOYOOW

MIDNA WAA ADOON GARAN

BAHALKII GALAALNAA

WEERKII GASTA LAHAA

GOOWSAHA BALAARNAA

MICIYAHA GALOOLNAA

BISHIMAHA GUDUUDNAA

OO SOO GALGALAN JIREY

SIDA GABAR LA JECELYAHAY

……….

GAARAABIDHOODKIYO

GABBAL DAYE SIDIISII

ISU KALA GADIYI JIREY

OO GAATIN SOCON JIREY

MARNA SOO GURXAMI JIREY

MAR GALAYRKA NOQON JIREY

MISNA GOODKA NOQON JIREY

……………

GARGAARKANA GALEYDIYO

GASIINKA UGA DHIGI JIREY

ISNA GOOLKA QALAN JIREY

HASHA GEELA KA IRMAAN

ADIGANA GALUUBNOOW

GAAJADA GOLXA LAHOW

SIDA LAAN GARIYO JIIC

…………….

MARKA SHACAB KU GUUXANA

GANTAALAHA LA DHICI JIREY

MADAXANA KA GURI JIREY

MARKA UU GUMAADANA

NOQON JIREY GUDOONSHAHA

GARTANA KALI HELI JIREY

…………

HADII AAN CAQLIGU GARAN

OO AAN GADOOD DHICIN

WADANIGUNA GAYLAMIN

GEYSHKU WAAJIBKII GUDAN

UMMADDUNA GARBAHA QABAN

OON DANI GAYEEYSIIN

GEYIGA UGA HARI JIREY

……………

INUU WELI GONDAHA IYO

KUUGU JIRO GABBAADKOO

MAANTIYO GADDII SHALAY

GEEDIGU HALKII YAHAY

GUDBAY GARTAA XIRAY

…………

GIYIGAYGA HOOYOOW

INTA AAD GASADA IYO

GEESAHA KA FURAN TAHAY

GARGAARKA AD SUGAYSAA

INTUU NACAB GURMADA YAHAY

……..

GULUF IYO COLAAD IYO

INTA AAD GALOOF OLOL

GURDANRAACA WADA TAHAY

INTA AADAN WELI GARAN

IN QABIILKU YAHAY GEED

UU DAABKA GUDIMADU

GACANTAADA MIDIG YAHAY

…….

INTA WARANKA GARAN IYO

GAMUUNKA IYO QAANSADA

GOSHA AAD KU SIDATAAN

INTA AAD GADAAL IYO

WAX TAGAY GAAR IS LEEDAHAY

GADMASHADANA LAGU JIRO

…………

INTA AY GAFANAYAAL

KUU SIDAAN GANDAALADA

GALBISKIYO AROOSKANA

AD U TAHAY GASHAANTIDA

GUJIYO IBA GARAACANA

LOOGU XIRO GARAADADA

QARANIMO GOLMARAN TAHAY

……..

INTA AY XIL GUDASHADU

GUBA IYO MID GIGAN TAHAY

DULMIGU GEESO LEEYAHAY

INTA AADAN KALA GARAN

LABADA AN GUDBOONAYN

GUNNIMO IYO GOBANNIMO

HALKA AY KU GEEYEEN

WALLEE CUDURKA GAAMURAY

DAWO GURISA LAMA HELO

…………

WELLEE GOODIR KUU DHALAY

INTA GABNNO KUU KACAY

GAAXDEEDA MAALAAN

GAROOR SUBAG AH IYO SIXIN

DHALINYARO GALOO BAXA

GABDHA RIDA GARAARAHA

IYO GUURTI TALISAA

GARWAAXEEDSI IYO NABAD

GOLE KUMA CAWEEYAAN

INTA KUU NOQDAAN GAAN

OO ASAGOOD MA GAARAN

NACAB KAAMA GUULAAN

………..

WALLEE GUURA BAHALIYO

INAAD GOOR XUN SOCOTIYO

GUDCUR IYO BAR GOOSANA

IYO QAAR GAMIIN LOO

GAWAAN IYO GALGAILN TUBAN

OO GOROFTA CAYREED

TAHAY CALANKII GARASHADU

MARNA KAMA GUDBAYSAAN

GAADIID CIIDA LAGU DARO

HADDAAN CUDURKA GAAMURAY

DAWO GURISA LOO HELIN

GUDBAY GARKA XIRAY

…………

GEYIGAYGA HOOYOOW

AAN SOO GABAGABEEYEE

GUCUNKA IYO GADOWGAAD

ISLA GAARI WEYDEEN

GAROOWAA HALKAA GALAY

………

GOBANNIMADA GURIGII

LAGU SOO GARDAADSHEE

MISNA LOO GURGURIYREE

GUNDHIGA U AHAYDEEY

….

GURMADKII MIDINIMADIYO

MADASHII LA GOOSTAAY

XARUNTII GARSOORKIYO

GAASHAANDHIGIIYEEY

…..

MARKA HORE GAROOWOOW

GAL XARIIRA IYO SHAAL
BILLADII GAROOMADDAA

SHANTA GEES LAYD IYO

WAXAAN GUUDKA KU SURAY

CALANKEENII GOBANIMO

ADIGAA GUNNO U HALAY

OO AAN GUNNIMO GEYIN

………

MARKA XIGA SI GAARIYO

WAXAN GOONI UGA DHIGAY

GAARKA U ISTAAGEE

GUNTIGA U ADKEYSTIYO

GEESIGA HALYEYGA AH

MASKAX GUULLE BIXIYIYO

GARAADAY KU HODANTIYO

GARSHADA KU HAGAYOO

………………….

ISTICMAAR GUMAYSTIYO

GADISLEEYDA DIINTIYO

TUUG LAGU GABRAARTIYO

MACAAMIISHA GAALADA

FARTU AY KU GADAN TAHAY

YIRI WAA GEF OO MAYA

………………………

SOOMAALI GUUL IYO

GARTA UGU GUNAANADAY

HALKA GAABAN OO GODAN

OO AY KA GO’AN TAHAY

GOOSHIYO GOL QABATADU

AY KA SOO GALAYAAN

GILMIGIYO GARBACASTIYO

UGA SOO GURGUURTAAN

KA GUFEEYA WAA GODEE

GOOLKIINA KU HANTIYEY

GO’AAN IYO GUDON QARAN

………………………..

GUULEYSTE LEEYAHAY

WAAJIBKAAGI GUDATAYE

WAXAA KUU ABAAL GUDI

OO LABADA GARAB IYO

UBAX GORODA KUU SURI

LIBIN AAN GIDAADAY

OO U NOQON GOBWEYNO

WELIGII GABOOBAYN

IYO GEEDKA LA HARSADO

OO UGA GAM’AYSAA

………

GURBOODKAAGA KACAYIYO

MIDAAN MAANTA GARANEYN

GEEDAHA AD BEERTEEN

KUWA GOOSAN DOONIYO

TAARIIKHDA OON GURIN

OO AAN ABAAL GADIN

GALADANA ALLEYSKA LEH

…….

MARKALANA GUDOONKIYO

LABADEENA GOLE IYO

GUDIGIYO WAXGARDKIYO

INTA GOOBTA JOOGTIYO

KII GACAN KA GEYSTEE

SAMO NAGU GARGAARO

WANAAG NOOLA GEYFNAA

INTA GODANKA JOOGTOO

PUNTLAND KU GO’AN IYO

SOOMALI GABIGEED

GUUL IYO MIDNIMO IYO

AYAAHA U GUURKIIS

GALADANA ALLAYSKA LEH.

——–
A. Y. Jama Abdullahi Isim
abduldjamal@yahoo.com