Kismaayo, Somalia (AOL) – Habeynimadii xalay ayay Mileeshiyadii Al-shabaab baneeyeen saldhigyadii ay ku lahaayeen gudaha magaalada Kismaayo ayada oo sababta ay sidaas u yeeleena ay Al-shabaab ku macneeyeen in ay tahay xeelad dagaal.
Habeyn hore ayay aheyd markii ay ciidamada Kenya oo wata doomo yar-yar ay magaalada Kismaayo kasoo galeen dhinaca xeebta, taasoo keentay dib u gurashada Mileeshiyada Al-shabaab ay magaalada dibadda uga baxeen.
Kaddib markii ay Al-shabaab gebi ahaanba isaga baxeen gudaha Kismaayo ayaa waxaa dhacday in xarumihii ay baneeyeen ay dad shacab ah ku yaaceen ayaga oo isla markaana bililiqeystay waxii halkaas yiilay, ayada oo ay isla markaana idaacadii ay Al-shabaabku lahaayeen ee Andalus ay hawada ka baxday.
Cali Maxamed Raage oo ku hadlay afka Al-shabaab ayaa waxuu yiri “Kismayo waxaan uga baxnay xeelad dagaal, waxaana dib ugu soo laabaneynaa maalmo kooban gudahood, cadowga duulaanka nagu soo qaadayna waxaan si adag kula dagaalami doonaa gudaha magaalada Kismaayo.”
Magaalada Kismaayo ayaa hadda ah mid haawaneysa oo aanay cidina ka talin, Mileeshiyadii Al-shabaabna war looma hayo halka ay qabteen.
————–
Maxamuud Mire, Muqdisho/Somalia.
Biliqadu waa taad rabteen una bareerteene
Waatii kufrigu idin baroo balanki wee yaane
Baaboco halkuu gaal dhigaba way basbeeshaaye
Boob iyo dhac waa waxay kugu barbaarsheene
Waw baratamayseen inaad boobku maashaane
Barti iyo isbaaradi ayaad wada balayseene
Bay bal kay kufrigu soo wadaan waw bogayseene
Bulsho nabada bayd aaminiyo beelo wada yaala
Kufrigaa burburiyiyo midkaad noogu baaqdeene
Boob iyo qabiil iyo dhac waa kaad bilowdeene
Maantana bartiibaad rabtaan kana bilowdeene
Boogtiyo xanuunkii dhaqmaad baalka faydeene
Sidaad bahiyo ehel tihiin kufaar waad u boydeene
Halaagiyo bawaarkii ayaad wada balayseene
Baranwayde khayrkiyo wuxuu diinku kuu bilaye
Bisad calaq laduushaad sideed wax ula boodeene
Bay balkiyo xasuuqiyo kufsiga waw bareerteene
Borokastinkiisaad tihiin ood babinayseene
Siduu yahay bahdiin ehelahaad gaalka badiseene
Oo aad bilayseen kufriga baaradiisiiye
Boob iyo dhacbaa dhacay markaad hadal bilaabayso
Bishaaradiyo aawaye wiaxaad abid ku baaqaysay
Bartay kuu xoreeyeen miyaad boohin yuuruurtay
Beesadiyo lacagtii miyaa badi laguu diiday
Barwaaqadiyo khayrkay wadeen meeyey badankeedu
Waataad ku baaqdeen inaan bi,inay diintiiye
Saw bay balkii kuuma iman booyi ogidaaye
Barta xuubka caarada kurtood gaal bad bilayseene
Oo waad ku biirteen kufrigi balagta dheeraaye
Badar awgibaad nagu dudheen beena sheegteene
Bililiqadi aad wada sugteen diiday barigaane
Nagu biira baabkii Alaa nolol bidhaanteedle