Home » News »

Golaha Wasiiradda oo soo saaray Go’aan lagu mamnuucayo ka ganacsiga qalabka ciidamadda (sawiro)

Muqdisho, Somalia (AOL) – Shir ay maanta isugu yimaadeen Golaha Wasiiradda oo uu shir-guddoominayey Ra’iisul Wasaaraha Xukuumadda Federaalka Soomaaliya Mudane Cabdi Faarax Shirdoon “Saacid” ayaa looga hadlay arrimo dhowr ah oo ay ka mid yihiin Ganacsiga iyo adkaynta Amniga.

Ugu horayntii Ra’iisul wasaaraha ayaa ka warbixiyey booqashadii uu shalay ku tagay cirifyada magaalada Muqdisho isagoona u kuur galayey xaalada Amniga iyo sidii loo xoojin lahaa dadaalkii looga sifeeyey Isbaarooyinka goobo badan oo ku yaala Caasimadda.

Sidoo kale golaha ayaa ka dooday sidii loo howl galin lahaa Maxjarka Xoolaha ee ku yaala degaanka Al-jaziiro halkaas oo ganacsato Soomaaliyeed ugu diyaarsheen Xoolaha Dalka laga dhoofinayo dhamaan agabyadii ay u baahnaayeen sida Naaxinta, Baarista Caafimaadkooda, iyo Cawskii lagu calfin lahaa mudadda ay safarka sii yihiin. Maxjarkan ayaa ah kan kaliya ee ku yaala Bartamaha iyo Koonfurta Soomaaliya waxaana ay bilaamaysaa xoolo dhoofintu 31 bishaan.

  • Goluhu waxay isku raaceen in la sameeyo gudi ka kooban shan Wasiir oo kala shaqeeya gacanstada dhoofinaysa Xoolaaha sidii ay ugu fududaan lahayd howlahooda shaqo. Waxaana gudigaas ka mid ah Wasiirka Arimaha Gudaha iyo Amniga Qaranka, Wasiirka Maaliyadda, Wasiirka Howlaha Guud, Wasiirka Ganacsiga iyo Wasiirka Khayraadka Dalka Mudane Cabdirisaq Cumar Maxamed oo ah Gudoomiyaha Gudiga.
  • Sidoo kale Golaha ayaa isku raacay in laga bilaabo maanta aan laga ganacsan karin qalabka ciidamadda sida, Hubka noocyadiisa kala duwan, Rasaasta, Tuutaha, Booshashka iyo dhamaan qalabka ay isticmaalaan Ciidamadu.

Ugu danbayntii Golaha ayaa Amaan u soo jeediyey shacabka sida ay ugu heelan yihiin is bar-bar taaga dowladooda iyagoona ku tilmaamay in wada shaqayn dhex marta shacabka iyo dowlada ay tahay tan kaliya oo lagu sugi karo amniga.

————–
Diraac Salaad Fagaase
Communication Director, office of the PM
Mobile: +252-616084650
+252-699270033
Mogadishu, Somalia.

Allgedo News Media Network
allgedo@allgedo.com

Bookmark and Share

2 Jawaabood " Golaha Wasiiradda oo soo saaray Go’aan lagu mamnuucayo ka ganacsiga qalabka ciidamadda (sawiro) "

  1. silver price says:

    Wakiilka Midowga Yurub ee Soomaaliya Michel Servon De Urso ayaa shalay isagoo ku sugan magaalada Nairobi sheegay iney howlahooda badankooda ka maamuli doonaan gudaha Soomaaliya, islamarkaana Soomaaliya ka taageeri doonaan arrimaha amaanka, cadaaladda, caafimaadka iyo waxbarashada.

  2. silver price says:

    Labada masuul ayaa la sheegay iney kulankooda iskula soo qaadeen xaaladihii ugu dambeeyey ee amaanka dalka iyo sidii loo xoojin lahaa nabada iyo howlgalada ka dhanka ah xoogaga Al-shabaab oo mudooyinkan hakad uu ku yimid.Lt.Jen Andrew Gutti Taliyaha ciidamada AMISOM ayaa ballanqaaday in ciidamada AMISOM ay sii wadayso taageerada ay siinayaan xukuumadda iyo shacabkooda sidii ay dalkooda dib ugu dhisi lahaayeen ka dib marka nabad lagu soo dabaalo.