Home » News »

Madaxweynaha Soomaaliya oo damaanad qaaday nolosha carruurta agoonta ee Afgooye (Daawo video & Masawiro)


Agaasimaha Warfaafinta Madaxtooyada Soomaaliya Cabdinuur Maxamed Axmed (midig) oo deeq lacageed oo loogu tala galay ku wareejinaaya Taliyaha Ciidanka Asluubta ee Soomaaliya Janaraal Xasan Xuseen Cismaan.


Afgooye, Somalia (AOL) – Madaxweynaha Jamhuuriyadda Federaalka ah ee Soomaaliya Mudane Maxamed Cabdullaahi Maxamed ayaa ka faalad qaaday xanaaneynta carruurta agoonta ee ku jira xarun ku taalo degmada Afgooye ee gobolka Shabeelaha Hoose, halkaasi oo ay gacanta ku hayaan ciidanka Asluubta Soomaaliy.

Faadumo Axmed Jimcaale oo ah haweeneyda maamusha xarunta agoonta ee Afgooye, ayaa sheegtay in bur burkii kadib lagu guuleystay in dib loo howlgeliyo xarunta Agoonta ee Afgooye.

Agaasimaha Warfaafinta Madaxtooyada Cabdinuur ayuu Madaxweynaha u soo wakiishay in uu ku wareejiyo lacag loogu talagalay inay ku ciidaan carruurta agoonta oo ahayd Ex-xarunta agoonta gabdhaha ee dhalintii Kacaanka, waxaana canugiiba la siiyay $110 dollar.

“Waxaan halkan u nimid markii ugu horeysay anagoo wakiil ka ah Madaxweynaha Soomaaliya deeq lacageed oo naloogu soo dhiibay inaan ku wareejino carruurtan oo hadda halkan ku fadhiya 170 canug, tiradoodu guudna ay tahay 180, canug, laakiin toban ka mid ah ay xanuuno kala duwan ugu maqanyihiin, canugiiba aan u keenay boqol iyo toban dolar oo isugu jirta ciid iyo waxyaabo kale oo ay ka dhigtaan nooli, waxaana kaloo rabaa in aan halkan ka cadeeyo aniga oo ku hadlaya magacaga Madaxtooyada in wixii maanta ka dambeysa nolosha carruurta ay Madaxtooyada qaabileyso bilkasta” ayuu yiri Cabdinuur.

Taliyaha Ciidanka Asluubta ee Soomaaliya Xuseen Xasan Cismaan ayaa amaanay dhaqanka wanaagsan ee uu Madaxweynuhu sameeyay, maadaama uu damaanad qaaday nolosha agoonta degmada Afgooye.

Hoos ka daawo qaar ka mid ah masawirada caruurta ku jirta xarunta agoonta ee Afgooye.

Allgedo News Media Network
allgedo@allgedo.com

Bookmark and Share

Comments/ Fikradaha Akhristayaasha

Please publish your comment once, do not reload same comment. Thanks.