Baydhabo, Somalia (AOL) - Waxaa maanta soo gaarey Magaalada Baydhabo ee Xarunta Gobolka Bay oo ah fadhiga Barlamaanka Soomaliya wafdi balaaran oo ka socda midowga Yurub si ay u taaageeraan dhismaha xukuumada cusub ee Ra’iisal wasaare Nuur Xasan Xuseen (Nuur cade) oo maalinimadii doraad lagu dhawaaqay.

Xubnaha Wafdiga Yurub ee maanta soo gaarey magalada Baydhabo ayaa waxa ka mid ahaa xubno ka socday Safaaradaha Faransiiska Ingiriiska, Talyaaniga iyo Dalka Jeega.  Waxa hor ka cayay wefdigaasi haweenayda faransiiska u fadhisa Kenya Elspeth, islamarkaana waxaa laga hadley caburinta lagu hayo saxaafada madaxa banaan ee Soomaalia ka howlgasha, waxayna isla maanta kulan mudo saacado qaatey ay la yeesheen Guddoomiyaha Baarlamaanka ahna kusimaha Madaxweynaha DFKMG ah ee Somalia Sheikh Aadan Madoobe iyo Ra’iisal wasaare Nuur Xasan Xuseen (Nuur cade).

Gabogabadii kulanka ayaa waxa ka soo baxay sharuudo culus kuwaas oo ay ka mid yihiin in Baarlamaanka FKMG ah uu meel mariyo xukuumada cusub, in xubnaha Beesha caalamka ay bixin doonaan laga bilaabo bishaan bil walba in xilibaan walba ay siin doonaan lacag gaaraysa $1200 oo Dolar, islamarkaana uu joogidoono goobjooge ka socda Hay’adda UNDP kaasoo la socon doona sida ay u dhacaan kulamada Barlamaanka Soomaliya, waxaa ayna tilmameen Mudanahii ka maqnaada kulamada Baarlamaanka in uusan heli doonin wax Mishaar ah, waxana ugu baaqeen xukuumada Somalia in ay soo bandhigto canshuuraha ay qaado iyo sida ay ku baxayaan.



Shuceyb Shire, Allgedo/Baydhabo.



Allgedo News Media Network
allgedo@allgedo.com