Warqad furan oo ku socoto isbahaysiga dibuxoraynta soomaaliyeed iyo

Ka:  Eng. Idiris Hassan Farah
 

Ku:  Gudoomiyaha isbahaysiga dibuxoraynta soomaaliyeed

Ku:  Gudoomiyaha golaha dhexe ee isbahaysiga dibuxoraynta soomaaliyeed

Ku:  Ururada bulshada ee soomaaliyeed

Ku:  Dagaalyahanada soomaaliyeed ee isbahaysiga dibuxoraynta soomaaliyeed

Ku:  Mmadax dhaqameedyada soomaaliyeed

Ku:  Culima awdiinka soomaaliyeed

Ku:  Dumarka soomaaliyeed

Ku: Aqoon yahanada soomaaliyeed

Ku: Jaaliyadaha soomaaliyeed ee dibada

Ku: Dhalinyarada soomaaliyeed
 

Ujeedo:  Khatarta shirka Jabuuti

Madaxda sharafta leh  iyo bulshada qaybaheeda muhiimka ah eey warqadaan sida tooska ah oogu socoto waxaan lasocodsiinaynaa in shirka jabuuti khatari kasoo socoto hadii aan lagu baraarugin oon loo weecin dhanka soomaalidu danta oogu jirto

Waa maxay Qatarta shirka Jabuuti?

 1.  Waa mid lagu marin habaabinayo rayulcaamka ayadoo la duugayo godobta laga galay shacabka soomaaliyeed iyo xasuuqo ciidanka gumaysiga ethiopia ka wadaan soomaliya.

 2. Waa dagaal siyaasadeed oo lagu sooqaaday isbahaysiga dib u xoraynta soomaaliya iyo cid kastaa oo gumaysi diid ah.

 3. Waa qorshe lagu kala jabinayo laguna wiiqayo mucaaradka kasoo horjeedo gumaysiga oogana yaraynayo culayska ciidamada gumaysiga Ethiopia  kala kulmayaan dagaal yahaniinta soomaaliyeed.
 
 4.  In laga taakuleeyo kooxda imbigaati iyo ciidanka gumaysiga ethiopia  dhanka siyaasada maadaama oo kooxda iyo shacabka soomaliyeed aragtida kukala cararaan  loona tuso shacabka soomaaliyeed  in kooxdaan ka shaqaynayso danaha soomaalida.
 
 5.  Inay daba qabtaan  qorshahoodii Embigaati ee lacagta badan kaga baxday waxa lagu tilmaamo beesha caalamka ayagoo qabanayo shirkaan jabuuti si loo jaha wareeriyo bulshada caalamka iyo soomaalida labadaba.

Maxaa la gudboon isbahaysiga dib u xoraynta soomaaliyeed iyo bulshada inteeda indheer garadka ah? 
 

 1.  Waxaa lagudboon inaanan  laga noqon qodobka ah inaanan lala fariisan kooxda Embigaati ilaa ciidanka gumaysiga  ethiopia laga saarayo soomaaliya ama la qeexayo markay baxayaan.

 2.  In lala hadlo oo kali ah beesha caalamka laguna adkeeyo inay saaraan ciidamadaan gumaadayo shacabka soomaaliyeed oo ay ayagu keeneen waa hadii ay danaynayaan danta shacabka soomaaliyeed.

 3.  Inuusanyeelin isbahaysiga dibuxoraynta soomaaliyeed  inay kamid noqdaan dawlad ku sheega kooxda Embigaati waayo  kooxda  Embigaati waxay u badanyihiin basaasiin ka kaaf toomay soomaalinimo iyo islaamnimo waana waxa ay doonayaa  kuwa lagu magacaabo beesha caalamka ee danaha guracan kaleh dalka soomaaliya.

 4.  In lagala hadlo  kooxda lagu magacaabo beesha caalamka sidii arimaha soomaaliya loogu dayn lahaa soomaalida isla markaana loosoo afjari lahaa dagaalka soomaaliya ka socdo oo ay ayagu qabta kayihiin.
 

Wada shaqayn wacan. 

Allgedo News Media Network
allgedo@allgedo.com