Allgedo  News, January 4, 2008

Minnesota Somali Kenyans, Kenyans, iyo saaxiibadood oo Senator Coleman u soo gudbiyey cabasho ku saabsan fowdada iyo qalaalasaha doorashada Kenya

Minnesota, Minneapolis (AOL) - Waxaa xafiiska Senator Coleman maanta booqasho ku yimid bulshada Reer Kenya oo senatoorka ka codsaday inuu gaarsiiyo dareenkooda iyo fariintooda Washington DC iyo State Department.

Gudoomiyaha ururka bulshada reer Kenya ee Minnesota Dr. Siyad Abdullahi iyo isku duba ridaha ururkaas Dr. Ali Mahamed ayaa qoraal iyo warbixint soo gudbiyey. Minnesota waxaa ku nool 10, 000 oo reer Kenya ah.

Sida ay sheegeen Dr. Ali iyo Dr. Siyad in kabadan 300 ayaa la dilay
boqolaal kun ayaa ka qaxay guryahooda iyo kaniisadbaa dad lagu laayey iyo in Masaajiddada Muslimiinta Garisa iyo Mombasa dad badan lagu badbaadiyey. Sidoo kale maciishadda iyo shidaalka oo yaraaday ama qaaliyoobay.

Sidoo kale Soomaalida Minnesotaba aad ayay uga walwalsan yihiin
xaaladda Kenya ayagoo indhaha iyo dhegahaba u taagaya Kenya gaar ahaan Islii oo ay yaalaan ukumaha iyo hantida iyo shacbiga Soomaalida.

Waxaa xusin mudan mar kasta oo meel cabsi iyo wel wel ama xasuuq ka dhacdo in la dareemayo xadaaradda diinta Islaamka ayadoo aad mar walba maqlaysid Rwanda masaajid ayaa lagu badbaaday Kenya Muslimiin ayaa dad kirishtaan ah badbaadiyey iwm. Somalida nasiibkood dagaalkii sokeeye ayada ayay ku badbaadeen inkastoo aanan la yarayn Karin tirada badan oo dulmi iyo jaahilnimo loo dilay.



Maxmuud Nuur Wardhere
mnwardere@yahoo.com



Allgedo News Media Network
allgedo@allgedo.com