Didier Drogba oo dhaawacmay, iyo Chelsea oo ay murugo lasoo daristay!


Weerar yahanka caanka ah, ahna kubad sameeyaha naadiga Chelsea Didier Drogba ayaa garoomada kubada cagta ka maqanaanaya muddo lix todobaad ah kaddib markii dhaawac culus uu kasoo gaaray Cayaarta Chelsea la gashay naadi ka dhisan dalka Romania ee bar bar dhac ku dhamaatay.

Baaritaano hor dhac ah oo lagu sameeyay Laacibkaani Qaarada Africa ka soo jeeda ayaa lagu sheegay in dilaac uu ka galay bowdada.   Qeybtii dambe ee Cayaarta ayaa garoonka laga saaray laacibkaani iyadoo gaari xanbaarka lagu qaaday.  "Didier Drogba waxaa uu ku biiray liiska laacibiinta dhaawacan oo todobaadyo badan ka maqanaanaya kooxda", sidaa waxaa lagu yiri war ka soo baxay kooxda Chelsea.

Dhaawaca soo gaaray laacibkaani Didier Drogba ayaa dhar baaxo xoogan waxa ay ku tahay kooxda Chelsea iyadoo uu ka mid yahay laacibiinta naadiga ku dhaarto.

Cayaarta uu shalay ku dhaawacmay ayaa u aheyd markii sedexaad oo uu kooxda u safto ka ddib markii uu ka soo kacay qaliin horay loogu sameeyay dhamaadkii sanadkii tegay.


Waxaa Qoray wariye Mahad Maxamed Sheekh.



Allgedo News Media Network
allgedo@allgedo.com



 

                            Allgedo  Online © 2006 - All Rights Reserved.                        
 Contact us at: allgedo@allgedo.com