Muqdisho, Somalia (AOL) - Labadan Diblumaasi oo ka tirsanaa Safaaradda ay Liibiya ku leedahay Soomaaliya ayaa maanta laga af duubtay magaalada Muqdisho xili ay ka adeeganayeen Suuqa Bakaaraha.

Diblumaasiyiintaan oo aanay noo suurtagalin in aan helno magacooda ayaanan ilaa iyo hadda la ogeyn cidda af duubatay iyo sababta loo af duubtay toona.

Ilo xog ogaal ah oo ku sugnaa goobta uu af duubka ka dhacay ayaa waxay sheegeen in ilaa iyo hadda aanan la ogeyn halka ay kooxaha af duubka geystay la aadeen Diblumaasiyiinta, balse waxay warar aanan la hubin sheegayaan in 3 nin oo ku hubeysnaa bastoolado oo uu afka u duubnaa ay af duubteen labada Diblumaasi ee reer Liibiya ah.

Dib ayaan idinkala soo socodsiin doonaa haddii uu rabi idmo wixii kusoo kordha af duubka Diblumaasiyiintan.