Guddoomiyaha gobolka Gedo, mudane Xuseen Sh. Ismaaciil Cabdi (Farey)

Guddoomiye ku xigeenka 1-aad ee gobolka gedo, mudane Maxamed Cabdi Kaliil

Guddoomiyaha cusub ee gobolka Farey (bidix) iyo guduumiyihii hore (Cirro)

Gudoomiye Farey (Bidix) iyo labadiisa ku xigeen.

Garbahaarey, Somalia (AOL) - Maamul cusub ayaa maanta loo sameeyey Gobolka Gedo, ka dib markii dhowaan lagu guuleystay in maamulo heer degmo ah loo sameeyo ilaa 6 degmo oo ka tirsan Gobolkan, iyadoo maamulka maanta la doorteyna uu bedeli doono maamul heer gobol ahaa oo uu Madaxweynaha KMG u magacaabey Gobolka Gedo mudo laga joogo labo sano.

Tartanka Doorshada oo si habsami leh uga dhacay Xarun ku taala Magaalada Garbahaarey ayaa jawiga waxuu ahaa mid si weyn loo soo agaasimay, waxaana Goobta doorshada goob joog ka ahaa dadweyne kor u dhaafayey Boqolaal dadweyna ah oo ay ku jiraan Xildhibaano ka tiran Barlamaanka KMG iyo Wakiilo ka kala socdey Wasaaradaha Arimaha Gudaha iyo wasaarada Gobolada iyo dib u heshiisiinta Dowladda Federaalka KMG ah.

Jagada Gudoomiyaha Gobolka Gedo oo ay u tartamayeen ilaa 3 Xubnood ayaa waxaa ku guuleystey Codoyntii la sameeyey Xuseen Sh. Cabdi Ismaacil (Xuseen farey) oo tiradii codadkii 32 xubnood ahayd ayaa waxaa uu ka helay ilaa 19 xubnood, sidoo kale Jagada Gudoomiye ku xigenka labaad oo labo qof ay u tartamayeen ayaa waxaa ku guuleystey Maxamed Cabdi Kaliil oo helay ilaa 20 cod.

Sidoo kale, Jagada Gudoomiye ku xigenka Labaad oo ay u tartamayeen 3 qof ayaa waxaa ku guuleystey Maxamed Xuseen Buraale (John) Cod dhan 26 xubnood, waxaana isla manta halkaasi lagu soo gabagabeeyey olole tartan doorasho oo in mudo ahba ka soconayey Degmada Garbahaarey.

Markii lagu dhawaaqey in Xusen Farey uu ku guuleystey Jagada Gudoomiyaha Gobolka ayaa hadal kooban oo uu halkaasi ka jeediyey Gudoomiyahii xilka sii hayey Aden Ibraahin Aw-xirsi ayaa waxaa uu sheegay in uu soo dhaweynayo niaamka ay ku dhacdey doorshada, waxuuna balan qaadey in uu la shaqeyn doono Gudoomiyaha Cusub.

Gudoomiyaha Cusub oo la hadleyey Dadweynaha iyo Mas'uuliyiintii kala duwaneyd ee goob jooga ka ahaa doorashada ayaa isna waxuu balan qaadey in si daacadnimo ah uu ugu shaqeyn doono bulshada ku dhaqan Gobolka Gedo.

Waa markii labaad tan iyo waxii ka dambeeyey burburkii dowladii hore ee Soomaaliya maamul heer gobol ah loo sameeyo Gobolka Gedo. Sanadkii 2005 tii ayey ahayd markii ugu horeysay oo Maamul heer gobol ah loo sameeyo Gobolka Gedo, xilligaasi oo maamul ay soo dhistey UNOSOM ay doorteen Gudoomiye Gobol iyo ku xigeeno.





Axmed Cumar Saalixi, Garbahaarey-Gedo.



Allgedo News Media Network
allgedo@allgedo.com



 

                            Allgedo  Online © 2006 - All Rights Reserved.                        
 Contact us at: allgedo@allgedo.com