Dhanka kale, buuq badan iyo is dhex yaac ka dhashay gudihii Hoteelka uu shirku ka socday oo la xariiray qaabka wax loo dooranayo awgeed, waxaa la'isku raacay in laga soo dhex saaro ergooyinkii ka kala yimid gobolada iyo wadamada kala duwan min laba qof oo iyagu wax soo dooranaya. Cod bixin muddo gaaban socotay kaddib, waxaa suurta gashay in halkaas lagu doortay qaar ka mid ah guddigii fulinta, ayada oo dadkii helay codadkii yaraana laga dhigay golaha xubnihiisa oo aan wali la dhamaystirin, lase filayo in dhaqsiyo loogu dhawaaqo magacyada golaha Fulinta.

Shirkiina saas ayuu ku soo gabagaboobay, waxaana qaar ka mid ah xubnaha golaha fulinta ee qabyada ah ay isla hadda u fadhiyaan is-aragoodii koobaad iyo sidii ay u soo saari lahaayeen qorshahooda ku wajahan hawlaha loo xilsaaray.

Ilaa iyo hadda waxaanan suurta galin in la magacaabo golaha Odayaasha, waxaana la'isku raacay in odayaasha iyaga ay doortaan golahooda ayna si dhaqso ku soo gudbiyaan magacyada golaha, si hawsha golaha Fulintu ay u hawlgasho.

Waxaanu dhawaan idiin soo gudbin doonaa magacayada Guddiga Sare ee Golaha Fulinta iyo sawirada Shikii oo dhan.

Ugu danbeyntii, waxaa isla maanta la ansaxiyay magaca Ururka cusub ee Samafalka ah uu yeelan doono oo ah Somali Diaspora Support Initiative (SDSI), kaasoo la yiri howshiisu waxay noqon doontaa Dib-u-heshiisiin iyo Dib-u-dhisid deegaanada ay qurbajoogta shirkaan yeeshay kasoo jeedo.