Afhayeenka cusub ee Jaaliyadda dhalinyarada beesha Sade oo shir daraa'id ku qabtay Hotel Barakad oo ku yaala magaalada Nairobi
 

Xiish Aadan Axmed - Afhayeenka Jaaliyadda Dhalinyarada Beesha Sade ee magaalada Nairobi, Kenya

Guddiga la magacaabay ee Jaaliyadda Dhalinyarada Beesha Sade ee magaalada Nairobi, Kenya

Guddiga Jaaliyadda Dhalinyarada Beesha Sade ee magaalada Nairobi oo dhan

Qaar ka tirsan Dhalinyarada beesha Sade ee magaalada Nairobi, Kenya

Afhayeenka cusub ee jaaliyadda dhalinyarada beesha Sade ayaa waxuu maalintii shalay aheyd shir jaraa'id ku qabtay Hotel Barakad oo ku yaala magaalada Nairobi ee dalka Kenya.   

Afhayeenka cusub ee jaaliyadda Dhalinyarada  beesha Sade Xiish Aadan Axmed ayaa waxa uu kaga hadlay shirkaas arimo ay ka mid yihiin xaalada Soomaalaiya ay marayso iyo dhibaatada ku soo fool leh dhalinyarada Soomaaliyeed meel walba ay joogaan, waxaa uuna sheegay afhayeenku in dagaalada ka soo cusboonaaday dalka soomaaliya ay sabab u noqon karto baraca ku imaada dhalinta soomaaliyeed meel kasta ay kaga sugan yihiin dalka soomaaliya iyadoo dhawaan ay jireen in dalka ay iskaga soo carareen dhamaan dhalinyaradii ugu badnaa, kuwaasoo ku soo kala firxaday wadamada jaarka la ah dalka soomaaliya.

Shirkaani jaraa'id ee uu maanta kaga hadlayay afhayeenka jaaliyada dhalinyarada dhibaatada ku habsatay dhaliyarad soomaliya ayaa waxa uu ugu baaqay dhinacyada dagaalamayo in ay ilaalshaan xaquuqda ay leeyihiin shacabka soomaaliyeed, gaar ahaan dhalinyarada oo iminka ay noqdeen kuwo loo adeegsado dhalinyarada soomaaliyeed siyaasada soomaaliya ee maalinba maalinta ka danbeeysay kasii dareysa ee aan isbbadalka laheen; waxaa uuna ugu baaqay in ay dhalinyarada ay ka fogaadaan wax kasta oo dhibaato u keeni karo shacabka soomaliyeed.

Dhan kale, waxaa uu ka hadlay Shirka lagu wado in lagu qabto magaalada Columbus ee gobolka Ohio ee wadanka Mareykanka 28-ka bishaan May in ay soo dhawaynayaan ka Jaaliyad ahaan hadii ay yihiin dhalinyarad ku sugan dalka Kenya, waxaa uuna ku booriyay in shirkaasi uu noqdo mid miro dhalo.

Sidoo kalena, waxuu afhayeenka sheegay muhiimadda ay leedahay in shirka Columbus ka dhici doona looga hadlo dhibaatada haysato deegaanada ay ka soo jeedo beesha Sade, asaga oo dhanka kalena mahad balaaran u diray cida qaban qaabisay shirkaasi .

Shirka jaraa'id ee uu afhayeenka ku qabtay Hotel Barakad ee magaalada nairobi oo ahaa mid uu ku lafa guray arimo dhowra ayaa waxa uu ku soo gabagabeeyay ka dhalinyaro ahaan wixii u qabsoomay isagoo sheegay in ay soo bandhigeen ka hadalka nabada muhiimada ay u leedahay dadka soomaaliyeed iyo waliba wacyi galinta dhalinta soomaliyeed.

Afhayeenka ayaa sidoo kale waxa uu shaaciyay isku shaandheynta lagu sameeyay jaaliyada dhalinayarad Beesha Sade bishaan May gudaheeda iyadoo loo magacaabay Gudi cusub oo ay jaaliyada leedahay oo ah sidaan:

 1.  Jamaal Suufi Deerow - Gudoomiyaha Jaaliyadda
 2.  Aadan C/laahi Dhakat - Ku xigeenka Jaaliyadda
 3.  Cilmi Axmed Badal - Xoghayaha Jaaliyadda
 4.  Xiish Aadan Axmed - Afhayeenka Jaaliyadda
 5.  Mursal Cali Axmed (Facaye) -  Xiriirka Arimaha Gudaha
 6.  Xuseen Cabdi Guure - Madaxa dhaqaalaha Jaaliyadda


Canab Cabdi Axmed, Nairobi/Kenya

Allgedo News Media Network
allgedo@allgedo.com



 

                            Allgedo  Online © 2006 - All Rights Reserved.                        
 Contact us at: allgedo@allgedo.com