Barcelona oo duugtay Basel iyo natiijada kulamadii kale ee Champions League - Goolkii Bojan!!!

Barcelona ayaa noqotey kooxda keliya ee dhalisy wax ka badan 2 gool markii ay 5-0 ku duugeen kooxda Basel ee dalka Switzerland maalin ka dib markii 36 gool la dhaliyey kulamadii 8 kulan ee Champions League ah.

Guud ahaan 8dii kulan ee xalay waxaa dhashay 17 gool taasoo kala bar ka yar goolashii habeenkii ka horeeyey iyadoo goolkii ugu horeeyey oo aad u qurux badnaa uu Barcelona u dhaliyey xidiga weyn Messi daqiiqadii 4aad ee ciyaarta iyadoo labo gool oo xiriir ah ay daba dhigeen Sergi Busquets iyo Bojan Krkic oo ciyaartii ka dhigay 3-0 markii ay socotey 22 daqiiqo.
 

Qaybtii dambe bilowgeedii ayey Barcelona feestadii goolasha halkoodii kasii wadeen iyadoo 3dii daqiiqo ee ugu horeysey bilowgii qeybtii dambe ay 2 gool u kala dhaliyeen Xavi iyo Bojan Krkic iyadoo natiijadii ciyaartana noqotey 5 gool iyo waxba taasoo u suurta gelisey Barcelona iney hantaan guushoodii 3aad waxeyna hada 9 dhibcood ku hogaaminayaan guruubka C.
Kulan adag oo magaalada London ku dhexmarey Chelsea iyo Roma ayaa kusoo dhamaadey 1-0 oo ay guusha ku raacday kooxda Chelsea waxaana goolka keliya ee ciyaarta teesto ku dhaliyey kabtan Terry rubi saac ka hor dhamaadkii ciyaarta.

Adriano ayaa Inter u suura geliyey iney helaan 3dii dhibcood ee loo tartamayey markii uu gool madax ah dhaliyey kulankii ay la lahaayeen kooxda tartankan wacdaraha ka dhigtey ee reer Qubrus Anorthosis Famagusta.

Labadan koox ayaa weli hogaanka u haya guruubka B maadaama kooxihii kale ee Panathinaikos iyo Werder Bremen bareejo 2-2 ah isla dhaafi waayeen.

Liverpool ayaa u ekeyd iney 3dii dhibcood ee ciyaarta gurigooda kula soo noqonayaan markii uu gool u dhaliyey Keane daqiiqadii 14aad ee qeybtii hore hase yeeshee waxaa ka diiday ciyaaryahan Simao uu Atletico Madrid gll barbardhac ah u dhaliyey 7 daqiiqo ka hor dhamaadkii ciyaarta.
Labadan koox ayaa min 7 dhibcood ku hogaaminaya guruubka D oo ay kuwada jiraan kooxaha PSV Eindhoven oo 2-0 ku martey Marseille.
Kulamadii xalay:

Grubka A: Bordeaux - Cluj 1-0 Chelsea - Roma 1-0Fiiro Gaar ah: u akhri koox, kulamada, badisay, bareejo, laga badiyey iyo dhibcaha.

B: Inter - Anorthosis Famagusta 1-0 Panathinaikos - Werder Bremen 2-2
Mahad Maxamed Sheekh - Allgedo/Hargeysa.

C: Basel - Barcelona 0-5Sjakhtar Donetsk - Sporting Lisboa 0-1

D: Atlético Madrid - Liverpool 1-1 PSV Eindhoven - Marseille 2-0
 

3 1 0 2 3

3 1 0 2 3

3 2 1 0 7

3 1 1 1 4

3 0 1 2 1

3 1 0 2 3

3 2 1 0 7

3 0 0 3 0