|
Allgedo News, June 8, 2008 |
|
| Cambaareyn iyo digniin la xariirta dilkii arxan darida ahaa ee loo geystay Allaha u naxariistee marxuum Wariye Nasteex Daahir Faarax | |
|
|
Inna Lillahi Wa inna Ilayhi Raajicuun! Alle S.W Naxariistii Janno ha geeyee Marxuum Naxteex Daahir Faarax oo June 7, 2008 ay si axmaqnimo ah loogu qudh-gooyey magaalada Kismaayo wuxuu ahaa macalin, Samafale iyo Suxufi si firfircoon farqi ugu sammeeyey una saammeeyey nolasha ummad tiro badan. |
| Marxuum Wariye Nasteex Daahir Faarax | |
Wariye Nasteex wuxuu ahaa
macalin shaqadii gurmadka
qaranka ku soo qaatay inuu
ubadka Soomaaliyeed tacliin baro,
wuxuu la soo shaqeeyey ha’adaha
samafalka isagoo gargaarayey
bulshada Soomaaliyeed ee la
dulmiyey, markii danbana wuxuu u
wareegay dhanka saxaafadda
iyadoo natiijada hawlgalkiisa
muddo kooban gudaheed laga
dareeymay daafaha adduunka idil.
Marka aad eegto taariikh shaqo
nololeedka Naxteex waxaad
ogaanaysaa inuu ka duwanaa dadka
intiisa badan, waxaana uu u
hawlgalay si ka duwan inta badan
kuwa la da’ada ahaa ee ay
Soomaaliya isku wakhtiga joogeen.
Kuwa dhagaha adag, garashadii
iyo garaadkiiba ka fakhriyey ee
masuuliyadda magaalada meesha
cidlada ah ka sheeganaya, waxay
qayb ka leeyihiin eedda
ammuurtan argagaxa leh ee uu ku
halaagmay walaalka Naxteex
Daahir Faarax.
Haddii aanan ummadyahay si sidan
ka duwan u fikirin oo aanan u
hawlgelin, dalka iyo
deegaanadiisuba waxay noqonayaan
raq (goob xoolo dugaag ku laayey
oo baaddiye ah) oo ay haaddu dul
heebaabto; dadkuna wuxuu isu
baddelayaa dugaagga wax boobaya.
Walaalkay Nasteex meel ka fiican
eebbe ha geeyo. Aamiin yaa
rabbi.
Cabdikhayr Sheikh Soofe
soofe@hotmail.com
Allgedo News Media Network
allgedo@allgedo.com
|
|
|
Allgedo Online © 2006 - All Rights Reserved.
Contact us at:
allgedo@allgedo.com