Allaha u naxariistee Wariye ka tirsanaa Idaacadda Shabelle ee magaalada Muqdisho ka howlgasha ayaa saaka ku geeriyooday dagaalada ka socda caasimadda, gaar ahaan nawaaxiga wadada Wadnaha iyo suuqa Bakaaraha xilli uu wado marayey marxuumka.

Wariye Cabdirisaaq Warsame Maxamed (Gaadaco) oo ka mid ahaa
wariyeyaasha raadiyaha Shabelle ayaa ku dhintay magaalada Muqdisho ee caasimadda Somalia kadib markii wariyaha ay ku dhaceen xabado habow ah oo kamid ah kuwa ay isweydaarsanayaan dhinacyada dagaalamayo, Eebe janadiisii ha siiyo C/risaaq Gaadaco ayaa u soo socday xillii uu geeriyoonayey xarunta Idaacadda Shabelle.

Wariyahan dhintay ayaa kamid ahaa soo jeediyeyaasha wararka
ama News-Casters, wuxuuna Shabelle ka shaqeynayey muddo dheer,isagoo ahaa wariye si weyn looga yaqaano magaalada Muqdisho oo dadkiisasi hufan ugu shaqeyn jiray.

Dagaalada iyo colaadaha Somalia guud ahaan ka jira ayaa guud
ahaan saameynta ay shacabkeena ku hayeen,gaar ahaan waxaa dhibaato aan la qarin karin ay ku hayaan saxafiyiinta Somalida ah, haba u badnaadaan kuwa Muqdisho ka shaqeeya oo duruuf adag ku jira.

Horaantii sanadkan ayey aheyd markii isla sidan oo kale wariye uga soo hadli Jiray Idaacadda Shabelle degmada Afgooye oo laoran jiray Xasan Mayow Xasan ay toogteen kooxa hubeysan xilli uu shaqadiisa ku guda jiray.



Mahad Maxamad, Muqdisho/Somalia.



Allgedo News Media Network
allgedo@allgedo.com



 

                            Allgedo  Online © 2006 - All Rights Reserved.                        
 Contact us at: allgedo@allgedo.com