Caabudwaaq, Somalia (AOL) - Kulamo iyo wada xajoodyo baryahii lasoo dhaafey ay yeesheen wax garadka iyo siyaasiyiinta magaalada Caabudwaaq ayey ka soo saareen dhaliil ay usoo jeediyeen qaabka loo soo dhisay xukumada cusub ee dhowaan uu soo dhisey Ra'isal wasaare Nuur cade waxayna sheegeen in beesha SADE aan laga siin xukuummada cusub waxii ay xaqa u lahayd.

Kulnka dabadii waxaa saxaafada uga war bixiyay natiijooyinkii kasoo baxay kulamadaa Afhayeenka Beesha Sade ee Degmada Cawil Geele Diiriye waxaana uu sheegay in aanay marnaba u cuntamin xubinta la siiyay beeshooda.

"Waxaan nahay beel weeyn oo degta gobolada Juboyinka, Gedo iyo Gal Gaduud, mana qaadaneeyno sida foosha xun ee loola dhaqmayo ayuu yiri Beesha yada ee Quursiga ah, waayo wasaarada la'ina siiyay ee ah wasaarada Horomarinta Gobolada iyo dastuurka waa mid aan u cuntamin beesha Sade” ayuu yiri Cawil Geele Diiriye oo ah afhayeenka Beesha Sade ee Degmada Cabudwaaq

Sidoo kale, waxaa uu sheegay inta madaxweyne Cabdullaahi Yuusuf uusan ka tegin dalka in beesha loo qorsheeyey in la siiyo wasaarada Arimaha Dibada lagana weeciyey meelo kale.

Arintan ayaa waxaa ay kusoo beegmeysaa xili dhawaanahan ay kasoo yeereeysay qeylo dhaan Beelaha Soomaaliyeed iyo xildhibaanda Baarlamaanka qaarkood oo ku aadan qaabka loo soo dhisay xukuumada ka kooban 18-ka wasaaradood.


Xafiiska Wararka Allgedo ee Muqdisho/Soomalia.


Allgedo News Media Network
allgedo@allgedo.com