Baardheere, Somalia (AOL) - Shan qof oo labo ka mid ay yihiin Odoyaal dhaqameed caan ka ah Gobolka Gedo ayaa waxaa lagu soo waramayaa in ay ku geeriyoodeen ,halka 7 kalena dhaawac uu ka soo gaaray, kadib markii meel ay ku shirayeen oo lagu magacaabo Laan garas oo u dhexeeysa Deegaanada Buur Dhubo iyo Ufuroow ay kooxo Dableey ahi weerar ku qaadeen isla markaan rasaas aan loo meel dayin ay ku rideen odayashaasi.

Odayaasha la laayay ayaa waxaa ay ka shirayeen sidii loo hakin lahaa Xiisado ka dhex taagan Xoolo dhaqato reer Guuraa ah oo ka soo kala jeeda Beelo Wada dega xadka u dhexeeya Gobolada Bay iyo Gedo kuwaasi oo isku heeysta Dhul Daaqsineed ay soo naq raaceen dad ka tagay gobolka Gedo.

Dadkii dhaawaca ku noqday Rasaastaasi ayaa waxaa maanta duhuradii loo Qaaday Deegaanka Buur dhuubo si loogu Daaweeyo waxaana qaar ka mid ah dadkasi ay yihiin Xaaladooda Mid aad u lidata.

Waxaa laga dareemayaa Dhaqdhaqaaq Ciidan oo ay wadaan maleeshiyaadka Deegaano ka Tirsan gobolka Gedo tiiyo Qaar ka mid ah Wax gard iyo odayaal ay ka tagay magaalada Baardheere ee gobolka Gedo ay ku baxeen halka ay dhibaatada ka dhacday ee odayasha lagu laayay kuwaasi oo la filayo in ay iyana soo xaliyaan qilaafaadka keenay in odayaashaasi lagu laayo.

Dhawaanahan waxaa ka taagnaa xiisado Colaadeed xadka kala qeeybiya Labada gobol ee gedo iyo Bay kaasi oo u dhexeeyay beelo wada dega halkasi waxaana u qilaafaadkooda salka ku hayay isqabsi ku aadan dhul daaqsineed ku yaal halkasi.

Oodyasha iyo Waxgaradka degmooyinka Gobolka Gedo ayaa waxay dadaaal ugu jiraan sidii xiisada loo qaboojin lahaa waxayna ugu baaqeen qeybaha kala duwan ee Waxgaradka Gobolka Gedo inay is dejiyaan,ayna ka fogaadaan wax allaale waxii dhibaato keeni kara.


Axmed Cumar Saalixi, Baardheere.

Allgedo News Media Network
allgedo@allgedo.com