Qaar ka tirsan wufuudii kasoo qeyb gali laheyd shirweynaha Dibad-joogta beesha Sade ee ka dhacaya Columbus, Ohio ayaa soo gaaray madasha shirka

Xildhibaan Abdi Ali Hassan (PhD) oo ka tirsan DKMG, haddana shirka Columbus, Ohio uga yimid Nairobi, Kenya.

Enj. Guleed Cali Xasan oo ah waiil ka socda jaaliyadda beesha Sade ee Copenhagen, Denmark, haddana kasoo qeyb galay shirka Columbus, Ohio

Magaalada Columbus, Ohio ayaa waxaa kusoo qul-qulaya wufuud fara badan oo ka tirsan Qurba-joogta beesha Sade oo ka kala imaanaya shanta Qaaradood.

Inkasta oo aanay ilaa iyo hadda cadeyn tirada rasmiga ah ee wufuudda soo gaartay Columbus ayaa haddana waxaa galabata ii suurtagashay in aan la kulmo Xildhibaan Abdi Ali Hassan (PhD) oo ka tirsan DKMG, haddana shirka Columbus, Ohio uga yimid Nairobi, Kenya iyo Enj. Guleed Cali Xasan oo ah wakiil ka socda jaaliyadda beesha Sade ee Copenhagen, Denmark, Columbas-na u yimid in uu ka qeyb galo shirweynaha Qurbajoogta beesha Sade oo bishaan May 28-keeda ka dhici doona magaalada Columbus, Ohio ee dalka Mareykanka.

Labadaan nin oo sida ay sheegeen waqtigooda iyo qarash badan usoo bixiyay oo kaliya sidii ay uga qeyb gali lahaayeen shirka Columbus ka dhacayo ayaa dhanka kalena waxaa wejiyadooda ka muuqatay sida ay ugu faraxsan yihiin in ay kasoo qeyb galaan shirweyne ay beeshu leedahay oo looga arinsanayo nabadeynta iyo horumarinta deegaanada ay beesha kasoo jeedo.

Wixii akhbaar ah ee kusoo kordha furitaanka shir weynaha Columbus iyo natiijada kasoo bixi doontaba kala soco shebekadaha Gedonet, Gedoweb, iyo Allgedo.


Aden A. Colujoog, Columbus/Ohio.
 

Allgedo News Media Network
allgedo@allgedo.com





 

                            Allgedo  Online © 2006 - All Rights Reserved.                        
 Contact us at: allgedo@allgedo.com