Taliyaha qeybta Booliiska Gobolka Gedo - Col. Xasan Dahir Yarow (Xasan dheere)

Dowlow, Somalia (AOL) - Ku dowaad kun Maleyshiyooyin ah oo laga kala keenay qeybo ka mid ah Gobolada Koonfurta Soomaaliya si ay tababar xaga Booliiska ah ugu qaatabn gudaha dalka Ethiopia ayaa xaley waxa ay gaareen degmada Dolow Somaliya oo u dhow xuduuda u dhaxeysa Ethiopia iyo Soomaliya.

Taliyaha Qeybta Booliska Gobolka Gedo Col. Xasan Dahir Yarow (Xasan dheere) oo ka mid ah Saraakiisha hogaaminaysay Maleyshiyoyinka loo tababarayo DKMG ah oo xaley u waramayey Allgedo ayaa sheegay in ujeedadu ay tahay sidii maleeshiyooyinkaasi oo gaaraya ilaa Kun Qof looga dhigi lahaa ciidan Boolis oo ka howl-gala gudaha dalka Soomaaliya marka ay tababarka soo dhameystaan, waxuuna sheegay in maleeshiyooyinkan ay ka duwan yihiin kuwii hore oo ay yihiin kuwa aanan wax balwad ah lahayn, islamarkaana lagu xushey inay ka firfircoon yihiin maleeshiyaadkii hore ee dalka Soomaaliya ka jiray.

Col. Xasan-dheere ayaa intaasi ku darey mudada ay tababarka ku jiraan meleeshiyadaas in ay qaadan doonaan daruus la xariirta Asluubta Ciidanka Booliska, Xeerarka iyo Shuruucda iyo weliba shaqooyinka Booliska, waxuuna tilmaamay mudada tababarka uu socon doono inay gaareyso 6 Bilood ilaa 2 sano, waxaana ciidankaasi loo kala saari doonaa ayuu yiri marka ay tababarka soo dhameystaan kuwo loo kala qaadan doono layli sarkaal iyo kuwo ka howl geli doona Saldhigyada degmooyinka dalka oo dhan.

Tababarkan xaga ciidanka Booliska oo maalmaha soo socda ka furmi doona gudaha dalka Ethiopia ayaa waxaa ka horeeyey, tababar midkan la mid ah oo ay soo dhamtysteen maleeyshiyooyin kale kuwaasi oo haatan ka howl galaya gudaha Caasimada.


Axmed Cumar Saalixi, Baardheere-Gedo.




Allgedo News Media Network
allgedo@allgedo.com



 

                            Allgedo  Online © 2006 - All Rights Reserved.                        
 Contact us at: allgedo@allgedo.com