Baydhabo, Somalia (AOL) - Barlamaanka Dowladda FKMG ah ee Soomaaliay ayaa maanta waxuu kalsoonidii siiyey xukuumada cusub ee uu dhowaan soo dhisey Ra'isalwasaaraha DKMG ee Soomaaliay, iyadoo Munaasabad maanta ka dhacday xarunta shirarka ee Barlamaanka KMG ee Somalia ee magaalada Baydhabo ayaa waxaa si rasmi ah codkii kalsoonida loogu qaaday xukuumada cusub.

Xubnaha Baarlamaanka ee maanta soo xaadiray fadhigii Baarlamaanka ayaa gaarayey ilaa 230 xildhibaan waxaana marka ugu horeyseya loo yeeray labo xildhibaan oo watey labo hindise oo ah in qaabka ay u dhacayso codbixinta inay ahaato hab gacan taag ah ama lagu qaado hab qarsoodi ah.

Ugu horeyn ayaa waxaa halkaasi ka hadlay xildhibaan C/laahi Sheekh Ismaaciil oo ka mid ahaa Xildhibaanadii watey in habka codixinta laga dhigo mid qarsoodi ah, ayada oo la raacayo qodobka 34 aad ee Dastuurka Qaranka farqadiisa 1-aad ee xeer hoosaadka oo tilmaamaya in codka laga dhigi karo qarsoodi.

Sidoo kale, waxaa loo yeray xubnihii kale oo iyagu qabay in codka laga dhigo gacan taaga waxana xunahaasi iyagu tiradoodo la ekaayeen 149 xildhibaan, waxeyna yiraahdeen in iyadoo aynu eegeyno colaadaha jira iyo barakaca iyo degenaanso la'aanta, in isla markaana lacuskanayo qodobka 71-aad ee Axdiga Qaranka - farqadeeda labaad ee axdiga 60-kii,  waxeyna yiraahden inagoo taasi ka amba qaadeyno waa in codka calsoonida la siiyaa xukuumadda cusub ee uu soo dhisay Ra'isal wasaare Nuur cade.

Intaasi kadib ayaa mudane yaal ka tirsanaa xubnihii qarsoodiga ku doonayay in codka lagu qaado ayaa ka tanaasulay codkoodii, waxayna sheegeen inay ku biirayaan xubnaha gacan taaga ah, mudanayaashaana waxay ahaayeen 43 mudane, 24 ayaana ka baxday, kadibna gudoomiyaha baarlamaanka oo shir gudoominayey ayaa cod u qaaday, 223 mudane ayaa ogaalatay, 5 way diiday, 2 na way ka aamustay, sidaasi ayeyna xukuumadii Nuur Cade kalsooni buuxda ay ku heshay.

Wax yar ka ddib ayaa gdoomiyaha Baarlamaanka waxuu ku dhawaaqay natiijadii, sidaas ayayna xukuumadda uu soo dhisay Nuur Cade ay maanta codka kalsoonida ku heshay, dabadeedna waxaa  halkaas ka hadlay Ra'isalwasaaraha xukuumada FKMG ee Somalia Nuur Xasan Xuseen (Nuur-cade) oo u mahad celiyey dhammaan xildhibaanadii codka kalsoonida siiyey, waxaana uu balan qaaday in uu waajibaadka xukuumadiisa hor yaala ay sidey tahay uga soo baxayso, isagoo isla markaana xusay in kalsoonida xubnaha barlaamka ay muujineyso rajo ah in shacabka loo adeego.


Shuceyb Shire, Allgedo, Baydhabo/Somalia.



Allgedo News Media Network
allgedo@allgedo.com