Aduunka mudada la joogaayo ayaa wax yar oo xadidan, waxaana qofka lagu qiimeyn karaa wax qababdkiisa iyo haba dhaqdhaqaaqa dhinaca wanaaga ku aadan, waana mida qofna u yeesha Magac iyo sumcad qiimo leh, mid ku darta kuwa lumay oo aan Dadkooda iyo Dalkooda-toona wax u qaban, wax tarka Qofka basharka ah ayaa ahamiyadeeda leh, waana door looga baahan yahay cidii awooda, lana yimaadda is-xilqaan, duruufuruhana u ogolaadaan ku dhaqaaqidda kaalin wax ku ool ah.  

Haddaba, Maanta waxaan halkan ku xusaayaa Marwo-Asiili Maxamuud Barre oo ka mid Qurba jooga Jaaliyadda Reer P/Land ee Dalka Jarmalka oo dadaal wacan, masuuliyad iyo karti wax qabad sameeysay, Marwadaasu waxeey dhowaan Kaalmo caawimo ah oo Daawo u bahan geeysay Isbitaalka Magaaladda Gaalkacayo Xarunta Gobolka Mudug, waana talaabo wanaagsan iyo mid ku dayasho leh, waana sawir cad oo la qaadan karro Wadaniyadda iyo Qiiradda Dalka jaceyl ee Marwadaas.  

Anigu Shakhsiyan wax aqoon ah uma lihi Marwadaas, isku Dalna ma joogno, laakiin Shebekadaha warbaahinta ayaan ka daalacday doorkeedda weyn iyo sidda eey ugu dadaaleeyso wax u qabadka Ummadda eey ka Dhalatay ee Somaaliyeed, Gaar ahaan Goboladda P/Land oo eey Asal ahaan ka soo jeedo, haa Marwo Asiili tusaalle wacan ayaad u tahay Dadka Somaaliyeed ee Dareenka Wadanigga ah leh, damiirka nool leh, weliba haweenka oo ka karti badan, kana dadaal wanaagsan ragga oo la oran karro intooda badani weey seexeen, nooc kasta oo caawimo ah oo qof muwaadin ahi geeyo Dalkiisa hooyo waa loo ogyahay, waana kaalmo wax ka tareeysa dhibaatooyinka faraha badan ee halkaas ka jirra.  

Marwo Asiili Maxamuud Barre iyo Marwo Batuulo Isaaq Maxamed iyo Dadka la midka ah ayaa Amaan, Bogaadiin iyo ku dayasho mudan, waana sawirka Muwaadiniinta Xalaasha ah ee arka Duruufaha qalafsan ee Dalkooda Hooyo ka jirra, kuna dadaalayaaya gudashadda waajibka Wadanigga ah ee Qof walba saaran, laakiin garashadda ayaa la is-dheeryahay,Gobolka Kasta, Degmo walba,Tuulo kastaa xaaladu kala duwan ayaa ka jirra, Bulsho badan ayaana ku dhiban oo indha ku soo eegeeysa Jaaliyadda Somaaliyeed ee Faraha Badan ee Qurbo Jooga ah.  

Muwaadin kasta oo ku mashquulsan wax u qabadka Dalkiisa Hooyo,Dalkeena Hooyo Amaan iyo Xurmo weyn ayuu Mudan yahay, waana kuwo Taariikhdu xusi doonta, abaalna Dadkiisu u hayaan, wana lumaayo wanaaga iyo macruufka dhanka fiican la mariyaa, Kheyrka iyo Abaal marinta Camal Wanaagsan Alle ayaa bixiya, weeyna imaan maanta abaal marintu iyadoo qiimaheeda leh, farxadeedda leh, xuskeedda leh, Al-Raxmaanka ayeeynu ka sugeeyna Kheyr iyo Barakatiisa, iyo Guusha Maalinta Qiyaamaha.

 

 

-ALLA MAHAD LEH-

-QORRE-XASSAN C/LAAHI SHEEKH (XASSAN CARAB)-

-HUDDERSFIELD-ENGLAND-29-04-2005.

-sharifhassan50@yahoo.com.

 


Aragtida uu xambaarsan yahay qoraalka sare waxay u gaar tahay qoraha uu magaciisa kor ku qoran yahay, sidaas awgeedna Allgedo wax shaqo ah kuma laha.


 

allgedo@allgedo.com