Madaxweyne cabdullaahi yuusuf  muxuu dadaalka ugu jiraa inuu fariisin ka dhigto  magaalo madaxda gobolka jubbada hoose ee kismaayo?

 

Tan iyo  xilligii ay dawladda  f S  dhismaheeda lagu  dhameeyey  Magaaladda nayroobi ee dalka kenya, waxaa soo baxahayey in madaxweyne Cabdullaahi  yuusuf  inuu doonayo  in ay dawladdu ku sii hakato labada Gobol ee Baay iyo Sh/dhexe  magaala madaxdooda ee kala ah Baydhabo  oo muqdisho u jirta  260 km iyo Jawhar oo  muqdisho u jirta 90 km.

 

Markii uu dhawaan Madaxweyne Cabdullaahi Yuusuf uu safarka ku soo maray Gobollo badan oo dalka ka mid ah oo aysan ku jirin  Gobollada ay ka midka yihiin  BANAADIR, SH/HOOSE iyo Gobolka Jubbada Hoose, Gobolladaas oo ah Gobollada dalka ugu khayraadka badan ahna kuwa ugu muhiimsan in ay dawladdu  ka hawl biloowdo. 
 

Balse  uu u arkay  madaxweyne Yuusuf in ay yihiin Gobollo ay siyaasadoodu isku xiran tahay oo aan hadda ka mid noqon karin inuu si dhib yar ku soo booqdo iyada oo ay ku sugan yihiin maleysiyooyinka ugu hubka badan dalka  soomaaliya.

 Sidoo kale ay Hoggaamiyeyaasha  ka taliya Gobolladaas  aysan ku calool fiyoobeen  Fikradda ah in dalka ciidamo shisheeye ee hubka dhigis ah la keeno  sida uu rabo Cabdullaahi Yuusuf  iyo in ay waliba ka mid noqdaan ciidamadaas ku dawladaha safka hore oo ay cabdullaahi  uu la leeyahay  saaxiibnimo  qoto dheer.

 

 Iyaga oo qabqablayaashaasi ay u arkaan inuu ciidankaasi ka hawl gelidoono  Gobollada ay ka taliyaan  si ay hubka ugu dhigaan maleysiyooyinka  iyaga ka amarka qaata ee ku sugan  Gobolladaas,  ayna markas awoodoodu  hoos u dhici doonto, isla markaasna laga yeeli doono sidii la rabo, maadaama waxa ay meesha ku joogaani ay tahay  cududda qabqablenimo  ee aysan ku imaan  rabitaanka Bulshada Soomaaliyeed.
 

 Khilaafkaas iyo tuhunkaas oo keenay in koox  badani ay Muqdisho u hormo goaan  oo ay nayroobi isga baxaan  iyaga oo sheegayey in ay rabaan in ay halkaas  ka hawl galaan maadaama  dawladda loo dhisay in ay dalka hawl ka biloowdo, iyada oo markii dambana kooxdaas uu ku biiray  Gudoomiyaha  Baarlamaanku mudane shariif Xasan  ka dib markii Kooxda Cabdullaahi Yuusuf ay cinqilaabtay  oo  booskii ay ku fariisisay ku xigeenkiisii, iyaga oo kooxda Muqdisho iyo meelaha ku dhawna ay ugu yeereen Shariifka inuu Muqdisho  yimaado.
 

Kooxdaan Shariifku u madaxda yahay ee muqdisho iyo meelaha u oogga leh ku sugan  waxay bilaabeen in ay qabtaan xoogaa shaqo ay oo ay bulshada rabaan in ay ku beer dulucsadaan iyaga oo  laba xero ku xareeyey  xoogaa hub ah iyo ciidan, balse ay mushkilad ka joogto sidii loo qaadi lahaa  meesha  ay sartu ka quruntay  oo ah ISBAAROOYINKA  WASIIRADA IYO XILDHIBAANADA oo ah ilaha dhaqaalaha  ay ka helaan, iyada oo lagu qiyaasay  in maalintii ay uga soo xarooto malaayiin  Doollar  lacag gaaraysa.
 

Dhanka kale  waxaa iyana mixnad ay ka haysataa Madaxweyne Cabdullaahi Yuuusuf sidii ay dawladiisu u soo cago dhigan lahay  Gobolladii uu horay ugu qorshaystay inuu ku sii hakado, iyadoo  magaaladda Baydhabo oo ah midda ugu mihiin sanayd xagga  Gurmadka meelaha uu rabay in ay uga yimaadaan  sida dalalka ay  wadiifada yihiin,  ay gacanta u gashay  Kooxo diidan  inuu cabdullaahi soo dajiyo Dawladda Baydhabo, kuwaas oo dagaal uga saaray  kooxdii ayid sanayd in ay dawladdu soo degto  baydhabo ka dib markii dhawr jeer lagu dagaalay  magaaladda baydhabo.
 

Dagaaladaas oo dhexmaray labada garab ee RRA  oo ay kala hogaamiyaan  Xildhibaan  SHAATI GADUUD oo ah Wasiir ka tirsan Dawladda iyo Xildhibaan  Xaabsade oo ah ninka ka soo horjeeda in ay dawladdu soo degto Baydhabo , isaga oo ah ninka hadda gacanta ku haya talada Baydhabo ka dib markii uu ka adkaaday Garabka Shaati gaduud oo uu dibadda  ka dhigay  Magaaladda Baydhabo , ayada oo ay wararku sheegayaan inuu gacan  taakulo uu ka helay  Xaabsade  ragga ay isku xulufada yihiin ee ku kala sugan Muqdisho, Marka iyo Kismaayo.  
 

Markii arrintaasi ay dhacday waxaa ku adkaatay in dawladda Madaxweyne  Cabdullaahi iyo Ra'iisal wasaare Geedi ay  u guurto Jawhar  iyadoo aysan saldhig u noqon karin  kaligeed Dawladda, sidaas darteed waxaa lagama maarmaan noqotay in meel kale loo helo  dawladda ee ka mid ah Gobollada  u ooga leh Muqdisho sida kismaayo.

 

Sidaas darteed baryahaan waxaa  isaga soo taraya  wararka ku saabsan  inuu  Madaxweyne  Cabdullaahi Yuusuf  Wadahadal lagay xubno  isugu jira  Xildhibaano iyo Siyaasiyiin  iyo waxgarad kale oo ka tirsan Beesha SADE kuwaas oo ku sugan Magaaladda nayroobi , wada hadaalkaas oo ku saabsanaa  sida ay na soo gaarsiinayaan ilo wareedyo  ku sugan goobtaas in ay  isku xiraan  Cabdullaahi Yuuusuf iyo Kooxda ka talisa  Kismaayo  si ay dawladdu uga degto ama ay fariisin uga hesho  Kismaayo, maadaama baydhabo ay xaaladedu sii cakirmayso.

 

Sidoo kale Cabdullahi Yuusuf ayaa  kulan kula yeeshay Qaar ka mid ah  Jaaliyadda Beesha SADE ee ku sugan Magaaladda London  isaga oo ka codsaday in ay gacan ku siiyaan sidii  ay ugu ogolaan lahaayeen  Ragga ka taliya Kismaayo in ay dawladiisu ka dagto Kismaayo .

 

Balse waxaa  aan caddeyn in ay meel mar noqonayaan isku dayadaas Cabdullaahi ee la xariira  kismaayo, maadaama ay  in badan ku eedaynayeen jireen ragga Kismaayo ka taliya inuu Cabdullaahi  marar badan  uu Moorgan hub iyo Ragba ha soo siiyey Bari, si uu gacanta ugu dhigo  mar  Magaaladda Kismaayo, mana muuqato sida ay sheegayaan ragga odorosa siyaasadda Qabqablayaasha in ay arrintas wadahadal fiican wali yeelatay oo dib u heshiisiineed .

 

dhanka kale  waxaa la sheegayaa in haddii ay u suurtowdo in kismaayo  ay ka soo degi doonaan ciidamada  dalalka Ugaandha iyo Suudaan  kuwaas oo adeegsan doona dekedda iyo Airportada Kismaayo, ayna dawladdu halkaas  soo cago dhigan doonto si kastaba ha ku timaadee arrintaasi.

 

Waxaa kale  ilo xog ogaal ahi ay sheegayaan in  walal badan ka galay Cabdullahi Yuusuf  tagitaanka Moorgan uu tagay Muqdisho, iyadoo uu  sheegay ninka ka taliya Gobolka Sh/Hoose  INDHCADE oo ah  ninka  Qabqablayaasha   kamid ka ah oo aan ku jirin  Barlamaanka iyo Dawladaba  sida Moorgan  uu dhawaan sheegay mar uu wareysi siinayey Radio Free Soomaaliya  inuu  moorgan rabo in uu kismaayo geeyo  si kastaba ha ku geeyee isaga iyo rag kalaba, xitaa haddii aysan raali ka ahayn  kuwa hadda ka taliyaa waa sida uu hadalka u dhigaye.

 

Balse waxaan wali caddeyn suugalnimada arrintaas, iyada oo  dadka ku nool ama hadda ka taliya  aysan moorgan  u haynin ixtiraam  maadaama ay muuqdaan raadadkii uu u geystay  iyo  waxii ka soo gaaray qoysas badan oo ku nool  kismaayo, balse ay arrintaasi u muuqato mid lala damacsan yahay in  xiisad lagu abuuro iyo nabad gelyo dari  deegaankaas.

 

Waxaa caddaan ah in labada dhanba ay u xusul duubayaan in ay midiba  ay rabto in kismaayo  xageeda marto oo ay lug ku yeelato  fara ku haynteeda , maadaama ay tahay maaglo aad iyo aad muhiin u ah, kalkaas waxaa ka cad  in kismaayo xasaradi ku soo fool leedahay sida baydhabo oo kale, arrintaas oo looga baahan yahay dadka ku dhaqan in ay  ka foojignaadaan.

 

Isku soo wada duuboo waxaa muuqata akhristoow in  ay wali saldhig la dahay  dawladda Cabdullahi Yuusuf  ayna  maalinba maalinta ka dambeysa arrintu ka sii baahayso  iyada oo u eg mid  la kulmi doonta dhibaato hor leh  iyo in ay waqtiga ku dhameysato dibad joog nimo , waxaa waliba u sii dheer in ay la dahay  wax waxtar ah ee ay waxku qabato  ee dhaqaale ah , iyo waliba iyadoo ay ciidamadii  ay rajeynayeysay  sii daba guryoonayaan  oo maalinba maalinta ka dambeeysa  ay cududaar keenayaan.

 

Jawhar oo kaliya ma suurowdo in ay degto waayo Muqdisho oo lidi ku ah ayaa ku waa bariisan karta Jawhar  marka Cabdullaahi  wali Nayroobi wuu ku sii nagaanayaa, waxaase laga yaa baa in ay dhawaan Muqdisho qabtaan Geedi iyo Rag la socda si ay shaxda Muqdisho wax uga cayaaraan.

Sidaas baana keentay inuu Cabdullaahi isaguna uu  dadaal ugu jiro inuu Fariisin ka dhigto Kismaayo.
 

 

Moxamed Shiikh Moxamuud 

Garyare,  London, UK. 

Fariinta uu wato qoraalka sare waxuu u gaar yahay qoraha uu magaciisa kor ku qoran yahay.


 

allgedo@allgedo.com