Yuusuf Indhacade  ma Booliska Dalka Soomaaliya  mise waa Qabqable  soo caan baxa haya? 

Waa yahaan dambe dalka Somaliya waxaa ku soo badanaya  Magacyada  Dadka Qabqablayaasha  ah oo iyagu  ku soo caan baxa hadba inta  ay legtahay  Gadiidka  teknikada  ah ee uu  u taliyo  ama uu uga taliyo goob  u gaar ah, halkaas oo uu  isagu yahay kan wax laga weydiiyo  haddey  tahay degmo ama gobol , hadaba ninka aan hor ku soo sheegay  magaciisa  ayaa ah mid  baryahaan  Dambe  aad ugu dhex muuqda Wararka  dalka iyo wesit yada warbaahinta ee Soomaaliya , isaga oo ka soo Jeeedinaya  hadallo aad u kul kulul  ee ku saabsan Arrimaha Dawladda  iyo Waliba  Xaaladda Siyaasadda Dalka , isagoo Indhacade  Ka taliyo ama  Gacanta ku haysto  Gobolka ugu khayraadka Badan dalka oo ah Gobolka Sh/Hoose iyagoo halkaas ka talinayey muddo dheer , ninkaas oo aan  ka qayb gelin  shirkii  lagu soo dhisay  Dawladda FKMG ee Soomaaliya.  

Isla markaasna  aan ka helin  wax mansab ah  Qabqablayaashii ku bahoobay ,isbahaysiga  la magac baxay Golaha samata bixinta  Qaranka  ee lagu dhisay  Degmada BALCAD Sanadii 2003, ninkaas oo ciidankiisa lagu eedeeyey in ay ka qayb galeen  Dagaalkii kal hore ka dhacay  deegaano ka tirsan Gobolka J/hoose , gaalkaas oo dhexmaray  Isbahaysiga D/Jubba iyo Ciidan uu Watay  General Moorgan , ayada  oo Moorgan uu ninkaas (Indhacade) ku eedeeyey inuu Ciidankiisu lug ku lahaa  dagaalkii looga  adkaaday  Jabhadiisii , ayada oo indhacade uu la soo saftay Dhanka  Isbahaysiga D/Jubba  uuna si buxda uga qayb galay Dagaalkaas. 

Isaga oo Indhacade uu si cad u beeniyey  hadalka ka soo yeeray  ama eedeynta  uu u soo jeediyey General Moorgan, isagoo sheegay inuusan wax lug ah ku lahayn arrintaas  balse ay warar kale sheegayaan inuu ciidankiisu ku jiray Dagaalkaas maadaama ay isbahaysiga la leeyihiin Iskaashi  xagga  gacan isasinta  Haddi midkood uu dagaal qabsado oo lagu soo duulo dhulka ay ka taliyaan.

Sidoo kale markii ay dhawaan ay ku dagaalameen Magaaladda Baydhabo  labada Garab maleysiyo ee kala ah  Garabka SHAATI-GADUUD iyo Garabka XAABSADE ee labaduba ka wada tirsan  RRA da , ayaa waxaa lagu eedeeyey inchacade inuu ka qayb galay Dagaalkaas oo uu Garabka  XAABSADE  gacan ku siiyey sidii  uu u qabsan lahaa  Magaaladda Baydhabo , isaga oo  Xaabsade diidan inay Dawladdu  soo dagto Magaaladda Baydhabo, balse uu beeneeyey INDHACADE inuu dagaal kaas ka qayb galay , isaga oo sheegay inuu u yimi Baydhabo arrimo  nabadeyneed.

Si kastaba  ha ahaatee waxaa  mar labaad hadda soo shaac baxaya ama la soo sheegayaa in ciidan wata  ilaa iyo 30 tekniko ah ay ku soo  fooleeyihiin  Magaaladda Baydhabo, ciidamaadaas oo ka soo kala kici timay  Fariisinadoodii oo ku kala yaal labada Gobol ee kala ah Gobolka /sh/Hoose iyo Goobolka J/hoose waa sida wararka lagu helayee ayna hadda ku sugan yihiin  Tuuladda BUULO FUULAY ee u dhaw degmada  DIINSOOR ee Goboilka Bay ka tirsan. 

Ciidamadaas oo la sheegayo in ay ka qayb qaadan doonan  Difaaca  Baydhabo  haddii ay soo weeraraan  Ciidamada Itoobiyaanka ah iyo kuwa la socda ee U Shaqeeya  Itoobiya ee hadda ku sugan  Degmada Waajid waa sida uu Indhacade hadal uu u sheegaye. 

Waxaa jirtay in xaabsade uu qaylo dhaan u jeediyey  ama u dirsaday Ragga ay isku bahda yihiin ee ay ku wada jiraan  Golaha la magac baxay Golaha Badbaadada Qaranka  oo ay ka midka yihiin inta badan  qabqablkayaasha  hadda noqday Xidhibaano iyo  Wasiirada ee DFKMG ee Soomaliya, si ay gacan uga siiyaan Dagaalka uu ka baqayo in uu dhawaan ka qarxo degmada Baydhabo oo uu isagu hadda ka taliyo.

Waxaa kusid mudan in gobolka shabeelaha Hoose uu ka mid yahay Gobolada aysan soo Booqon dhawaan markii ay soo Kormaarayeen Madaxda ka tirsan  Labada gole ee Baarlamaanka iyo Dawladdaba, isaga oo  Indhacade  caddeyey inuu san  wax xiriir ah la lahayn Dawladda  lagu soo dhisay  Nayroobi Madaxdeeda sarsare , isla markaasna uusan la sameynin wax wada hadal ah isaga oo sheegay inuusan aqoon saneyn  go'aankii 11/5/05 ee ka soo baxay Nayroobi shirkii ay ku qabteen qaar ka tirsan Baalamaanka Ku meel qaarka ah ee Soomaaliya.

Moxamed Shiikh Moxamuud
Garyare  LONDON  UK
 

Fariinta uu wato maqaalka sare waxuu u gaar yahay qoraha uu magaciisa kor ku xusan yahay. 




allgedo@allgedo.com


 

All Gedo Online © 2004 - All Rights Reserved.
contact us at: webmaster@allgedo.com