|
|
|
Allgedo!
Maqaal, Tuesday, June 7, 2005 |
QOFKII DAMIIRLEH Date. 26.5.05
Waxaan salaamayaa Umadda Soomaaliyeed meel kasta oo ay
joogto, waxaan ilaahay ka baryaa in uu umadaan Soomaaliyeed kasaaro
dhibaatadaan Rubuc qarniga dhaaftay Waxaan qof Soomaali ah oo
garaadkiisu caadi yahay aan looga sheekeynayn dhibkii aan kala kullannay
isdilkii qabyaaladda iyo sidookale intii maamul ee fashilantay waxaa
kaloo murugole meesha ay kudanbaysay Dowladii aan Kenya
kasugaynay,hadaba anigu waxaan jeclaystay in in aan fikradayda shaqsigaa
kadhiibto arimaha somalia meeshay marayaan. Umadda Soomaaliyeed waxaan
xasuusinayaa dhibaatadaa dhacday baaxadeedii wixii wiil aan kuwaynay
wixii ilma ku agoontoobay wixii gabar Soomaaliyeed lugu kufsaday ama
wiilkeedii iyo ninkeedii looga dilay inta gabaryar iyo wiilyar
cuuryaamay oo mustaqbalkoodii labaabi,iyey inta aabe Soomaaliyeed ay
hortiisa ilmihiisii iyo xaaskiisii baahi ugu nafbexeen inta hooyo
Soomaaliyeed oo qaxaysa ayada iyo ilmeheedii ay oon meel cidlaa ugu
dhinteen inta ayagoo firxada duurka libaax kucunay weligiin masoo
xasuusateen da,yartii wadanku lahaa oo maalinkasta celcelis
dhimashadoodu ay gaatro inkabadan 20 wiil oo ah wixii wadanka
difaacilahaa. Bal xasuusta wixii wiil iyo gabar dhalinyar oo
Soomaaliyeed Badda ku dhintay ayagoo kasii qaxaya dhibaatada wadanka
taalla sorry mawada tilmaamikaro dhibaadata naf ee wadanka kadhacday iyo
mida maadiga ah midna,intaas waxaan kusiidarayaa dhibaatada kale
oowadanka guud ahaan soo gaartay bal fiiri dhibaatada Baddeenii lugu
hayo oo arintii hada ay marayso in suntii cadawgu badda kushubay markay
banaanka usoo baxday shacabkii oo baahan ay suntii naf adayeen oo markii
danbe haamihii suntu ay ku qarxeen oo intii goobtaas kudhimatay maahane
waxyeeladu intaas kasiiwayn tahay oo shucaaca hubka wax gumaada oo
dabayshu qaadayso kadibna qofkii dabayshaas neef sada/ in halation ahaan
uqata uu degdeg ugu dhimanayo bal fiiri wixii guri dumay(Abwaan
Bacadde:wixii daar burburay iyo wixii dabaqya aafoobay ) malayaabtaan
dayaca kudhacay xuduudihii dalka jidadkii bilicdii magaalooyinkii
Soomaaliya ugu qorxoonaa ?
Umadda Soomaaliyeed waxaan xasuusinayaa/usheegayaa in qabyaalada laysku
haystaa aysan ahayn wax meel lugu gaarayo hadaad dhab u eegtana waxaad
arkaysaa waxa dhanba in ay yihiin Riwaayad (masraxiyad ) waxaa daliil
idiin ah arimahaan, bal eega inta hogaamiiye kooxeed ee Soomaaliyeed
inta isbahaysi siyaasadeed ay samaysteen iyo isbahaysi kastaa meeshuu ku
danbeeyo waxaadkaloo bal dhab u eegtaan Somaliya waxaa loodhisay dhowr
maamul waxaana fashilinayey nimanka riwaayada dhigayey 15 sano sabab
dhabaana waxay eheed ayadoo ninkii danihiisa gaarkaa meesha kawaayaaba
uu dhahayey halkudhigii caanka noqday (looma dhamma) ugu
danbayntiiwaxaad ku quusataa Gen Morgen oo maanta dhex mushaaxaya
Muqdisho hadaba hadaad taariikhda dib ugu laabato Gen Morgen wuxuu ahaa
hogaamiye kooxeedka ugu mintidsan qaran dumiye yaasha adigoon meel dheer
kadoonin miraha dagaalka qabyaaladeed waxaad ku quusataan in Gen Morgen
uu Xamar nabad kujoogo markaas waxaad sooxasuusanee wixii wiil
soomaaliyeed asagoo isku laaban goob dagaal looga dhaqaaqay ee waraabuhu
cunay hadaba maah maa ayaa eheed (Dagaal sokeeye duudkaaga soo duw ayaa
u danbaysa) micneheedu waa walaal bal itus sidee wax kuu gaareen. Blieve
or not balse waxa Soomaaliya kasocdaa waa riwaayad wayna dhamaandoontaa
ee hadaba ficil iyo qawl aad samayso inta mixnadaan lugujiro haka
shalaynin markii riwaayadaani dhamaato adigoo walaalkaa dilay oo
xoolihiisii dhacay oo gacmahaaga dhiig walaakaa kadaadanayo ayaa ilaah
lugu hor gaynayaa Somaliduna sidii hor loogu sheegaba waa gacan
kudhiigle afku dhiigle jeeb kudhiigle qalin kudhiigle iyo qalbi
kudhiigle waayo aad ayuu uyaryahay qof kabadbaaday in uu uguyaraan
qalbiga kataageero qolo kamida kuwii islaynayey, ilaahay waxaan
waydiisanayaa in uu denbigeenna dhaafo inkastoo aan wax badan oo xumaana
suubinnay naxariista ilaahay way kawaasac santahay caradiisa, ilaahay
waxaan kabaryeynaa in uu isheena ugu raaxeeyo in aan aragno Soomaaliya
oo nabada oo cadaalad lugu maamulo.
Wabillahi Tawfiiq
By Cabdullahi Cabdi Faarax
(Sujuud)
Sujuud2004@hotmail.com
Fariinta uu wato qoraalka sare waxuu u gaar
yahay qoraha uu magaciisa kor ku qoran yahay.
allgedo@allgedo.com
|
|
