Aqrista yaal, Shabakada warbaahinta Allgedo waxaa la aas aasay 23 april 2004 iyadoo maanta sanad jirsatay.  Hadaba inta ay jirtay allgedo waxay dadwaynaha Soomaaliyeed ka xaqab tirtay dhinacyo badan oo muhiim ah sida iyadoo u soo gudbisay wararkii ugu danbeeyay ee Soomaaliya iyo guud ahaanba caalamka.  Allgedo waxay idin tix gelisay fikradihiina anagoo qof kasta fikirkiisa ku soo bandhignay bogga ra'yiga dadweynaha ee Allgedo. 

Akhristeyaal, ma'ahan wax qabadka allgedo mid lagu soo koobi karo hal warbixin oo qura balse dhanka kale waxaan oran karnaa in wax qabadka allgedo uusan ku koobneen in ay dadka war un u soo gudbiso basle waxay wareysiyo la yeelatay masuuliyiin kala duwan ee Soomaaliyeed, kuwaas oo aan ka wareysanay xaalada iyo marxalada ay ku jirto Soomaaliya iyo sidii dhibka looga bixi lahaa .

Masuuliyiinta ay mudada ay jirtay allgedo ay wareesatay lama soo koobi karo balse waxaan ka xusi karnaa: Wasiirka Hanti dhawrka Qaranka Mudane Maxamuud Sayid Aadan, Mudane Maxamuud Nuur Wardheere - Musharaxii Hore ee Duqa Minneapolis, Guddoomiyaha Dooxada Jubba - Col. Bare Aden Shire, Col Cabdi Cigaal, Guddoomiyaha Golaha la magac baxay (Golaha Nabadgelyada iyo Mmidnimada Qaranka- Mudane Jaamac Aadan Dheere), Xoghayaha Guud ee Dhaqdhaqaaqa Nabadda Soomaaliyeed C/casiis Cali Ibrahim "Xildhiban", Guddoomiyaha Ururka Midowga Gobolka Gedo (United Gedo Peopl's Council) - Mudane Cali Malaaq Axmed, Guddoomiyaha Degmada Luuq - Mudane Canjeex Buule Great, Guddoomiyaha Ururka horumarinta haweenka IIDA ee xaruntiisu tahay Magaallada Marka - Marwo Xaliimo Cabdi Caruush, Mudane Hilowle Aden Maxamuud, Col. Faarax Cabdi Xashara, Gudoomiye ku xigeenka SNF/SRRC - Col Baale Ibraahin Cabdi iyo masuuliyiin kala duwan oo kale oo aanan halkaan lagu soo koobi karin.

Inta ay jirtay allgedo waxay soo bandhigtay fikradaha dadwaynaha kuwaas oo ay tixgelin gaar ah siinaysay, maxaa yeelay waxaan ognahay in meeshii uu insaanku awoodi karo in ay si xornimo leh figradahooda u dhiiban karaanba in ay ka horumar fiican tahay meel kasta oo aanay dadku awoodi karin in ay figradahooda si xornimo leh u cabiraan.

Ugu danbeyntii, akhristeyaal, anoo ka faa'iideysanaya munaasabaan sanad guurada koobaad ee kasoo wareegatay maalintii allgedo la aas-aasay oo maanta ku beegan ayaan waxaan hadalkeyga kusoo gunaanadayaa "HAMBALYO, HAMBALYO MEEL AAD JOOGTAANBA WALAALEYAAL."

Waxaan kale oo aan si guud ugu salaamayaa umadda Soomaaliyeed, gaar ahaana waxaan halkaan  ugu salaamayaa dhamaan wariye-yaasha Allgedo iyo akhriste-yaasha Allgedo Online oo dhan.