Waxan filayaa in Jawhar lagu beecinayo Dalka Soomaaliyeed!!!!

By Abdi Warsame
abdiwarsame2000@yahoo.com

Waxaa naloo saaray sheeko halalaasi ah oo la leeyahay dawladdii baa is khilaafsan oo isku mari la' meelihii ay caga dhigan lahayd iyo keenidda ciidan shisheeye.

Sida aan la soconno labadii nin ee ugu sarraysay dawlad ku sheeggan waxa ay ku sugan yihiin magaala madaxda gobolka Shabeelaha Dhexe ee Jawhar. Tan iyo intii ay yimaadeen madaxweynaha iyo wasiirka koowaadba magaalada Jawhar waxaa ku soo qulqulayey wufuud ka kala socota adduunweynaha. Hay'ado caalami ah ayaa si isdaba joog ah u yimaada magaalada. Shirar qarsoodi ah ayey la yeeshaan inta dawladda wakiilka ka ah ee ku sugan magaaladaas ayagoo weliba og in degidda Jawhar ay dawladdu isku khilaafsan tahay oo Muqdishu qaarkii kale ku sugan yahay. Hay'adaha qaar baa shir jaraa'id ku sheega ujeeddada safarkooda inkasta oo oraah Soomaaliyeed ahayd "Sir gaal lagama sal gaaro"

Waaya dambe ayaad maqli doontaan xaqiiqdeeda balse hordhacu waxaa weeye Soomaaliya waxay ku qalan tahay Jawhar, waxa ku soo qulqulaya Jawharna waa dallaalley iyo kuwii la wareegi lahaa waddanka. Labada nin ee ku sugan Jawhar Soomaali dhib ka saari maayaan ee waa nooca dadka reer galbeedka ku sugan u yaqaanaan "SOLD OUT"

Mid Soomaali ah baa oggolaaday in lagu aaso NUKE WASTE ee maxaad mooddaa Cabdullaahi iyo Geeddi oo aan Soomaaliba ahayn. Maxamed Dheere waxay u sheegeen in ay doon wada saaran yihiin oo meel uu uga haraaba aanay jirin. Dawladda Talyaaniga oo hadda Jawhar hor boodaysa in la dago bal Soomaaliyey wax ka dhaha!

IGAD iyo AU ayaan miiska u saaran nahay. Waxaa cay iyo aflagaaddo nagu ah in Ciidanka Xoogga Dalka Soomaaliyeed la yiraahdo waxaa tababarro u fidinaya dawladda Ethiopia iyo weliba kuwa kale. Tababarkaas waxaa u baahan Kornayl Cabdullaahi Yuusuf Axmed. Waxaa u baahan in la xuso hay'adaha caalamiga ah oo Jawhar ku soo qulqulaya in aysan khilaafka sii kordhin ee ay dhexdhexaad ka noqdaan xal haddaysan heli karinna ka gaabsadaan.

Dawladdani dhibka ugu yar ee ay u gaysatay ummadda Soomaaliyeed waa tan ay ka suubisay gobollada Hiiraan, Bakool iyo meelo kale oo ka mid ah dhulka Soomaaliyeed. Madaxweynahan iyo wasiirkiisu intay boorsooyin waaweyn (water proof) ku soo baryootameen ayey dadka ku kala laaluushayaan gobol walbana rabaan in ay dadkiisa iska hor keenaan illeen caqli iyo cilmi kuma kasban karaane.


Warsame's English articles:-

  1.  Absolutism for Colonel Abdullahi Yusuf is acknowledged
 2.  Who controls Bakool Region and what caused Colonel Shatigudud, the Agriculture Minister, to change his political position?
 3.  Does a country without recognized government really need e-Passport and e-Authentication



Fariinta uu wato qoraalka sare waxay gaar u tahay qoraha uu magaciisa kor ku qoran yahay.



allgedo@allgedo.com
 

All Gedo Online © 2004 - All Rights Reserved.
contact us at: webmaster@allgedo.com