Salaan iga guddooma dhamaan akhristeyaasha Allgedo:  Waxaan dhawaan ka akhriyay webka Gedonet, in ay soo daaysay war sheegaya in Gudoomiye gobal loo magacaabay gobalka Gedo. Waxaayna waliba magacaawday ruuxa loo magacaabay jagadaas, waa Xuseen Fareey.
 

Su'aasha aan is weeydiiyay ayaa waxay tahay:
Yaa magacaabay ruuxan?
Jawaabta aan isa siiyay: Dowlada ku meel gaarka ah.
Dhibka aay arintan keeni doonta: isku dhac iyo dhibaato hor leh oo u timaado beesha SADE. Sababtuna waa: Shirkii hada lagu heshii siinayay reer sade qaarkiis waxaa loo la jeeday in aan dhibkale iyo dagaal danbe reeruhu ka dhex qarxin bulshadana la nabadeeyo. Hadii arintu sidaas dhabteedu ahaayd, markii maamul la sameeynayana waa in sidaas oo kale loo shiraa, reer sade oo dhana aay doortaan cidii maamul u qaban lahaayd, ayadoo la kala qoranayo sida wax loo maa mulayo, laguna dhisayo habka awood qaaybsiga ku dhisan.
 

Waxaan mar walbaba habooneen in qof ama lababa loo maga caabo jogo beesha ka dhexeeysa, waa hadii nabad laga doonayo arintaas ayada ahi.

Sida aay soo xigatay warka ka soo yeeray Gedonet, magacaabista gudoomiyaha Gobalka Gedo, ma aha mid ka timid ama aay u dhanyihiin beelaha SADE, ee waa mid laba arimood mid kood ka timid:
 

1. In lagu kala dilo beelaha SADE, oo owalba is uur cunay

2. In aay aqooni meesha dhaafin weeyday, oo fakarka ruuxa ama kooxda qortay warka ay ku eg tahay arinta.
 

Mid walba oo ka mid ah labadaas qodobba, beesha SADE dani uguma jirto, waana u aragti gaabi hadii aay ka hadli waayaan wararka sidaas oo kale loogu kala fogeeynaya beesha, Waa moqoorad xumi ka timid wax magaratada ka dhalatay beesha, waana in aay taliso maskaxda fiyoow ee toosinkarta dadka kala fogaaday ee walaalaha ah.
 

Tani ma aha tii ugu horeeysay ee dhacda ee la iis magacaabo, ama iidheh la iis yiraahdo. Beeshu waa u simantahay dhib iyo dheefba, wax aan beesha oo dhan go,aan sanina beesha laguma maamuli karo, hadii la yeelana fashil aan qurxooneen ayaa ka imanaya.
 

Xuseen Fareey, haduu saaxibo ku leeyahay meelo badan, sida doowlada ku meel gaarka ah, dibada, iyo qaraabo hoose oo u hoowlgasha magacaabistiisa, waa in aay ka soo dhaadhiciyaan beesha SADE, doorashana uu uga guuleeysto musharixiin badan oo beelaha kale ee beesha DADE aay soo sharax deen. Isaguna waa in aay beeshiisu soo sharaxdo.
 

Markii Shir loo dhan yahay, lagu doorto, waxaa u suurtoobaya in uu hoowsha loo dhiibay guto, hadii kale waa af ka dheh, dhadhanna ma yeelaneeyso.

Sida uu qof ku qaban karo jaga sidaas oo kale beesha wax tar u leh, waa in aay beeshu tartan siisaa RAG iyo DUMAR tiro ah, oo mid walba la eego wax qabadka uu u hayo beesha iyo inta aqoontiisa gaarsiisantahay. Ka dib, markii la tartansiiyo tiradaas dadka maamul doonka ah ee ka lala yimid beelaha SADE, ayaay beeshu aqbaleeysaa ruuxa ugu dhaw buuxinta doonitaanka beesha. Ruuxaas ayaana meesha loo maga caabayaa:Waa jago kasta oo u dhexeeysa beesha SADE.
 

Sida beeshu u gudoonsaneeyso cida xuleeysa, ama kala saareeysa tartama yaasha, waa in aay ku dhisnaato habka awood qeeybsiga beesha SADE. Ma fiicna in hal beel hooseed ama beelo isku dhawdhaw kaligood aay dhinac ula leexdaan hoowshaas beesha oo dhan leedahay.
 

Tusaale:
 

Tartama-yaasha waxay ka imankaraan beelaha:
 

 1. Uurmidig

 2. Reer Abkeey Xasan

 3. Wagar Dhac

 4. Raadamiir

 5. Talxe

 6. Hoowraarsame,  iyo sida kale ee ay hadba isu raaci karaan.  Hadii lasii kala qaad-qaado lafteeda dhib ma leh, waa arin ay gudoonsan karaan dadka hoowsha doorashada sameeynaya, ama odayaasha dhaqanka iyo dhalshada beesha aad u yaqaan.
 

Gebo gebo:
 

Aniga warkeeyga waa iga tusmeeyn: ma jiro cid dooran karta ama maga caabi karta maamul umadi aay wada leedahay. ma jirto beel beel ka xoog roon oo afduubi karta waxa aay xaqa u leedahay, taasna waxaa tusaale ugu filan, 14kii sano ee doowlad la aanta.
 

Hal beel hoose Gedo ma xukumeeysa, hadii ay isku daydana waa khasaare u timid beesha sade oo dhan. Waa in laga dig toonaado talaabooyinka noocaas oo kale ah.
 

Qofkii u baahan in uu igala hadlo arrintaan, diyaar baan u ahay ee fadlan taladaada ama wixii su'aal ah ee aad ka qabto qoraalkaan iigu soo aadi email address-keyga oo ah: asanturams@hotmail.com
 

Wabilaahi toowfiiq.

 

Cabdirashiid M. Santur


Fariinta uu wato qoraalka sare waxay gaar u tahay qoraha uu magaciisa sare ku qoran yahay.