|
|
|
Waa warbixin la xariirta magaalada Caabudwaaq iyo
muuqaalo masawiro cusub oo maanta laga soo diray
Caabudwaaq |
|
June 5, 2004
Magaalada Caabudwaaq waa magaalo facweyn oo ka tirsan Gobolka
Galgaduud, xuduudna la leh Dalka Ethiopia. Markii aad eegto
isbar-bardhigga dhinacyada horumarineed ee ay magaaladu ku talaabsatay
mudadii dhowr iyo tobanka sano aheyd ee ay Soomaaliya dowlad la'aanta
aheyd, waxaa la dhihi karaa magaalada waxyaabo badan iskama bedelin sida
dhinacyada: Iskuulada iyo horumarka kale ee ijtimaaciga ah.
Haddana sidaas oo ay tahay, magaaladu halkeedii hore ma joogto oo waxaad
arki kartaa in ay jiraan waxoogaa isbedelo dhinacyada dhismaha,
ganacsiga yar-yar, isgaarsiinta iyo shirkadaha gaarka ah ee ka howl gala
magaaladaas Caabudwaaq oo ayagu kusoo badanaya mudooyinkaan danbe.
Magaaladu waxay ku taalaa sidaan horayba usoo sheegnay xuduuda Somaliya
iyo Ethiopia, waxayna ganacsi la leedahay Gudaha Ethiopia sida: Wardheer,
wal-waal, Dhaqayaboor, Qaloocan, Ceel-dheer, magaalooyin ku yaala
waqooyiga Soomaaliya, Waqooyi Bari Soomaaliya, Gobolada dhexe, Hiiraan
iyo Muqdisho. Dhinaca kaliya ee la oran karo magaalada Caabudwaaq
way kaga danbeysaa magaalooyinka kale ayaa ah ayada oo aanay u hagar
bixin maalqabeenadii iyo aqoonyahanadii u dhashay deegaankaas, kuwaas oo
inta badan ku sugan dibadaha iyo koofurta Soomaaliya. Waxaa
xaqiiqo ah, haddii ay maalqabeenada iyo aqoonyahanada u dhashay
deegaankaas ay ama dib ugu soo laaban lahaayeen ama maal gashan lahaayen
dhulkaas, in maanta laga dareemi lahaa Caabudwaaq iyo deegaanada ku dhow
oo dhan horumar lixaad leh oo aan waxba ka hooseynin kuwa Soomaaliya ee
kale ee maanta la oran karo horumar bay gaareen.
Ugu danbeyntii, bal si dadkii ay mudada dheer ugu danbeysay magaalada
Caabudwaaq iyo kuwa aan weligood arkinba ugu kuurgalaan magaaladaas
Caabudwaaq iyo dhaq-dhaqaaqyada horumarineed ee ka socda, waxaan halkan
idinkugu soo gudbineynaa masawiro dhowr ah oo dhamaantood laga soo
qaaday Magaalada Caabudwaaq.
Masawirada Caabudwaaq laga soo qaaday si aad u aragto [Riix
halkan]
Siciid
Maxamed Cali (Qodax)
Caabudwaaq, Soomaaliya
sqodax10@hotmail.com
allgedo@allgedo.com
|
|
