|
(Allgedo News) -
Guddoomiyaha
Ururka SOMALI ASSOCIATIONS OF
ARIZONA,
Dr. C/xakim
Axmed C. Cisman ayaa waxaa
uu Jimcihii aan soo dhaafnay oo
ay taariikhdu aheyd February 9,
2007
soo saaray qoraal
uu kaga war bixinayay ujeedada
loo aas-aasay Ururka SAA, wax
qabadka Ururkaas, bogaadin iyo
hambalyo uu u jeediyay
dhalinyarada ku howlan arrimaha
Isboortiga iyo guddiga cusub ee
Isbortiga ee dhawaan la
magacaabay, isagoo isla markaana
balan qaaday in uu maamulka SAA
la shaqeyn doono guddigaas oo ka
kooban shan xubnood oo kala ah:-
1. C/Naasir Guuleed
2. Cabdicasiis Cabdi
3. Maxamed Khalif
4. Cabdi Sheikh (Qeys)
5. Aden Idiris (Mahad)
Warqadda kasoo baxday
xafiiska Guddoomiyaha oo loo
qeybiyay jaaliyadda Soomaaliyeed
ee reer Arizona, gaar ahaan kuwa
reer Phoenix ayaa u qorneyd sida
soo socota:-
UJEEDADA URURKA SAA
Ujeedada loo dhisay SAA waxay
aheyd; kor u qaadidda hab
nololeedka jaaliyadda
Soomaaliyeed ee degan Arizona
sida: Waxbarashada,
Caafimaadka, dhaqaalaha iwm,
isla markaana waxaa loogu
talagalay in uu Ururku ku
shaqeeyo habka ugu wanaagsan ee
loola dhaqmi lahaa mushtamaca
Mareykanka ee sida sharafta leh
noogu soo dhaweeyay wadankooda.
Sidoo kale, ujeedooyinkii
Ururka loo aas-aasay waxaa ka
mid ahaa in uu ka hortago wax
kasta oo keeni kara dhibaato
sida kala qeybinta jaaliyadda
ama abuuri karaba qas iyo
jahawareer bulshada Soomaaliyeed
ee reer Arizona dhexdeeda ah.
Dhanka kalena, si loo helo
wadajir iyo midnimo guud ee
jaaliyadda dhexdeeda ah, Ururka
SAA waxuu mar kasta diyaar u
yahay isu soo dumidda iyo wax ka
qabashada baahida guud ee
hortaala Ururka oo aan hubno in
aanay aheyn mid sahlan, balse
aan aaminsan nahay haddii aan
dadaal iyo samir badan la
imaadno, Ilaahna uu nagu garab
galo in aan ka gudbi doono dhib
kasta oo naga hor yimaada.
WAXQABADKA URURKA
Ururku
wuxuu had iyo jeer u taagan
yahay wax ka qabashada baahida
guud ee jaaliyadda sida:
Waxbarashada, xalinta
khillafyada bulshada dhexdeeda
ah, ku wacyi gelinta bulshada
sidii wax loola qabsan lahaa
bulshooyinka kala duwan ee aan
ku dhex nool nahay, ku
baraarujinta jaaliyadda
muhiimadda ay leedahay midnimada
iyo sugidda nabad ku wada
noolaashaha, u gar-gaaridda kuwa
tabarta daran ama xanuunsan,
shaqo geynta, wax ka qabashada
baahida dhanka howlaha socdaalka
(Immigration
cases)
iyo waliba kuwa la xariira
dacwadaha maxkamadaha oo isugu
jiri kara kuwo fudud yo kuwo
adagba.
CODSI
Waxaan ka codsaneynaa dhamaan
wax garadka jaaliyadda
Soomaaliyeed ee reer Arizona in
ay Ururka usoo gudbiyaan wixii
toosin ama talo bixin ah ee ay
isleeyihiin waa loo baahan yahay
in wax qabadka Ururka lagu daro.
Sidoo kalena, Ururka SAA waxuu
gacmo diiran kusoo dhaweynayaa
cidii rabta in ay howlaha
balaaran ee jaaliyadda loo hayo
uga qeyb qaadato waqti iyo aqoon
ahaanba (time and knowledge
wise support.)
OGEYSIIS
Waxaan
ogeysiineynaa dhamaan
waalidiinta Jaaliyadda
Soomaaliyeed ee reer Arizona,
gaar ahaan kuwa ku nool Phoenix
iyo hareeraheeda in ay kasoo
qeyb galaan shir looga hadlayo
kor u qaadista tacliinta
dhalaanka oo lagu qaban doono:
Roosevelt Plaza 945 N. 40th
Street
Phoenix, Az, 85008, qolka
shirarka
Maalinta: Feb. 24, 2007
Saacadda: 11:00 am
Wareysi ay Allgedo horay ula
yeelatay Dr. Cabdixakim Axmed
 Riix
(Wareysi)
Allgedo News Media Network
allgedo@allgedo.com
|
