War meeye xildhibaanadii beesha.......?


Marka hore waxaan salaamayaa dhammaan bahda webka iyo aqristayaashaba, intaa markaan ka gudbo waxaan rabaa inaan fikirkayga ka diibto meesha ay ku danbeeyeen xildhibaanadii beesha SADE anagoo og meesha uu dalku marayo iyo marxaladda adag ee
lagu jiro iyadoo wiliba intoodii badnayd noqdoy kuwa aan waxba ku lahayn xaaladda taagan.

Hadaba anigoo aan qofna si gaar ah wax uga sheegaynin bal aan tilmaamo sababaha keenay arinkaas muragada leh, waxaan ka warqabnaa in nimankan  badidoodu ay ku yimaadeen hab beeleed oo xirfad iyo aqoonna midna aan lagu soo xulan taasna ay keentey inay ku wareeraan isbadalada siyaasadeed ee dalka ka dhacaya iyo iyagoo
intooda badani ay haysato baahi dhaqaalo  oo meeshii ay madaxda dowladda kala xaajoon lahaayeen baahida beesha ay  waydiistaan arimo shaqsiyadeed taasoo sumcadoodii dishay loona arkay dad baaba' ah,waxaa la ii sheegay  qaar ka mid ah xildhibaanada beesha inay  la kulmeen C/laahi yuusuf ka dibna uu waydiiyey qorshaha ay ugu yimaadeen  isagoo ka sugayey bal inay la yimaadaan waxqabad ay beeshu doonaysay ninkii ugu horeeyey oo hadlo ayaa yiri madaxwayne waxaan rabaa inaad ii gaddo booyad kii kuxigayna yiri gaari la'aan ayaan ahay.

Hadii xildhibaanadii sidaa noqdeen tafaraaruqa beesha haysto  wuxu uu  keenayaa in beeshu waydo dhammaan wixii xuquuq ahaa oo ay lahayd ugu danbayna ku soo uruurto dhowr degmo oo ka tirsan gobalka gedo hadaba maxaa xal ah?
 
Waxaan soo jeedinayaa dhowr qodob:-

 1- In beel kasta ay bedesho xildhibaankeeda kuna bedesho xof u qalmo xilkaas.
 2- In beeshu qabato shirweyna dib-uheshiisiin oo deg deg ah.