Phoenix, Arizona (Allgedo News) - Mudane Daahir Mire Jibriil oo ah Xoghayaha Joogtada ah ee Iskaashiga Caalamiga ah ee dowladda KMG ah ayaa shalay oo ay taariikhdu aheyd February 3, 2007 booqasho ku yimid magaalada Phoenix, Arizona ee dalka USA.

Mudanaha oo horay usoo maray gobolo kale oo USA ka tirsan ayaa shalay markii ay diyaaraddii siday soo caga dhigatay Sky Harbor International Airport waxaa ka hor tagay oo gacmo diiran kusoo dhaweeyay qaar ka tirsan jaaliyadda Soomaaliyeed ee reer Phoenix oo isugu jiray rag iyo dumarba.

Mudane Jibriil oo si weyn uga maqsuud noqday sidii diiraneyd ee loogu soo dhaweeyay gegida diyaaradaha ee Sky Harbor ayaa dabadeedna waxaa loo soo dhaadhiciyay Hotel Crown Plaza oo ka mid ah Hoteelada waa weyn ee ku yaala Phoenix.

Isla shalay galab, abaaririhii 3:00 PM waqtiga Phoenix ayaa waxuu mudahana kala qeyb galay xaflad balaaran oo soo dhaweyn aheyd oo ay jaaliyadda Soomaaliyeed ee reer Phoenix ku qabteen Hotel Marriot Inn.

Xafladaan oo aheyd mis si weyn loo soo agaasimay ayaa waxaa ka hadlay mas'uuliyiin ka tirsanaa jaaliyadda Soomaaliyeed, ayadoo ugu danbeyntiina makroofanka lagu wareejiyay mudane Daahir Mire Jibriil. 

Mas'uulkan oo ah kii ugu horeeyay ee ilaa iyo intii ay maamulka dalka Soomaaliyeed qabatay dowladda KMG ah yimaado Phoenix, ayaa waxuu si weyn uga war bixiyay wax qabadka dowladda KMG ah ee dhinacyada sugidda amaanka iyo kan xiriirka caalamiga ah oo sida uu sheegay ay dowladda guulo la taaban karo oo wax ku ool ah kasoo hoysay.

Kaddib markii uu mudane Daahir Mire Jibriil war bixintiisii dhameystay ayaa waxay dadweynihii halkaas isugu yimid weydiiyeen su'aalo dhowr ah oo uu dhamaantood si hufan uga jawaabay.

Sidoo kale, markii ay dhamaatay xafladdii lagu soo dhaweynayay mudane Jibriil ayaa waxaa uu si gaar ah ula kulmay qaar ka tirsan jaaliyadda Soomaaliyeed oo isugu jiray ganacsato, aqoon yahano, odayaal iyo wax garad kale oo ka tirsan jaaliyaddii shirkaas kasoo qeyb gashay.

Mr. Jibril, waxyaabaha uu sida gaarka ah ugula dar-daarmay jaaliyadda Soomaaliyeed ee reer Phoenix waxaa ka mid ahaa:-

   In uu dhamaaday dagaalkii sokeeye ee dalka ka jiray 16-kii sanno ee la soo dhaafay, sidaas awgeedna looga baahan yahay in ay dalka dib ugu soo  noqdaan.

   In laga qeyb qaato maal galinta dalka cid walibana ay dib ugu maal galiso goboladii ay ka yimaadeen. 

   In ay ka fogaadaan wararka lagu soo qoro internetka oo inta badan ka dheer xaqiiqda ka jirta dalka.

   In laga qeyb qaato dib u dhiska degmooyinka iyo gobolada. 

   In mar waliba lala xisaabtami karo hogaamiyayaasha dalka iyo

   In dalkii dib loogu soo noqdo.
 

Xubnihii shalay ka soo qeyb-galay shirkaas waxaa ka mid ahaa milkiilayaasha amase aas-aasayaashii shirkadaha ama Ururada hoos ku xusan:-

Somali Associations of Arizona
Arizona Immigration & Translation Services
Minnehaha Food Market, Inc  
Somali Yellow Pages, Inc
Wamo Transportation Inc.   
Wamo Group
Tawakal Halal Market-Minnesota    
N & B Auto – Minnesota
Salam Restaurant                                                             
Cafe Nazionale
Phoenix Orange Taxi & Limo Transportation Inc. 
EDUGSI
Eastern Television Network-Somalia
Ready Cab
Blue & White  
Somali Info-Line –UK


Wareysi gaar ah oo ay allgedo la  yeelatay mudane Dahir Mire Jibril halkan ka dhageyso

 

Allgedo News Media Network
allgedo@allgedo.com


 

                            Allgedo  Online © 2006 - All Rights Reserved.                        
 Contact us at: allgedo@allgedo.com