Ku: Wasaarada Arimaha Gudaha DKMG ah ee Sooaaliya
Ku: Hay'adda UNDP/OPS
Ku: Xubnaha labada Gole ee DKMG ah ee Beesha SADE
Og: Waxagaradka Beesha Sade ee Gobolka Gedo

Ujeeddo: Soo gudbin Go'aan ka soo baxay Beesha Xasan Gaashireedle ee Degmada Baardheere kuna saabsan howlaha Maamul u sameynta Degmada baardheere.

Ka dib markii Beesha Xasan Gaashireedle ay yeesheen kulamo ku saabsan xaaladaha guud ee Gobolka uu marayo, gaar ahaan arimaha ku saabsan dhismaha maamul u sameynta Deg. Baardheere oo ay marin habaabinayaan shaqsiyaad dano gaar ah wataoo diidan in si siman waxloo qeybsado waxii Beesha SADE kaga soo aadey Xubnahii la qeybsadey, kuwaasi oo qaar ka mid ah ay wataan wax aan marnaba la aqbali karin ayaa kulamadaasi joogtada ah kaddib waxaan soo saarney go'aanadan hoos ku xusan:-

 1-  Beesha Xasan Gaashireedle waxay soo dhaweyneysaa maamul uu yeesho Gobolka Gedo, gaar ahaan degmada Baardheere oo ku yimaada rabitaanka bulshada ku dhaqan degmadan, taasi oo lagu saleynayo nidaamkii awood qeybsiga xaga beelaha ee Sanadkii 1994tii lagu dhisey Golahii Degmada Baardheere oo beelahuna ay ku heshiiyeen ayna UNOSOM goobjoog ka ahayd.

 2-  Inaan marnaba lagu deg-degin nidaamka hadda ay wadaan kooxda gaarka ah oo la doonayo in lagu sameeyo Maamulka degmada Baardheere, kaasi oo aanay dadku raali ka ahayn.

 3-  Beesha marnaba ma qabali doonto waxii ka baxsan nidaamka oo ay ku kacaan shaqsiyaad caadeystey boobka ah waxa bulshada u dhaxeeya.  Sidaas daraadeed, waxaanu ka digaynaa isku dayada noocaasi oo kale ah ee aanan loo dhameyn, maadama nidaamka hadda waxa lagu dhisayo uu yahay nidaam dib u heshiisiineed.

Talo bixin: Waxaan ku talo bixinaynaa in dib loo soo celiyo Gudigii 23-ka xubnood ahaa oo Beesha SADE ay u dooratey in Beelaha ay wax u qeybiyaan, haddii qorshaha cadaalada ah aanan lagu saleyn habka loo dhisayo maamulka, waxaa dhici karta inuu fashil ku yimaado; waxaana mas'uuliyadaasi dhabarka saaran doona raga shaqsiyaadka ah ee hadda garwadeenka ka ah howsha oo Bulshada Baardheere ayan u dooran.

Odayaasha Degmada Baardheere ee go'aanka soo saarey:-

 1-  Nabadoon - Cabdi Salaad Dugow
 2-  Naadoon - Ismaaciil Cumar Macalin (Afweyne)
 3-  Naadoon - Axmed Aden Axmed (Dhegacade)
 4-  Nabadoon - Billow Cabdi Xaad
 5-  Aden Cabdi Kaliil (Aden Rooble)
 6-  Maxamed Sheekh Cali Nuur
 7-  Muxumed Cabdi Abayle
 8-  Muxumed Ismaaciil Xaaji
 9-  Macalin Aden Dhiire
10- Axmed Maxamed Madaxey
11- Da'uud Aden Garuun
12- Xasan Maxamed Cabdile (Qaldaan)
13- Sheekh Maxamed Uur Maxamed

Qoraalkan waxaa Allgedo soo gaarsiiyey Gudoomiye ku xigeenka Golaha Odayaasha Degmada Baardheere - Axmed Aden Axmed (Dhegacade) - kala Xariir cmc786@hotmail.com.
 


Allgedo News Media Network
allgedo@allgedo.com