Allgedo, News, Jimce, July 6, 2007

Si aad u aragto masawirada Isbitaalka guud ee Degmada Balanbale Riix MASAWIRO

Balanbale General Hospital

Balanbale, Somalia - Isbitaalkaan guud ee Degmada Balanbale oo ah kii ugu horey ee ay yeelato degmadu laga soobilaabo 1984 waqtigii Ethiopia ay qabsatay degmada halkaasna uu ku burburay Isbitaalkii guud ee Dowladii Allaha u Naxariistee Maxamed Siyaad Bare ay dhistay. Isbitaalkaanu cusub laguna magacaabo “Balanbale General Hospital” waa mid baaxadiisu weyntahay markii loofiiriyo Isbitaalada kuyaal Gobolka Galgaduud, wuxuuna ka kooban yahay sidatan hoos kucad: 6 qol oo waaweyn, 4 musqulood, 3 korodoor, barando, iyo barkad weyn ee biyaha lagu shubto. baaxadda dhulka Isbitaalku leeyahay waa: 100m by 80m.  

Dhismihiisa waxaa iska kaashaday:Shaqsiyaad dibadda iyo gudha kunool oo deegaanka u dhashay iyo Manhal". NGO local ah oo lagu magacaabo Almanhal. Qarashka ku baxay dhulka iyo dhismahaba waa qiyaastii:$30,000 oo dollar. Marka saddex lacagtaas loo qaybsho meel iyowaxyar shaqsiyaad deegaanka u dhashay oo dibadda iyo gudaha jooga ayaa baxshay, labo meelood oo waxyar dhimmanna waxaa baxshay NGO-GA Al Manhal. Isbitaalkaan guud ee degmada Balanbale waxaa lafuridoonaa muddo dhaw , halkaas oo ay diyaar ku noqondoonaa dhaqaatiir aad iyo aad khibrad dheer u lah noocyada bukaanada.

Waxaan Illahay ka rajeynaynaa Isbitaalkaan inuu Bulshada kunool Gobolka Galgaduud, Killiga 5aad iyo  iyo dhamaan gobolada ku heedsan degaanka inuu ka haqabtiridoono dhinaca daaweynta bukaanada iyo dhamaan adeega caafimaadka.   Balanbale Generaal Hospital wuxuu si xushmad badan ugu adeegidoonaa dhamaan cidii soo booqata. 

Cidii daneyneysa in ay mucaawino u fidiso Isbitaalkaan cusub ee Degmada Balanbale fadlan la soo xiriir  Caseyr D. Ashkir – caseyrfanaxeey@hotmail.com  ama Cabdiladif Cabdullahi Warsame -- aladif@yahoo.com 
 

Aser Ashkir, Seattle, WA.         


Allgedo News Media Network
allgedo@allgedo.com