Muqdisho, Somalia - Qaar ka mid Xaafadaha magaalada Muqdisho ayaa waxaa hawlgalo ka wada ciidamo Itoobiyaan ah, kuwaasi oo saaka gii waaberi ku kalahay xaafadaha Gubta, yaaqshid, Cali kamiin iyo qaybo kale oo ay ka mid yihiin Towfiiq, Ifka Xalan, Carafaat iyo goobo kale.

Hawlgalkan aya saaka ka wadaan xaafadaahaasi ciidamada Itoobiyaanka ayaa la sheegay inaanay ku wehelin ciidamo ka socda Dawlada Federaalka, waxaana ciidamadu ay gooyeen qaar ka mid ah wadooyinka isku xiri jirey xaafadahaasi, iyadoo hawlgalkan uu yahay mid guri guri ah loo baarayo.

Ma jiro wax iska horimaad ama iska caabin ah oo ay ciidamadani kala kulmeen hawlgalooda, iyadoo aysan jirin wax dad iyo gaadiid ah oo deegaanada hawlgalku ka socdo marata,waxaana istaagay gabi ahanba isusocodkii dadka iyo gaadiidka.

Howgalkan ay wadaan ciidamada Itoobiyaanka ee saaka ka socda qaybo ka mid ah xaafadaha magaalada Muqdisho ayaa wuxuu ku soo aadayaa iyadoo dhawaan Gudoomiyaha Gobolka Banaadir Max'ed Cumar Xabeeb (Max'ed Dheere) uu sheegay in galbeedka jidka warshadaha ay dhawaan ka fulin doonaan hawlgalo baaxad weyn, isagoo ku tilmaamay deegaanadaasi inay ku sugan yihiin wax uu ugu yeeray dad dambiilayaal ah, isla markaana la keeni doono sharciga.



Xafiiska Wararka Allgedo ee Muqdisho-Soomaaliya.




Allgedo News Media Network
allgedo@allgedo.com