Caabudwaaq, Somalia - Xulka kubada Cagta Degmada Caabudwaaq iyo xulka kubada cagta degmada Dhuusamareeb ayaa waxaa ay galabta ku wada ciyaareen garoonka weeyn ee Stadium Cabudwaq, ciyaar taas oo ahayd  ciyaar aad u xiisa badnayd waxaana ka soo qayb galay taageere-yaal aad u fara badan oo kala taageerayay labada xul ee labada degmo.

Waxaa kaloo ciyaartii galabta ka  soo qayb galay madax ka socotay mamulka labada degmo ee caabudwaaq & Dhuusamareeb waxaana madaxdaas ka mid ahaa Gudoomiyaha Degmada Dhuusamareeb  Gacal Cali Jabiin. & Gudoomiye ku xigeenka 2-aad ee Gobolka G/gaduud mudane C/qani warsame jaamac (Weeroow.)

Waxaa kaloo ka mid ahaa madaxdii kasoo qayb gashay daawadashada ciyaartii galabta Gudoomiyaha Ururka Dhalinyarada Caabudwaaq (SYO) Maxa’ed Max’ud  Naasir.
 
Ciyaartii galabta waxaa ay ahayd ciyaar aan la qiyaasi Karin xamaasadeeda waxaana ay ku bilaabatay jawi aad u dagan, labada kooxoodba waxaay soo bandhigeen ciyaar wanaagsan taasoo qancisay dhamaan taageerayaashii garoonka daawanayay qaybtii hore ee ciyaarta waxaa ay ku dhamaatay 0—0  ayadoo labada kooxoodna la dhihi karay waxaa ay ahaayeen is ku awood

Kaddib markii ay dhamaatay qeybtii hore ee ciyaarta, ayaa nusasaac kaddib waxaa la'isugu soo laabtay qeybtii labaad ee ciyaarta. Ciyaarta qeyabteeda labaad ayaa waxaa ay labada kooxoodba soo bandhigeen ciyaar aad u xiisa badan koox walbana waxaa ay is ku dayaysay in ay mar soo taabtan shabaqa kooxda kale, laakiin daqiiqadihii qaybtii 2-aad ee ciyaarta ayaa waxaa gabai ahaanba la wareegay Xulka Caabudwaaq ayagoo goolkoodii ugu horeeyay shabaqa Dhuusamareeb ku hubsaday Laacibka xulka degmada Caabudwaaq uga ciyaarayay qadka dhexe Samatar Hoohaar.

Daqiiqado kadib ayaa weeraryahanka xulka kubada cagta uga ciyaara safka hore ee Dhuusamareeb uu kooxdiisa u saxiixay Goolkii barbardhaca ciyaartooygaas oo lagu magacaabo  (Madoobe.)
 
Daqiiqadihi ugu danbeeyay ee ciyaarta ayaa waxaa garoonka lasoo gashay Xidiga Caanka ka ah Gobola G/gaduud  Xidigaas oo baalka uga Ciyaara Xulka Caabudwaaq Axmed Muxud faarax (Axmed Diyeeje), ciyaartiina isla markiiba wax weeyn ayuu ka badalay waxaana uu suurta gashay in laba banooni oo lugtiisa kabaxday lagu hubsado shabaqa
Ciyaartooyda Dhuusamareeb Axmed oo halkaa ku Noqday Laacibkii Ciyaatii Galabta 90. Ciyaarta ayaa daqiiqadii ugu danbeysay waxaa ay ku soo dhamaatay 3-1 ay ku badiyeen Xulka Degmada Caabudwaaq.

Ma ahan ciyaartii ugu horaysay ee labada xul ay wada ciyaaraan.  Saddex asbuuc ka hor ayaa waxaa ay ku wada ciyaareen degmada Dhuusamareeb,  waxaana ku badiyay ciyaartaas 3.0 Xulka kubada Caabudwaaq.


Zaynudiin, Caabudwaaq/Soamaaliya.

Allgedo News Media Network
allgedo@allgedo.com



 

                            Allgedo  Online © 2006 - All Rights Reserved.                        
 Contact us at: allgedo@allgedo.com