Laascaanood, Somalia - Hal qof oo Rayid ah ayaa ku geeriyoodey, labo kalena waa ay ku dhaawameen dibad baxyo balaaran oo shaley ka dhacay Magaalada laascaanood, waxaana uu ka dhashay kadib markii ciidamada Maamulka Somaliland ay isku dayeen in gudaha ay u soo galaan Magaalada si ay halkaasi uga qaadaan taayaro iyo wax yaabo kale oo la sheegay in wadooyinka dhexooda dad careysani ay dhigeen.

Banaanbaxaan oo ay sameeyeen Boqolaal dad ah oo ka soo horjeeda joogitaanka ciidamada Maamulka Somaliland ee ku sugan Magaalada Laascaanood ayaa waxaa uu ahaa mid rabshado iyo dhagaxtuur watay, waxaana la arkayey wadooyinka oo ay goynayaan kooxaha banaabaxa soo abaabuley.

Wararkii ugu dambeeyay ee naga soo gaaraya magaalada Laas Caanood ayaa waxa ay sheegayaan in xalay dadka degan magaaladaasi ay bilaabeen in ay xiraan wadooyinka laamiga ah. Xiritaankani ayaa ka dambeeyay kaddib markii shalay ciidamada Militariga Somaliland ay ka qaadeen wadooyinka dhagxaan iyo gaadiid burbursan, waxaana ciidamadaasi ay baxeen xalay fiidkii markii ay rideen rasaas aan sidaasi u badneyn.

Allgedo-News




Allgedo News Media Network
allgedo@allgedo.com