Wasiiru Dowlaha Arrimaha Gudaha DKMG ee Somaliya, Maxamuud Sayid Aden

G/haarey, Somalia - Wasiiru Dowlaha Arimaha Gudaha DKMG ee Soomaaliya Maxamuud Sayid Aden iyo mas'uuliyiin sare oo ka tirsan Wasaarada Arimaha Gudaha ee DFKMG ayaa maqribnimadii shaley waxa ay gaareen Degmada Garbahaarey ee Xarunta Gobolka Gedo, iyadoo halkaasina ay ku soo dhaweeyeen Mas'uuliyiin ka tirsan maamulka degmada Garbahaarey.

Wasiiru Dowlaha Arimaha Gudaha ayaa socdaalkiisa shaqo waxaa ku weheliya Xoghayaha Joogtada ah ee Wasaarada Arimaha Gudaha Xuseen Xaashi Cali iyo Xubno kale oo ka tirsan waaxyaha Wasaarada Arimaha Gudaha. Maxamauud Sayid Aden oo xaley u waramayey Saxaafada ayaa socdaalka shaqo ee isaga iyo wafdigiisa ay ku yimaadeen Degmada Garahaarey waxaa uu ku tilmaamay inay la xariirto dardargelinta howlaha maamul u sameynta Degmooyinka Gobolka Gedo iyo sidii bulshada Gobolka Gedo looga saacidi lahaa inay dhistaan Hay'adahii ku shaqada lahaa arimaha nabadgelyada, isagoo sheegay in sida ugu dhaqsaha badana loo sameyn doono maalamaha soo socda maamuladii heer degmo iyo mid Gobol, islamarkaana booqasho shaqo uu ku mari doono degmooyinka Gobolka.

Wasiiru Dowlaha iyo Wafdigisa ayaa lagu wadaa in maanta ay kulamo kala duwan la yeeshaan Maamulka Degmada Garbahaarey iyo Odoyaasha dhaqanka Beelaha, iyadoo la sheegay in inta badan kulamadaasina diirada lagu saari doono sidii degmada G/haarey maamul cusub loogu sameyn lahaa.


A C Saalixi, B/Dheere-Somalia.




Allgedo News Media Network
allgedo@allgedo.com



 

                            Allgedo  Online © 2006 - All Rights Reserved.                        
 Contact us at: allgedo@allgedo.com