Marka hore waxaan mahad gaar ah u celinayaa dhamaan saaxiibada allgedo gaar ahaan howl wadeenadiisa oo wax badan dadka u huray,waxaana lee yahay ha noqda sanadka cusub mid nabad sita aamiin,hadii aan u soo noqdo maqaalkayga oo aan cinwaan uga dhigay ma dadka ayaa dagaalsan mise dagaal oogayaasha?

Waa su'aal jaawaabteeda ay fudud tahay waa hadii runta laga sheegayo,maxaa yeelay dadka soomalida waa dad ay ka dhaxayso walaalnimo diineed,mid rixin, darisnimo luuqad iyo dhaqan  marka ma jirto sabab ay uga dhamaanwayso colaad aan ujeedo lahayn,waxa had iyo  jeer colaada uga dhamaan la'dahay waa dagaal oogayaasha dhiiga dadka raba inay ka taajiraan ama ay magac aysan horay u lahayn u helaan,anigoo tixraacayo waraysigii aad la yeelateen maxamuud sayid aadan waxaan dhihi karaa anoonan si shaqsi ah wax uga sheegaynin, wuxuu daba maray xaqiiqada dhabta ah ee ka jirta gobalka gedo maxaa yeelay wuxuu hormuud ka ahaa dagaalo badan oo naf iyo maalba lagu waayey oo aan wax ujeedo ah lahayn oo wiliba uu isticmaalayey cadowga soo jireenka ee umada soomaaliyeed oo ay u sii dheerayd maamul xumo iyo karti daro hogaamineed,dagaaladii uu isaga hogaanka u hayey wili way ka sii socdaan gobalka waana ognahay inaysan gobalka ka jirin wax nabad ah amaba u muuqda,tusaale 3da degmo ee uu ururka SNF-SRRC gacanta ku hayeen kama jirto wax wado shaqayn ah waxaana ognahay inay jirto isu hub uruursi kooxda dhexdeeda ah marka inuu maanta yiraahdo gobalka nabad ayaa ka jirta ama isu socodka dadku waa caadi waxaan u arkaa inay la mid yahay jees jees dadka gobalka uu ku jees jeesayo meeshii u qiran lahaa dhibaatooyinkii ay umada u geeysteen isaga iyo saaxiibadiisa ku dalacay dhiiga dadka kuna noqday xildhubaano.
 

Hadabo anigoo soo koobay maqaalkaygan wax badan oo jirayna ka gaabsaday waxaa is waydiin mudan nimakii awoodi waayey inay xal u helaan  3 magaalo ama gobal xaq kaa maqan ma kuu soo dhicinayaan?,jawaabtu waxaan u dhaafayaa SADE...
 

Qoramada uu qoraagu tixraacayo waa  (Wareysigii ay allgedo la yeelatay Xildhibaan Maxamuud Sayid Aden)



Kafee Ibrahiin
iidka1@hotmail.com


 

Fiiro gaar ah:  Fariinta uu qoraalka sare xambaarsan yahay waxay u gaar tahay qoraaga uu magaciisa kor ku qoran yahay, sidaas awgeedna, allgedo wax shaqo ah kuma lahan.



allgedo@allgedo.com