Allgedo Online

WELCOME TO ALLGEDO ONLINE

Madaxweynaha Dowladda ku meel gaar ah Mudane-C/Laahi Yuusuf Axmed ayaa ku cadeeyeey arrimaha loo baahan yahay in la helo si wax qabad loola yimaado, isla markaana la helo wadda shaqeyn Golaha Xukuumadda iyo Golaha Barlamaanka

Marka la eego Qoraala Rasmigga ah ee Xafiiska Madaxweynaha ka soo baxday waxaa ku cad Dhoowr qodob oo muhiim ah, kana turjumaaya danaha Ummadda iyo Masuuliyadda Qaranka ee Madaxweynaha saaran,waana Qodoba xadidan ama kooban,si cadna u tilmaamaayo howsha Madaxdda Sarre ee Qaranka Somaaliyeed,iyo sidii Dowladu dib ugu guuri laheyd Dalka gudihiisa,Qoraalkan oo si toos ah ugu socotay Guddoomiyaha Golaha Barlamaanka iyo Ra,iisal Wasaaraha loogana Codsanaayo ama la faraayo in eey xal meel dhexaad ah ka gaaraan Khilaafka Xukuumadda iyo Barlamaanka.

Sidoo Kalle Ra'iisal Wasaarre Cali Max,d Geedi,ayaa beryahan damme waday howlo u qeexan xilkiisa iyo hab gudashadda howl Maalmeedkiisa,Magaacibidda Masuulin Qaran, Habeynta Bixinta Mushaaharka Golaha Barlamaanka,la kulanka Xubnaha Beesha caalanka, Safaro uu Debeda ku aadaayo ama kuwa Shaqo,sidda midka uu ku aadi doono Dalka Induneesiya, oo Wasiirkii Arrimaha Debedda ugu horeeyo,iyo howlo kalle oo ahamiyadooda oo eey ugu muhiimsan tahay u diyaar garoowga dib ugu guuridda Dalka Hooyo,iyo ka Shaqeynta Xalinta khilaafka labadda Golle,xaqiiqo ahaan wuu dadaalaayaa intii tabartiisa ah.

Sidoo Kalle Waxeey wadda ognahay Xubnaha Labadda golle ka tirsan oo ku sugan Dalka gudihiisa,gaar ahaan Magaaladda Muqdisho oo eey ka wadaan howlo eey rabaan in eey wax ka qabtaan Xaaladda amaanka Caasimadda iyo habeeynta Maleeshiyaadka hubeeysan, waana Xubno Badan,laakiin haddana waxaa loo xoojeeysanaaya falalka dambiyeed ee ka dhacaaya Magaaladda Muqdisho,Dilal,Dhaawac,Af-duubid,Bambeeyn Isbitaal,Ugaarsigga Saraakiisha Sarre ee Ciidanka ayaa ah kuwo caqabadooda leh,si weyn u xaqiijinaaya in eey tahay Caasimadda Waqtigan la joogo meel amaan xumo ka jirto,loona baahan yahay Wadda Shaqeyn iyo in Hogaamiyaasha Kooxaha Hubeeysan ee Muqdisho,Xildhibaanadda,Odayaasha iyo Wax-garadka reer Muqdisho la yimaadaan wadda shaqeyn iyo Mideeynta Hadafkooda ku Wajahan Nabdeynta Caasimadda Qaranka,Hogaanka Sarre ee Dowladuna ku garab galo, una Fidiyo wixii taakuuleynta,taladuna mid keiya noqoto,oo ku Saleeysan Danta ummadda iyo Soo Noleeynta Qaranimadda iyo Midnimadda Somaaliyeed.

Marka la eego sidda xaaladu hadda tahay,runtana la sheego,waxaa iska cad in Xukuumadda Somaaliyeed u baahan tahay meel eey si ku meel gaar ah u sii degto,kuna sii waddo howla iyo Masuuliydda Qaran ee saaran,isla markaana si hagan la,aan ah looga Shaqeeyo Amaanka Caasimadda iyo diyaarinteedda,loona hurro Maal iyo Waqtiba,Ummadda Reer Muqdishona la yimaadaan rabitaan iyo niyad sami buuxdda,lagana saaro meesha Khilaafka hab kooxeedka ah ee u dhexeeya kuwo Neyroobi jooga iyo kuwa Muqdisho jooga oo kuwa jirra Barlamaanka iyo Golaha Xukuumadda,wadda shaqeyn,isku duubni iyo ka fekeridda danta Dalka iyo Dadka Somaaliyeed ahamiyadda koowaad la siiyo,laakiin inta Khilaafku jirro waxaa lumaaya Maslaxada iyo ka shaqeyn howlaha Nabadeynta Ummadda Somaaliyeed iyo Dhisidda Dalka Hooyo,oo Muddo dheer ku jiray Bur-bur iyo xaalad foodo ah,oo ayaan daradeedda leh.

Golaha Barlamaana,Xukuumadda iyo Madaxweynuhu waa in eey sidda ugu dhakhso badan u Guuraan Dalka gudihiisa,iyagoo go,aan mideeysan iyo hadaf mideeysan leh,waana in laga heshiiyaa Meelaha la sii degi karro(Ku meel gaar ahaan),Shaki lama gelin karro in eey tahay Caasimadda Qaranka Somaaliyeed Magaaladda Muqdisho,Cid bedeli kartaana ma jirto halka Caasimadu ahaaneeyso,Waa Muqdisho,Muqdisho,Muqdisho,Waxaa la baahan yahay Xil Gudasho iyo Daacadnimo,Wadani-nimo,iyo in wadda shaqeyn la yeesho,lagana gudbo qaska iyo naceeybka Shakhsigga ah ee u dhexeeya Masuuliinta Qaranka,isla markaana Dalka lagu noqdo,u dhiskana laga wadda shaqeeyo,Maanta waa laga gudbeey Reer Habel iyo Reer Habel,Beel Hebel iyo Beel Hebel,Ummadda Somaaliyeed waa Walaal dhab ah,oo Colaad iyo Dagaalo Sokeeye dhex mareen,khaasaare badana keenay,haddana ma jiraan wax la oran karro colaad iyo naceey Ummadda dhex yaal,waxeeyna u baahan yiihiin Dowlada Wadani ah, Masuuliin Xil-kas ah,amaanadda qaadi karra,si Cadaalad leh ugu adeega,oo xaliya khilaafyadda jirro,oo ah kuwo la xalin karro,muranka iyo khilaafka Xildhibaanadda,Wasiiradda, Guddonka Barlaanka,Ra,iisal Wasaaraha iyo Madaxweynaha Dhex yaala ayaa ah Carqaladda ugu weyn ee Dowladda Somaaliyeed hor-taagan,intii khilaafkaasu jirina waxba hagaagi maayaan,natiijaduna waxeey noqon doontaa-Burburka Dowladda iyo kala yaac kalle,Waxaan Illaaheena weyn ee Waaxidka ah ka baryeenaa in uu Wadda toosan dhammaanteen inagu aadiyo,kheeyriisana ina siiyo,camaal suuban iyo wanaaga ina hanuuniyo,Aamiin,Aamiin, Aamiin.

XILDHIBAANO, WASIIRO INTII HOTTEL LAGAA XIRAN LAHAA, GEED HOOSTII DALKA HOOYO AH AYAA KA SHARAF BADAN

Waa ayaan darro, waa ceeb weyn, oo bahdalaad, waa sharaf ka qaadid,waa gef iyo talaabo aad iyo aad u fool xun hab loola dhaqmaayo Xildhibaanadda,Wasiiradda iyo Masuulinta Heer Qaran ee Dowladda Somaaliyeed ee ku sugan Dalka Kenya Magaaladda Neyroobi,oo Marti u ah Urur Goboleedka Dowladda Igad,Beesha Caalamkuna ku Kharasheeyso,laakiin Xaalad laga Xumaado Waqtigan ku Sugan.

Shirkii Kooxaha Somaaliyeed ee lagu soo dhisay Barlamaanka,laguna soo doortay Madaxweynaha Somaaliyeed,Ra,iisal Wasaaraha iyo Dhishidda Xukuumadda Faraha Badan ee hab Beeleedka ah,Hogaamiyaasha ka buuxaan,Khilaafka iyo muran weyna dhex-yaalo, oo u muuqata mid labao garab u kala jabeeysa,ayaa waxaa loo wajahan xaalad qalafsan oo ah in Xubno ka tirsan Golaha Barlaanka iyo Golaha Xukuumadda laga xirtay Qolalkii eey ka deganaayeen Hoteeladda Neyrobi oo weliba Shandadoohoodii loo diiday in kala baxaan,cuntii laga gooyeey,sharaftii iyo xurmadiina la xayuubiyeey,kadib markii Urur Igad bixin waayeey Kiraddii Hotelaadaas oo intii muddo ah aan wax kharash ah la siin,weliba qaarkood si cad loo dafiray,ama laga ankiray Lacagtoodii.

Su,aashu waxeey tahay-miyaa laga gardaran yahay Xildhibaanadda iyo Wasiiradda Somaaliyeed ee habkaas loola dhaqmay?mise Maamulka Hoteeladu weey gar joogaan? Masuuliinta Somaaliyeedna maxeey halkaas ka qabanaayaan?Madaxweynaha,Guddoonka Barlaaanka iyo Ra,iisal Wasaaruhu maxeey wax uga qaban waayeey,ama ugu hor-tegi waayeeen intii aan arrimuhu halkaas gaariin?mise khilaafka Xukuumadda iyo Barlamaanka ayeey ku mashquulsan-yihiin,mise maba oga,una badiyoo?

Haddaba,hadda intii weey dhacday,waana mid ku haboon qofka dhulkiisa hooyo ka maqan,oo weliba Masuuliyad iyo Xil heer Qaran ah sheeganaaya,oo maalinba maalinta ka dameeysa Fal xun,gef iyo dhibaato la kulmaayo,waayo ma joogo meeshii uu sharafta iyo xurmadda ku lahaa,Dalkiinii Hooyo,Ciidii qaaligga aheyd,mana dhex joogo Ummaddii uu ka Dhashay Xilkana u qaaday,xataa haddii dhibaatooyin Caasimadda Qaranka ka jiraan,weey ka sharaf iyo milgo wanaagsan tahay Neyrobi iyo meeshii la mid ah,oo ceebteena taalo,tuugsigga Xildhibaanada iyo Wasiiradda Qaran ee y soo Gelaayaan waardiyaasha Hoteeladda iyo kuwa soo dhoweeynta ka Shaqeynaaya,oo uga jawaab celinaayaa-Hakuuna,Hakuuna,Waya,Wayo kuuma soo saari karno shandadaada adigoon bixin kharashka lagu leeyahay,Mudane intii aan badaanka laguu tuurin fadlan iska tag,iska tag,iska tag,waana luqad wanaagsan,inta arrintu joogto Fadlan iska tag,oo aan luqunta la soo qaban,ama aan Ciidanka Poliiska loo dalbin,ama aan la garaaciin,weeyna ka suur-toowdaa Dadka Reer Kenya in eey wax walba ku dhaqaaqaan,oo xataa garaacaan kuwa sheeganaaya Xildhibaanadda iyo Wasiiradda.

Madaxweyne-C/Laahi Yuusuf,Ra,iisal Wasaarre Geed,Afhayeenka Barlamaanka Sharifka iyo raxanka mid ah Golaha Xukuumadda ayaa ku jirra guryo waaweyn.ilaalo gaar ah leh, shaqaalle iyo adeegayaal,nooc kastoo isgaarsiin ah leh,Camarado waaweyna leh,markaas arrintu waxeey u muuqataa( in daar ku jiraa daruur ma arkee ilaa xalay roobku wuu da,ay), Dhacdadan ayaa soo dedejineeysa qorshiihii gaarka ahaa ama Kooxdda gaarka ahi wadatey ee u guurista Caasimadda Qaranka Somaaliyeed(Muqdisho),waana mid qiil u noqon karta cid kastoo xataa si Shakhsi Dalka Hooyo ugu Baqoosha,waa lama huraan Dhulka Hooyo, waa lama Huraan Dhulka Hooyo,Fadhi uma yaalo Xildhibaanadda,Wasiiradda iyo Masuulinta Qaran ee Neyrobi isku dhiginaaya,inkastoo Amarka Alle Meeshiisa yahay.

Geed Hoostii,Geedaar Dhinacii,Guri Dunsan gudihii ayaa ka Sharaf badan habka hadda lagu sugan yahay,Dadka Somaaliyeed ayaa idiin marti gelin karra,meel xurmo lehna idiin seexin karra Mudanayaal,Xildhibaano,Wasiiro,Xilka aad qaadeen waxaad u qaadeen Ummadda iyo Dalka Somaaliya,Horre ayaa loo Yirri-Baryo badan iyo bukaan badanba waa la isku nacaa, waana la gaaray waqtigii la idiin nici lahaa, Xildhibaano,Wasiiro, Madaxweyne, Gudoomiye, Ra'iisal Wasaarre iyo inta idiinku xeeranba,u guuro Dalkeena,Kalsooni ku qaba Dadkeena, Ciideena,Cirkeena, Badeena, Calankeena, Falateena, Damiirkeena, Dadnimadeena, Midnimadeena, wada jirkeena, wadda hadal iyo is faham ayaa guul keena, horumar keena, wanaag keena, inta lagu jirro tafaraaruqa,muranka, Cinaadka, naceeybka Shakhsigga ah,daneeysigga gaarka ah waxaa lumaaya danta iyo maslaxadda Ummadeena,arrimuhuna waxeey ku dameeyn doonaan Bur-bur iyo in aakhiro-taanka la kala dhaqaaqo, dib isugu imaadna waa adag yahay Mudanayaasha, garta,fahma, ogaada aayaha dalkeena iyo dadkeena.

MARWO BATUULO WAA SOMAALIYAD DHAB AH WAXEEYNA MUDAN-TAHAY AMAAN IYO KU DAYASHO

Batuulo Isaaq Maxamed oo ah Marwo Somaaliyeed oo degan Dalka Finland,Uru Gudoomiye u ah,Isla Markaan ka mid Guddigga D/Hoose ee Magaalo Dalkaas ka mid,ayaa dhowaan waxeey dhowaan Dalka Somaaliyeed ka soo qabatay howlo adami-nimo aad iyo aad muhiim u ah, si weyna wax uga tareeysa kor u qaadidda aqoon xirfadaha howlaha caafimaadka. Marwo Batuulo, waxeey Magaalooyinka Muqdisho iyo Af-gooye ku qabatay tababaro dhanka Caafimaadka ah iyo tababaro lagu baraayeey haweenka Guri joogtadda ah xirfado faa,iidooyin u leh,oo eey ku shaqeysan karran mustaqbalka,waana talaabo wanaagsan howsha eey soo qabatay Marwadaasu,waana mid looga baahan yahay in uu qabto qof kastoo awoodaa.

Dalka Hooyo,Somaaliyeed,dhibaatooyin badan oo culeeyskooda leh ayaa ka jirra,gaar ahaan dhinaca daryeelka arrimaha Bulshadda oo dib u dhac weyni saameeyeey,siiba arrimaha Caafimaadka,waxaana sabab u ah dowlad la,aanta iyo qaska iyo jiha-wareerka dalka ka jirra, Somaaliya howsha ugu sahlan,ama ugu fududi waxeey tahay sidda wax loo dilo, loo dhaawaco, loo farax-xumeyo,loo dhaco,loo bara-kiciyo,waana arrimo laga naxa si weyna looga xumaado.

Talaabadda Batuulo-ayaa tilmaan u ah Shakhsiyadeeda Wanaagsan,Dal jaceylka leh, damiirka nool leh,masuuliyadda iyo garashadda wanaagsan ku fadhidda,waana mid lagu tilmaami karo Qofka wanaagsan sifooyinka lagu garto,amaan iyo bogaadin weyn ayeey mudan-tahay, weeyna heleeysaa abaalkeeda maalinta aakhiro,dadka aeey wax u qabateyna weey ogtihiin,weeyna u mahad-naqaayaan.

Aniga Shakhsiyaan aqoon u ma lihi Marwo Batuulo,Dalna lama joogo,laakiin waxaa i soo jiitay talaabadda wanaagsan,dadnimadda ku saleeysan ee marwadaasu qaaday,waana mid ku dayasho leh,inkaastoo Ummadda Somaaliyeed iskaga dayato dhanka xumaanta,oo aan dhanka wanaaga si fiican loo eegin,ama loo daneeyn,is xil qaamidda,ka fekerka iyo la socodka xaaladaha kala duwan ee Dalka ka jirra ayaa loo baahan-yahay,isku duubnidda iyo iskaashigga Jaaliyadaha Somaaliyeed ee Qurbo jooga ah ahamiyadeeda leh,Dalka Hooyona laga war-hayo,loona dadaalo,Batuulo,Aqoonta cilmiyeed,xirfadeed oo eey leedahay ayeey uga faa,iideeyneeysaa Dadkeeda,Dalkeeda,waana masuuliyad saaran dhammaan aqoonyahanada Xirfadaha gaarka ah leh ee Somaaliyeed ee Cirafyadda Aduunka ku nool,waana Sawir Wacan sidda Batuulo Sameeysay waxeey ku qormi doontaa buugaga taariikhda Ummadda Somaaliyeed dib loogu qori doono,dhanka Sharafta iyo Wadani-nimadda ayeey si cad uga Muuqaan doontaa,Bilaad iyo abaal marina weey Hanaan-doiontaa,Batuulo waxeey garatay Waajibka Saaran,Masuuliyadda Wadani-nimo,Waxeeyna Leedahay oo si cad u muuqdda Damiir nool,Daacadnimo iyo Dun-wanaag Somaaliyeed.

Marwo-Batuulo-Howlo wanaagsan ayaad soo qabaty,halkaas ka sii wad dadaalka iyo ka fekerka Dalka Hooyo,waana masuuliyad Ummadda Somaaliyeed oo dhan saaran haddii la garto,uma baadneyd amaan,hadana waxaan mar kalle ku leeyahay-MARWO-BATUULO Mahadsanid,Guleeyso,inshaa alle.

ARAGTIDDA UJEEDADDA CILADEYSAN LEH,OO XAALAD ABUURKA AH

Dadku waxeey u madax banaan-yihiin cabiradda iyo soo bandhigidda aragtidooda kala duwan oo lahaan karro waji wanaagsan,maslaxadda iyo danaha Ummadeed ku saleeysan iyo midaa kala duwan oo lahaan karro ciladeedda,carqaladeeda,Ujeedadeeda Qalafsan oo lagau xumeeynaayo ama lagu abuuraayo xaalad aan markaas meesha ool.

Arrimaha Somaaliyeed oo jaha-wareer iyo qas,murug iyo buuq Ummadda si weyn u kala fogeeyeey kana daraanaa Dagaaladdii Sokeeye ee xasuuqay Kumayaalka qof ee aan wax galabsan, xadgudubyaddii faraha badan ee Dalkii intii Badnaa ka Dhacay,Masuuliyadiisa eey Leeyihiin kuwa isku Magacaaba Hogaamiyaasha,Siyaasiyiinta iyo Hogaamiyaasha Bulshadda oo Ujeedooyinka iyo dano gaara awgeed ku adeegsaday dad badan oo wax ma garto, habka Qabiil adeesigga iyo soo nooleeynta dhacdooyin Qarniyo ka soo wareejiin,ama kuwo la sameeyeey oo weliba si weyn loo buun-buuriyeey ayaa lagu howl-geliyeey Bulshadda,waana kuwa ilaa hadda raadkoodii taagan yahay.

Wadda hadaladda Somaaliyeed ee intii Labada Sano aheyd ka Socotay Dalka Kenya, iyo Mirihii ka Dhashay ayaa la oran karaa waa talaabo koowaad haddii dhinaca wanaagsan laga raaco,danta iyo maslaxadda Ummadeed lagu jiheeyo, si isku duubni leh,midnimo leh, wadda shaqeyn haddii loo fereko,Qaranimadda iyo dib u soo nooleeynta Dowladnimadda Dalka Somaaliyeedna loo soo jeesto,waa haddii lala yimaado damiir nool,dadnimo dhab iyo daacadnimo iyo garashadda masuuliyadda qaran ee Hogaamiyaasha iyo Siyaasiyiinta iyo Waxgaradka Somaaliyeed Saaraan, in Malaayiin dad ahyna Sugaayaan ogodaan.

Sidda la wadda ogyahay waxaa dhowaan Caasimadda Dalka Kenya Magaaladda Neyrobi ka Dhacay kulamo iyo Wadda hadalo hab Beeled ah oo eyy yeesheen Xubnaha Labadda Golle ee Beesha Hawiye, oo eey ugu hadlaayeen arrimo muhiim ah, oo eey ugu horeeyso arrinta Magaaladda Muqdisho, Caasimadda Qaranka Somaaliyeed, Nabadeynteedda, habeeynta iyo sameeynta Maamul, xal u helidda arrinta Meleeshiyaadka faraha badan hubeeysan oo dhex jooga,habka hubka dhigidda iyo ka wadda shaqeyn sidii Caasimaduu haybadeeda u soo ceshan laheyn, waana arrimo ahamiyadooda leh,loona baahan yahay,in la fuliyona laga rabo Hogaamiyaasha Qodobadaas loo Saaray iyo Ciddii gacan ku siin kartaba,waana kuwo la ogaan doono haddii Alle idmo maalmaha soo socdda.

Balse haddii aan dib ugu soo laabto ujeedadda Maqaalkeeygan ayaa ah,waxyaabo la buun-buuninaayo oo lagu soo daabacaayo shebekadaha qaarkood iyo arrin weyn laga dhigaayo, waji qabiil iyo hab xiisad abuuridna lagu turjumaayo,oo cinwaano waaweyn la siinaayo, ayaa ah arrin aniga Shakhsiyan iga yaabisay,oo aan fahmi waayo ujeedada ka dameeysa iyo waxa siiyeey ahamiyadda gaarka ah,taasoo ah, Kulamo iyo Wadda hadalo Madaxweyne C/Laahi Yuusuf la yeeshay qaarka ka mid ah labadda Golle oo Asal ahaan ka soo jeeda Beesha Daaroodka oo C/laahi ka dhashay,oo loo turjumaayo talaabo dhibteeda leh,carqaladeeda leh, dano qarsooni ku jiraan, Madaxweyne C/laahi soow si caadi ah ulama shiri karro xubnaha ka Tirsan labadda Golle oo eey isku Beesha yihiin,yaa u diidan,yaa ka hor jooga, balse waxaa loo diidi waayeey, loo Cambaareeyn waayeey, wax looga soo saari waayeey kulamaddii Beelaha Kalle oo weliba eey ka soo baxaayeen hadalo ciladeeysan, beeleeysan oo dhaliilohooda lahaa, Haddii C/Laahi Yuusuf la kulmay Axmed Cumar Jees,ama uu damacsan yahay in uu la kulmo Jaamac Cali Jaamac,ama Cawad Casharre ama Xassan Abshir, iyo Cali Jengeli, ama C/Raxmaan Jiisoow, Maxaa ku jirra,weeynu aragtii Kulmadda iyo Shirarka hab beeled ee Digil iyo Miriflle, Beelaha Direed oo weliba u kala shiraaya Waqooyi iyo Koonfur iyo kuwa Beesha Hawiyaha oo Joogtadda ah, waana Talaabooyin wanaagsan haddii khilaaf jirra ama arrimo muran ka jiray ama wax ku saabsan danta iyo maslaxadda Ummadda loo hadlaayo, Guulna laga soo hooynaayo, maxaa kuwana caadi ka dhigay kuwana cilad iyo cudur gelinaaya, waa arrimo Iga yaabiyeey (Yaabka yaabkii.)

Haddii maanta Khilaaf iyo muran Siyaasadeed dhex yaalo Qeyb ka mid ah Siyaasiyiinta ama Hogaamiyaasha kuwa wadda jirra Golaha Barlamaanka ama kan Xukuumadda Somaaliyeed waxeey carqaladda iyo dhibaato weyn ku tahay howl gudashadda iyo wax qabadka labadaas Golle oo ahamiyadood leh, waana mid loo baahan yahay in wixii khilaaf ahi meesha ka baxo, laakiin waxaa jirri karro ama macquul ah kala duwanaanta aragtidda Siyaasadeed iyo Mawaaqifta la kala yeelan karro,waana arrimo xurmadooda leh,waana mid ku saleeysan habka Nidaamka Dimuqraadiyadda, laakiin waxaa Waji xumi ah in la abuuro,la sameeyo ciladdo iyo xaasaso aan meesha ool,kulan ama kulamo siyaasiyiin isku Beel ahi yeeshaan khalad ma aha,waayo Dowladda Somaaliyeed,golaha Barlamaanka,Golaha Xukuumadda ayaa ku Dhisan hab Beeleed,hab Beeleed ujeedada xun loola jeedo,Colaado iyo Dagaalo Sakeeyo lagu abuuraayo, Ummadda Somaaliyeed lagu kala fogeeynaayo iyo Isbaheeysiyadda Ciladeeysan ayaa loo baahan yahay in la cabmaareeyo, waayo maanta Ummadda Somaaliyeed dhibaato iyo rafaad damme uma baahna, weeyna daasheey, Nabdeeyn, dib u heshiisiin xaqiiqi ah iyo ka shaqeynta midnimadooda ayaa loo baahan, waana mid waajib ku ah qof kastoo Somaaliyeed,damiir nool leh,dadnimo leh,Dal jaceyl leh,kamna fekeraayo soo nooleeynta Dowladnimadii iyo wadda jirkii Ummadda Somaaliyeed, Inshaa Alle weey Imaan.

HAMBALYO URURKA DHALINYARADDA GOBOLADDA SSC EE CARIGAN UK.

Anigoo ah Xassan C/laahi Sheekh (Xassan Carab), oday asal ahaan ka soo jeedda Gobolka Sool, kuna dhaqan Dalkan Ingiriiska,Gobolka Yorkshire,waxaan halkan hambalyo qaali ah uga soo gudbinaayaa Dhammaan Xubnaha Ururka Dhalinyaradda Goboladda SSC ee Dhaowaan laga abuuray Dalkan,loona doortay Guddoomiye iyo Gudi Fulinba(Ururka Dhalinyaradda Daraawiishta.)

Ururkan ayaa ahaa mid si weyn loogu baahnaa,si weyn u mideeyn doona danaha Dhalinyaradda asal ahaan ka soo jeedaa Goboladaas,kuna dhaqan Dalkan,door weyna ka qaadan doona ka shaqeyn danaha Goboladda eey ka soo jeedaan,oo baahi weyn u qaba waxyaabo badan oo eey qaban karaan,haddii la helo is-xilqaamid iyo dadaal iyo Mideeynta Muruga iyo Maalka,Dhalinyaradda ayaa ah kuwo ka firfircoon Dadka waaweyn oo u muuqdda kuwo ku habsaamay arrimo Shakhsi ah iyo Ficiltan dhexdooda ah,oo la oran karro ayaa ayaan darro weyn,Balse Dhalinyarradu nadiif ka tahay,kana fogtahay dhaliilaha odayaasha iyo kuwa waxgaradka lagu tilmaamo oo ku mashquulsan arrimo aan faa,iido laga heleen,ama Fadhigga Meelaha hadalka looga baayac mustaro.

Dhismadda Ururkan ayaa ah mid wadda cusub u furaaya Dhalinyarradda faraha badan ee Dalkan ku sugan,una soo jeestay ka war qabidda iyo u shaqeynta danaha Ummadood ku Sugan Dalka hooyo gudihiisa,Weliba dhinacyadda:-Caafimaadka,Waxbarashadda iyo Arrimaha Isportigga oo ah kuwo baahi weyn ka jirto,loona baahan yahay wax ka qabasho wax ku ool ah,iyo dadaalka la kordhiyo,aqoonta kor loo qaado,oo laga faa,iideeysto fursada halkan lagu heeysto,si doo kalle dhalinyaradda laga taliyo wixii dhibaato u keenaaya oo dhan, Hadafka iyo Ujeedda Ururkuna noqdo mid danta guud ee Ummadda ka Shaqeynaaya, oo la Dareemi karro wax qabadka iyo guulaha uu dhaliyo.

Waxaan Illaaheena weyn ee Waaxidka ah idiinka rajeeyey Guulo Dhab ah,Wax qabad,Isku Duubni iyo in aad noqotaan kuwii Dalkooda iyo Dadkooda sidda ku haboon ugu adeegga,Wixii Talo iyo Waayo aragnimo ahna diyaar la,aha.

Guuleeysta, Guuleeysta, Guuleeysta.

DOWLADDA KU MEEL GAARKA AH EE SOMAALIYA LOO SAMEEYEEY DHINACEE U BADAN TAHAY, GUUSHA IYO FASHILAADDA?

Shirka Kooxadda Somaaliyeed uga socday Dalka Kenya mudadda dhan Labadda sano,oo heraarka kala duwan soo maray,kufaayeey,kacaayeey,habdda kooxi carooneeysay,mid kalena afka taageeysay,Qancin, raali gelin, maslaxaad iyo Kharash siin lagu waday,si weyna uga gaabiyeey habkii dhabta ahaa ee dib u heshiisiinta iyo ka Shaqeynta danaha Ummadda Somaaliyeed,Beesha Caalamkuna ku daasheey,Dowladaha Gobolkuuna ku Xifaaltamaayeen, aakhirataankiina lagu soo Dhisay Golaha Barlamaanka Hab Beeleedka ah,oo aan Weliba aan Beeluhu soo Xulan Xubnaha Magacoodda ku Galay Barlamanka,kadibna Xildhibaanadu Soo Doorteen Madaxweynaha Dowladda-oo Guushii oo Aqlabiyad leh ku raacday-Madaxweyne- Col-C/Laahi Yuusuf Axmed,isauguna soo Magacaabay-Ra,iisal Wasaarre-Proff-Cali Max'd Geedi oo soo Dhisay Xukuumad Balaaran oo eey ka Buuxaan Hogaamiyaasha Kooxaha Hubka iyo Maleeshiyaadka Dhibaatadda Dhulka taala Wadda.

Haddaba, iyadoo aanu markii horreba jiran wax heshiis ah,iyo af-garad dhex maray dagaal ogayaasha halkaas tegay,ayaa waxaa markiiba Cirka isku shareeray Khilaafkii Dhexdooda Yiilay,iadoo Qiil Qolo ka Dhigatay Keenidda Ciidamadda Safka Horre iyo Arrinta Caasimada ku Meel Gaarka ah,laakiin Hadafka ka dameeyaa yahay-diidmo ku saleeysan hab Isireed iyo Colaado jira awgeed,Halka dhinaca kalena si weyn u adkeeystay Arrinta Ciidamadda Safka Horre gaar ahaan (Itoobiyaanka), oo aad moodo in Ujeedo iyo Maslaxad Gaar ahi ku jirto, iyo Qorshe kalle oo la fulinaayo.

Arrintu hadda waxeey ku Sugan tahay ama Mareeysaa oo si cad u muuqata kala Jabka Golaha Baarlaanka iyo Golaha Xukuumadda, waxaana muuqda isbaheeysi loo bixin karro Muqdisho Groub oo ay ka Cad-cad yihiin-E-Wasiir-Muuse Suudi, El-Qanyarre, El-Wasiir- Caato, Xildhibaan-Max,d Cabdi Yuusuf, Xildhibaan-Cumar Xaashi, Xildhibaan-Cali-baashe, Xildhibaan-Drs-Caasha Cabdalla, Xildhibaan-Jini Boqor, Xildhibaan-Jaamac Cali Jaamac, Xildhibaan-Jiisoow ,El-Wasiir-Finish, Xildhibaan-Xaabsade iyo Guddoonka Barlamaanka- Shariifka, Proff-Dalxa iyo Boqorre, iyo kuwo kalle.

Kooxadda Baydhaba-Madaxweyen-C/Laahi Yuusuf Axmed, Ra'iisal Wasaare-Geedi, Wasiirka Arrimaha Debeda Proff-C/laahi Sh.Ismaciil, Gaashaandhigga-Gen-C.Raxmaan Jiisoow,Wasiirka Qorsheynta-C/Raxmaan Gurille, Wasiirka Beeraha-Shaanti-guduud, Wasiirka Garsoorka Adan Madoobe, Kaluumreeysigga Xassan Abshir, Wasiiradda Maaliyadda,Waxbarashadda, Boosta iyo Isgaarsiinta, Caafimaadka, Dastuurka iyo Federaalka, Xildhibaan Gen-Naaji, Xildhibaan-Muunye, Xildhibaan-Shadoor iyo Kuwo kalleba.

Waxaana Jirra kuwo Dhexdda raac ah oo hadba dhinac la jirra Sidda-Wasiirka Arr-Gudaha Xuseen Ceeydiid,Wasiirka Dib u dhiska Barre Hiiraale,Wasiirka Warfaafinta-Sifir,Wasiirada Iyo Xildhibaanadda ka soo jeedda Waqooyigga ama S/Land oo aan arrintood hadaf cad laheyn laakiin Maslaxada Gaarka ah ku saleeya,Sidda Xildhibaano badanba ku Dhaqmaan,oo ah mida la yiraahdo-Sarifo Codkooga iyo Mowqifkaaga,waana Habka Calooshood u shaqeystayaada oo kalle habkan waxaa ku Dhaqma Qeyb Badan oo Xildhibanadda ka mid ah.

Waxaan oran karaa in Khilaafka Labadaas kooxood u dhexeeyaa sii weynaaday oo hadda Maraayo heer la oranka karro Cirka ayuu isku Shareeray-Maadaama Kooxdii Muqdisho u soo Dhaqaajisay Dhanka Muqdisho,iayagoon wax Wadda hadal ama is-faham dhex marin kuwo Dhinaca kalle ah,sidda labadda Kooxood ka soo yeerayaana arrintu waa kala Jab iyo ayaan Darro weynwaana Wadadda Fashilaadda Muuqata ee Dowladda,Beesha Caalankuna Waxeey u muuqataa mid ka Daasheey arrimaha Somaalidda, Halka Dowladda Gobolka (Igad), Dano Gaar ah ka Leeyihiin Arrimaha Somaalidda,Waana Arrin Si weyn looga Xumaado,iyo Niyad Jab Weyn oo la soo Dersay Ummadda Somaaliyeed oo ka Soo daasheey Dagaaladda,Colaadda iyo Dhiiga Maalin walba qubanaaya iyo dib u dhaca dhinac walba Saameeyeey,Waxaan Filaayaa in Beesha Caalamku u Yarre Jan-jeerto Dhinaca Kooxdda Madaxweynaha iyo Ra,iisal Wasaaraha oo ah Dahnka eey u Badan yihiin Suldadda Fulinta oo ah mida Dhinaca Sharcigga Awood La Xiriiridda Beesha Caalamka,Dhaqaalahana Gacanta ku Dhigi karta, sidoo Kalle Waxaa Muuqata in Urur Goboleedka Igad ogol-yahay Caasimadda ku Meel gaarka ah, Arrintaasuna waa Guul Kooxdda Fulintu Heleeyso, iyo Dhaq-dhaqaaqa Rasmigga ah ee Labada ugu Sareeya Hoggaanka Dalka-Madaxweynaha iyo Ra'iisal Wasaaraha Xukuumadda.

Madaxweyne/Laahi, Ra'iisal Wasaare-Geedi, Gudoomiyaha Barlamaanka Shariifka iyo Xulfadadda Labadda Garab ayaa u muuqdo kuwo u baahan cid Sadexaad oo Dhexdooda Gasha,Arrinta Meel Dhexe isugu Keenta,Mana muuqato Waqtigan Cid Howlo Dhex-dhexaadin Wadaa,Waxaa Halkaa ku Lumaaya Danta iyo Maslaxadda Guud ee Ummadda Somaaliyeed, Balse Alle ayeey Leedahay,Xaaladda Dowladuna waxeey ku socotaa gelitaanka xaalad jaha wareer iyo in la waayo Mowqif mideyysan iyo ka wadda Shaqeynta danta guud ee Ummadda, awxaana la oran karaa haddii dhoowrka Bilood ee soo socdda Dowlado ku imaan weeydo Dalka gudihiisa,si dhab ahna u gudda geli weeydo Gudashadda xilkeedda iyo la imaanshaha wax qabad,iyo ka gudbidda muranka Siyaasadeed iyo kala qeybsanaanta Dhexdooda ah, waxaa Bilaambaaya Waqtigga ama Biloowgii Burburka Dowladda aan Tirarka Adag ku Taagneyn oo eey Xubnaheeda u badan yihiin kuwa wata danaha gaarka ah,Maadaama uu Ra'iisal Wasaarre Geedi Magacaabay-Guddoomiyaha iyo Duqa Caasimadda Muqdisho iyo ku Xigeenadiisa oo leh Sifo Sharci ah, wax kama jiraana ku Tilmaamay Magacaabidii Wasiirka Arrimaha Amaanka(Qanyarre), ku Magacaabay Taliyaha Ciidinka Boliiska iyo Madaxa Waaxdda Socdaalka,iyo Wasiiro aan ogolaansho iyo qorshe Dowladeed ku socon in eey yihiin

kuwa Muqdisho iska aaday,ayaa u muuqdda in Ra,iisal Wasaarre Geedi u soo Jeestay qaadida Talaabo Maamul iyo Gudashadda Xilkiisa Rasmigga ah,Taloobooyin kalena Soo Socdaan,Isagoo Kalsoonidda Aqlabiyadda Golaha Xukuumadda Heeysta,beesha Caalamkuna u aragto Nin Aqoon leh,Masuuliyad iyo Hoggaaminba leh,Sidda Magacaabidda Guddigga Heer Qaran ee Dastuurka dalka soo Diyaarineeysa,Agaasima Guud ee Bankigga Dhexe,iyo Taliyaha Ciidanka Xooga Dalka Somaaliyeed iyo Xilal kalle oo Muhiim ah, waana Mid Sawir ka Bixineeysa in Shaqadda Ra,iisal Wasaaruhu sidii ku Habooneyd u Bilaabatay,Sidda ka Muuqata Qorshaha Shaqadda Golaha Wasiiradda isbedelo wax ku ool ah ayaa la arki doonaa Haddi Alle Idmo,Kuwa Magaaladda Muqdisho Joogaana hala yimaadeen wax qabad dhab ah iyo ka Mirro dhalinta badankood iyo Qorshihii eey sidda gaarka ah u Gaareen,waana Arrin Wadaddo wanaagsan furi karta haddii hogaamiyaasha,Wasiiradda ah,hadana Xildhibaanadda ah ee Kooxaha hubeeysan Caasimadda ku heeysta eey Gartaan,Gutaana masuuliyadda iyo howlaha culeeyskooda leh ee halkaas ka jirra oo eey Masuulin ka yihiin sababta keentay iyo Falalka xadgudubyadda ah ee eey Ummadda ku Hayaan oo Maalin uun lagala xisaabtami doono,xaqiiqiyan Kalsooni weyn kuma qabi karro balan qaayadda Hogaamiyaasha Muqdisho oo horre u Sameeyeey Boqolaal balan qaad iyo dhaar Magaca Alle ah,kana baxay.

Sidoo kalle waxaa Hambalyo mudan 12/april Maalinta Xooga Dalka Somaaliyeed,Ciidankii sida Wanaagsan,Geesimadda leh,kartidda leh,xirfadda iyo aqoon Ciidan lahaa ee difaaca Dalka Hooyo illaalin jiray,Codowgga dharbaaxooyinka waaweyn ku dhigi jiray,sumacda,sharafta iyo qiiradda Wadanimo lahaan jiray,Qaaradda Afrika sidda weyn looga Qadarin jiray, Halgankii Xoriyadda Dowladaha Afrikana Gacanta weyn ka soo qaatay,Saraakiishii iyo Halyeeyaddii Naftooda u huray Xoriyadda,Qaranimadda iyo jiritaanka Dalkooda Hooyo Ayaan Halkan Amaan Bogaadiin iyo Ducoba uga soo gudbinaayaa,inta Noolna Hambalyo iyo Salaan Qaali ah, Saraakiishii Sarre ee Sumcadda iyo Xurmadda weyn lahaa:- Gen-Axmed Sahal, Dhega-weyne, Max,d Cali Abukar, Cali Ismaciil,Naaji, Boodhe, Badmacaanshe, Galaal, Axmed Warsamme, Saciid Faarax, Muuse Sayid, Fadhi ku Salaan, Cirro iyo Raggii la midka ahaaba.

Haddii loo soo Jeesto danta guud ee Ummadda Somaaliyeed,aayo ka talinta iyo u Adeegidda Qardyadda Somaaliyeed,Soo Nooleeynta Qaranimadda Luntay,Dowladda iyo Nidaamka Burburay,Midnimadda iyo Wadda jirka Qoomiyadda Somaaliyeed,Abuuridda Hanaan Dowladeed ku Dhisan-Cadaalad,Sinaan,Xaq Soorid,Daryeel Bulsho,Xoojinta Nabad-gelyadda, Ka Shaqeynta Dib u Heshiisiinta Guud,Ka Shaqeyntaq soo Celinta Hantidda Shakhsigga ah ee Dadka Sidda Xaq Daradda ah Looga Heeysto,Dhisidda Nidaam Dhab ah oo Federaal ah, iyo dib u dhiska Dalka Hooyo,Wax walba oo la Saxi karaa,waana la Heshiin karaa,Niyad Samid,Kalsooni Abuurid,Wacyi Gelinta Dadweynaha,iyo la Imaanshadda Alle ka Cabsidda iyo Daacadnimo Xaqiiqi ah,Illaaheen Wadadda Wanaagsan,Toosan,Suuban ha inagu Aadiyo.

Aamiin, Aamiin, Aamiin.

-ALLA MAHAD LEH-

-QORRE-XASSAN C/LAAHI SHEEKH (XASSAN CARAB)-

-HUDDERSFIELD-ENGLAND-21-04-2005.

-sharifhassan50@yahoo.com.

Fiiro gaar ah: Fariinta ay wataan qoraalada kor ku qoran waxay u gaar tahay qoraaga uu magaciisa kor ku qoran yahay, sidaas awgeedna allgedo wax shaqo ah kuma lahan.

allgedo@allgedo.com