Soomalida ku nool Columbus, Ohio oo ku Balansan sidii Gargaar loogu fidin lahaa Walaalaha Soomaliyeed ee masiibadu ku haleeshay Xeebaha W/Bari ee Dalka Soomaliya

Aduunka indhihiisa iyo wax tarkiisaba waa ka sii jeediyay Masiibadii ka dhacday Xeebaha Soomaliya, marka loo eego sida loo hadal hayo meelihii kale oo iyagana masiibadii dhulgariirku saameyay. Dalka soomaliya kama jiran Gargarka dagdaga, xaqiiqada dhabta ah ee dhaawac iyo dhimasho majirto cid haysahi daruufo badan awgood.

650-kilomitir oo Xeebaha W/Bari ayaa lagu qiyaasayaa in masiibadan rabaaniga ahi wax yeelaysay in lagu qiyaasay 50.000 ilaa 60.000 kun oo qof ay Guriyo laani kudhacday wax biyo iyo baadtonana aan haysan, Xaafuun ayaa 30% la sheegaya in Biyahu wali ceegagan, sidoo kale Bander-Beyla, Baargaal, Eyil dhaawac iyo dhimasho fara badan ayaa ka jira kumanaan Muslimiin Soomaliyihina waa ku naf,  hoy, iyo hantibeelen. 

Ilaa iyo hada ma jiraan shirkadaha Xawaaladha ee Soomalidu wax  Sanduuq dhaqaala oo ay u fureen dadkaasi tabalaysan sidii wax loogu ridi lahaa ama lacag loogu uruurin lahaa. Warbaahinta Soomaliduna ma booqan goobahas ilaa iyo hada sidii la rabay ama si u dhow toona marnaba  ugama aanay baraarujin Shacabka Somaliyeed iyo Aduunwenahaba sidii Dawo iyo Nafaqo loo gaarsiin lahaa goobahasi.

Saxaafada reer galbeedku waxay ka hadlaan 89% Dalxiisayashoodii iyo Safaradahodi joogay Qarada Asia, hadba waxay ku sugan yihiin iyo sidii qaraabadoodi loowada xariirin lahaa, meesha 2% ay reer Galbeedku ay Xuseen Dhibaatadii Soomaliya ka dhacday.

 

Sida dhaqanka Islamka iyo kan Somaliduba u ahaan jiray waa in aan u istaagna in kastaba ha le’ekadee inaan kalmo ka geysano sida ugu dhaqsaha badan ee loo taakulayn lahaa dadkeena dhibaatada la ildaran. Allaha Subxaanu wa tacaalahiuna waa uu na eeganayaa isagu ficilka iyo Sadaqada aanu ka gaysano Arinkan. 

Jaamacada Carabta iyo Wadamada Afrika toona ilaa iyo hada lama sheegin wax Dawo iyo dhaqaatiir ay leeyihiin oo meesha dhibku ka dhacay tagay, xataa Jabuutina Allaha ka dhigee.
 

Waxaa manta Salaadii Jimcaha ka hadlay Iimaamkii Masajidka

weyn ee makaalada
Columbus-Ohio, oo ay ku tukadan qiyaasti 2000-kun oo qof maalinta Jimcaha, waxa Immamku ka codsaday Jameecadii manta inay Janaayo 7, 2005-ta oo ku aadan Jimcaha dambe in ay kusoo talagalan sidii ay uga qayib qadan lahaayen Tabaraucaadka loo fidanayo walaalaha Somaliyeed ee Masiibadu ku haleeshay Xeebaha Soomaliya.

Hadaba waxaa Ummada Soomaliyeed, Culumada iyo Warbaahintaba ku waajiba inay u istaagan sidii loo caawin lahaa dadkaas dhibataysan ee Muslimiinta ah. Sidoo kale Ganacsatada Soomaliyeedna meel kastoo ay joogan gaar ahaan Shirkadaha Xawaaladaha inay Sanduuq dhaqaale furan. Madama Dalka iyo Dadkaba ay 14kii Sano Shirkadaha Xawaaladuhu ay soo wadeen adeega Bulshada.

 

Raage Shire.

Somali1960@yahoo.com