Waxa amaan Mudan Allgedo iyo sida fiican ee ay ugu adeegaan bulshada soomaaliyeed marka ay noqoto ka haqab tirka wararka dalkeena hooyo. 

Marka labaad waxan jecelahay in aan waxoogaa ka idhaahdo dowlada cusub ee maanta la dhisay!. Runtii ma fiicna in mar walba la is dhaliilo oo la arko kaliya sheqsiyaad aan helin jagada ay rabeen. Waxase muhiima in la helo dawlad guud oo dadka oo dhan u adeegta, kana saarta Dulmiga , dhaca iyo Aqoondarada.

 Sida la ogyahay waxa ay Soomaali soo martay mudadii 14 sano ee ugu danbeysay wax la sheegi karo ma aha. taasi oo loo baahan yahay in si cilmi ku dhisan loo xaliyo mashaakilkii dhacay iyo waxa hada taaganba. 

Waxa aan ilaahay ka baryeynaa in uu inooga dhigo dowladii dadkeeda anfacda. Intaas marka aan ka gudbo. waxa jira wasiiro aad u badan oo xilal kala duwan loo dhiibay. Dhamaantoodna  waxa laga rabaa in ay ka soo baxaan xilka loo dhiibay, laakiin waxan waano yar u qori lahaa Wasiirka wax barashada:-

 Waxan ognahay in Mudo 14 sano ah aan dhalinyarada iyo Umada soomaaliyeed ayna helin wax waxbarasho ah. Taasoo wiilkii dagaalku markii uu bilaabmay dhashay maanta uu yahay 15 jir waxna aanu qorin waxna aqriyin!!! Madaama waxabarashadu muhiim tahay waxan kula talin lahaa wasiirka waxa barashada in lagu dadaalo sidii umada soomaaliyeed looga haqabtiri lahaa aqoonta iyo waxbarashada. Waxa fiicnaan lahayd si aan u helno Aqoon yahano aan u baahnayn Turjubaan in afafka internationalka aha sida Carabiga iyo Ingriiska wax lagu barto Tusaale ahaan in dugsiyada hoose iyo dhexe J maadada uqraafiga iyo taariikda lagu barto Af-carabiga, maadooyinka kalena af ingiriiska , taasoo keenaysa in aan helno aqoon yahano aan u baahnayn turjubaano oo la socon kara caalamka. Afsoomaaligana loo dhigto luqad ahaan iyo sugaan ahaan. waa talo!

 

Aqoon la'aani waa iftiin la'aan!

 

 

Sidaa iyo Nabad Gelyo

 

By Cabdulqaadir Yusuf Geri
vip77@hotmail.com