Ururka dhalinyarada reer puntland ee ku nool dalka Denmark ayaa ku baaqay in puntland lagu dhaqo shareecada islaamka
 
Dhalinayarada kasoo jeeda Puntland ee ku dhaqan dalka Denmark ayaa baryihii ugu dambeeyay kulammo waxa ay uga socdeen magaalada Copenhagen ee caasimadda dalkaasi.
 
Kulammadaasi ayaa waxaa kasoo baxay go’aamo dhowr ah oo ay ka mid yihiin In shacabka puntland lagu maamulo xukunka islaamka.
 
Guddoomiye kuxigeenka ururka dhalinyarada reer puntland ee denmark axmed c/qaadir cadceed ayaa sheegay inay ugu baaqayaan shacabka reer puntland inay ku dhaqmaan shareecada islaamka.
 
Mr.axmed cadceed ayaa sidoo kale waxa uu sheegay inay ammaan usoo jeedinayaa Midowga maxaakiimta islaamiga ah waxqabadkoodii.
 
Website-yada soomaaliyeed ayaa qaarkood waxa ay u barteen aflagaadada masuuliyiinta iyo isku dirka beelaha dhexdooda ah.
 
Haddaba website-ka idamaale ayaa waxa uu nuqulkiisa hore kusoo daabacay aflagaado ka dhan ah suldaan c/salaan xaaji axmed nuur oo katirsan salaadiinta soomaaliyeed.
 
Suldaan c/salaan xaaji axmed nuur ayaa waxaa uu kamid yahay salaadiinta ugu waawayn puntland, waxaan aflagaado ay kasoo gaartay website-ka idamaale.com oo ay leeyihiin dad qeyru mas'uul ah oo had iyo jeeraale jecel in ay faafiyaan been iyo warar aan sal laheyn, kuwaasoo kasoo jeeda deegaanka Dameeralay ee kililka shanaad ee Ethiopia.
 
Suldaanka ayaysan ahayn markii u horraysay oo ay soo handadaan beeshaasi, waxaana jirta in hadda ka hor suldaanka gaarigiisii ay tuugo kasoo jeedda beel katirsan beelahaasi ay dheceen.
 
Aflagaadada iyo handadaada ka dhanka ah Suldaan c/salaan ayaa waxaa si wayn uga xumaaday shacabka uu suldaanka u yahay oo sheegay inay tallaabo cad ka qaadayaan dadkii dambigaasi ku kacay.
 
Beesha aflagaadada iyo handadaada la baratay suldaanka ayaa waxa ay tahay beesha iyadu uu kasoo jeedo gacan ku dhiiglihii horay u dilay suldaan ka tirsanaa salaadiinta soomaaliyeed ee Puntland.
 
Haddaba beesha uu kasoo jeedo suldaan c/salaan ayaa waxa ay digniin kama dambays ah u diraysaa beeshaasi iyada oo uu mid ka tirsan odayaasha beeshaasina yiri “ Ma ahan inaan mar dambe u dulqaadanayno handadaada ka dhanka ah suldaankayaga ee waxaanu
qaadayna tallaabo cad”.
 
Handadaada iyo aflagaadada salaadiinta oo soomaalidu aysan caado u lahayn ayaa waxaa dhaqan ka dhigtay beesha uu kasoo jeedo gacan ku dhiiglaha horay Suldaanka ugu dilay Puntland, kaasoo iminka sheegta in uu yahay mas'uulka ugu sareeya xukuumadda Dowladda FKMG ah.



Idiriis Xaaji Xasan Maxamuud "Cirguje"
idiriisxc@hotmail.com



Allgedo News Media Network (ANMN)
allgedo@allgedo.com