Maamulka Deg. G/haarey oo cambaareeyey dilkii Deg. Bu'aalle loogu geystey dadkii dhaawaca ahaa iyo kuwo kale

Maamulka Deg. G/haarey ayaa maanta war cad oo ay  ka soo saareen   degmadaasi ayaa waxay si kulul ugu cambaareeyen falal dilal ah oo baryahii la soo dhaafey Magaalooyinka Bu'aalle iyo Kismaayo looga geystey rag Beesha SADE ka soo jeeda oo qaarkood dhaawac ay ahaayeen, halka kuwo kalena hayb qabiil loo diley, iyadoo falalkaasina ay geeysteen Ciidamo ka tirsan Maxkamadaha oo deegaanadaasi ku sugan.

Haddaba warcad oo maanta deg.G/haarey si wadajir ah ay u soo saareen Maamulka iyo Odayaasha Degmada G/haarey oo nuqul ka mid warsaxaafadeedkaasi  Saxaafada Gudaha iyo Dibada loo qeybiyey  ayaa falalkaasi waxaa lagu tilmaamey kuwo arxandaro ah, islamrkana aan la sii fiirsan karin sii socoshadooda.

Ciidanka maxkamadaha ee jooga Deg.Bu'aale  iyo Kismaayo waxay 48dii saac ee la soo dhaafey ay ku dileen Bu'aalle iyo kismaayo dad ka badan 6qof oo qaarkood dhaawac loo diley ,halka 2kalena Guri iyo gaadiid lagala degay dabadeedna Toogassho lagu diley.

Falalkan dilka ah  ayaa lagu tilmaamey kuwo naxariis daro ah oo xad gudub ku ah shareecada islaamka ,xeerarka soo jireenka ee dhaqanka soomaalida iyo baaqa caalamiga ee xaquuqda aadanaha,sidaas darteed  Maamulka iyo Odayaasha Deg.G/haarey waxay falalkan xariirka ah ay u arkaan kuwo qorsheysan oo laga soo shaqeeyey, isla markaana ay ka dambeeyaan kuwo damiirkii dadnimo ay ka dhamaatey.

Maamulka G/Haarey iyo Odayasha  waxay ugu ugu digayaan maxkamadahu inay ka waantoobaan falalka dilka micno darida ee lagula kacayo dadka maatada ah, haddii ay sii socdaan oo aan laga waantoobin arimahaasi waxay saameyn ku yeelan doonaan isusocodka dadka arimahaasi ay  khuseeyaan warsaxafadeedkan oo ay soo saareen Maamulka iyo Odayasha G/Haarey ayaa waxaa ku saxiixnaa Gudoomiyaha G/haarey Gaarane Nuur Maxamuud.



A.C S.
Baardheere



Allgedo News Media Network (ANMN)