Mogadishu- November 02, 2006 Guuto ka tirsan ciidamada xoogga dalka iyo cutub ka mid ah ciidamada booliska Somalia ayaa si toos ah ugu biiray Maxkamadaha islaamka, ka dib munaasabado maanta ka kala dhacay xarunta xisbiga iyo dugsiga booliska Soomaaliyeed.

Ciidamada xoogga dalka Somalia oo ku biirey Maxkamadaha islaamka

Gudoomiyaha golaha fulunta maxkamadaha islaamka, Sheekh Shariif oo ka hadlay munaasabada

Hal guuto oo ka mid ah ciidamada xoogga dalka Somalia ayaa ku biiryay Maxkamadaha islaamka, iyadoo tirada ciidamadaasi lagu qiyaasay 1000 askari oo gaado ka ciyaar ku soo bandhigay xarunta xisbiga, iyagoo salaamo ka qaatay hogaanka sare ee golaha maxaakiimta islaamka Sheekh Shariif Sheekh Axmed.

Sidoo kale munaasabad ka dhacday dugsiga booliska ayaa ku dhowaad ilaa 400 oo ciidamadii hore ee booliska ay ku biireen maxkamadaha islaamka.

Sheekh Shariif Sheekh Axmed oo ah madaxa golaha fulinta maxkamadaha islaamka ayaa waxa uu sheegay in dalka Somalia ay joogaan ciidamo cadow ah loona baahan yahay in laga hortago.

Sidoo kale waxaa halkaasi ka hadlay Sheekh Yuusuf Indho cadde oo sheegay in ciidamada booliska iyo kuwa militariga ee maanta ku biiray maxkamadaha ay ku xuquuq noqon doonaan kuwa maxkamadaha islaamka.

Si kastaba ha haaate ku soo biiritaanka ciidamada militariga iyo kuwa booliska ee golaha Maxkamadaha islaamka ayaa ku soo beegmay xilli laga cabsi qabo dagaalo ka qarxa gobolada Baay iyo Bakool.

Xafiiska Muqdisho
Allgedo News Media Network (ANMN)
allgedo@allgedo.com