Mogadishu- November 12, 2006 Xoogagga Maxkamadaha islaamka Somalia ayaa la wareegay gacan ku heynta deegaanka Bandiiradleey iyo tuulooyin kale oo fariisimo u ahaan jirtey Ciidamo taabacsan Col. Cabdi qeybdiid iyo ciidamada Puntland, ka dib dagaal faraha looga gudbtay oo saakay ka qarxay deegaanka Bandiiradleey oo 60 km u jira magaalada Galkacyo.

Dagaalkaan oo la isku adeegsaday hubka nuucyadiisa kala duwan ayaa waxa uu geeystay qasaaro naf iyo maalba leh oo ilaa iyo haatan si rasmi ah aan loo ogeyn cadadkooda.

Laakiin maxkamadaha islaamka ayaa waxa ay sheegteen in labo ka mid ah askartooda ay ku geeriyootay dagaalka, kuwaasi oo lopo qaaday dhinaca magaalada Cadaado iyo dhaawacyo aysan tiradooda cayimin.
Afhayeenka golaha maxkamadaha islaamkee gobolada dhexe ee Somalia Max’uud Max’ed Jimcaale Cago-weyne waxa uu sheegay in maxkamadaha islaamka diri qaraar ka dib ay ku guuleeysteen in ay gacnat ku dhigaan deegaanka Bandiiradleey iyo tuulooyin dhowr ah oo ay ka mid yihiin Dagaari, sadax-xiglo, xalaal oo 20 KM u jira magaalada G/gacyo.

Ma jirto wax war ah oo ka soo baxay dhinaca Cabdi Qeybdiid iyo maamulka Puntland oo ku aadan dagaalkaan, inkastoo ciidamo badan ooPuntland ah la soo dhoobay magaalada Galkacyo oo kaabiga ay ku hayaan maxkamadaha islaamka.

“ Waxaanu ku guuleysanay in aynu dhinaca Ethiopia u riixno xooggagii Cabdi Qeybdiid iyo Puntland” ayuu yiri Cago weyne oo intaasi ku daray in ay ku si qayaan magaalada Galkacyo.

Dagaalkaan ayaa hadii uu sii socdo waxaa suurto gal ah in uu ku fido ilaa gobolada Puntland oo maalmihii ugu dambeeyay looga dhawaaqayay maxkamado taabacsan midowga maxkamadaha islaamka.

Xafiiska Muqdisho
Allgedo News Media Network (ANMN)
allgedo@allgedo.com