Maxkamadaha islaamka Somalia oo guddi u saaray in aan la isku khilaafin maalinta ciidda.

Mogadishu- October 21, 2006 Golaha maxaakimta islaamka ayaa shaaca ka qaaday in guddi ay u saareen sidii loo mideyn lahaa isla markaana umadda Soomaaliyeed ay hal maalin u wada ciidi lahaayeen si looga fogaado in dadku ay kala ciidaan.

Iyadoo la hadal hayo in maalinta beri ama saad dambe ay ku beegan tahay maalinta ciidda ayaa golaha maxaakiimta islaamka waxa ay magacaabeen guddi ka shaqeeya mideynta maalinta ciidul fidriga
Guddigaan oo ka kooban dhowr xubnood ayaa loogu talo galay in ay xaqiijiyaan aragtida dhalashada bisha barakeysan, iyagoo idaacadaha kala hadli doona shacabka si ay u ciidana.

Gudoomiyaha golaha fulinta maxaakiimta islaamka Somalia Sheekh Shariif Sheekh Axmed ayaa horey u sheegay in ay muhiim tahay in umadda Soomaaliyeed ay hal mar wada ciido.

Bilowgii bisha barakeysan ee Ramadan ayaa inta badan meelaha ay maamulaan maxkamadaha islaamka hal mar laga wada soomay.

Xafiiska Muqdisho

Allgedo News Media Network (ANMN)
allgedo@allgedo.com