Roobab lagu qabowsaday oo ka da’ay inta badan gobolka Gedo

Mogadishu- October 21, 2006 Roobabkii deyrta ayaa ka curtey inta badan deegaanada hoosyimaada gobolka Gedo, xilli abaaro daran ay ka jireen halkaasi oo dadka iyo duuunyada ay u baahnaayeen in ay helaan biyo.

Roobab lagu diirsaday ayaa ka da’ay shalay iyo xalay degmada Baardheere iyo deegaano hoos-yimaada, kuwaasi oo dadka iyo duunyadaba ay ku qabowsdeen, xilli si weyn loo sugayay.

Roobabkaan oo biyo dhigay wadooyinka magaalada Baardheere ayaan la soo sheegin wax qasaaro ah oo ay geeysteen, iyadoo beeraleyda iyo xoolo dhaqatada ay si weyn u soo dhaweeyeen.

Sidoo kale roobabkii deyrta ayaa waxa ay ka curteen deegaano ay ka mid tahay degmada B/xaawo, Garbaharteey, Luuq iyo meelo kale oo ka tirsan gobolka Gedo oo si weyn loogu qabowsaday.

Roobabkaan ayaa ku soo beegmay xilli dadka iyo duunyada ay si weyn ugu baahnaayeen in ay helaan biyo ku filan.

Gobolka Gedo ayaa waxa uu ahaa meelihii ay ugu saameynta badneyd abaarihii sanadkii hore ka dhacay K/Somalia.

Xafiiska Muqdisho

Allgedo News Media Network (ANMN)
allgedo@allgedo.com